لواحي ن يوحنا 20:3 - ثريفيث 2020

³ ئِنْضَر-يث ذِي ڒَادْجغ بْڒَا ڒَاحدّ، ئِبلّع خَاس ثَوَّارْث يشمّع-يت بَاش سّنِّي اَڒ ثْسَاونْت وَار يخدّع شَا ڒݣْنُوْس اَڒ غَا كمّْڒن اَڒَاف ن يسݣّْوُوْسَا نِّي. منْبَعْد إِ مَانَاينِّي لَابُد اَذ يتْوَاضْڒق شْوَايْت ن ڒْوقْث.

لواحي ن يوحنا 20:3 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 27:66

رُوْحن ݣِّين ڒْعَسّث خ ونْضڒ: شمْعن ثَوَّارْث نّس، جِّين ذِنِّي يعسَّاسن.

مرقس 4:15

زَّرِّيعث نِّي إِݣ يوْضَان خ وبْرِيذ نتَّاث اَم يِوْذَان إِي تسْڒَان إِ وَاوَاڒ ن أَربِّـي. ئِتْرَاح شِّيطَان ذغْيَا يتكّس اَوَاڒ نِّي يتْوَازرْعن ذَايْسن ذݣ وُوْڒ.

لوقا 8:31

حشّْمن-ث اَطَّاس جْنُوْن نِّي حمَا وَار ثن يتْسكِّي شَا غَار وَانُو بْڒَا ڒَحدّ.

22 أيث-كورينث 11:3

وَلَكِن نش ݣّْوْذغ مَامّش ذَاس يوْقع إِ حَوَّا يشْمث-يت وفِيغَر س ثحْرَايْمِيث نّس ؤُڒَا ذ كنِّيو ڒَعْقُوْڒَاث نْوم اَذ فّْغن اَبْرِيذ، وَار ذَاس تْطِيعِيم شَا إِ لْمَسِيح س وُوْڒَاون نْوم بْڒَا نِّفَاق أُو بْڒَا ڒْعِيب.

2 بطرس 3:8

آي يمْعِيزّن ينُو، وَار تتُّوْث شَا ثَمسْڒَايْث-أَ: سِيذِيثْنغ يحسّب يجّن ن نْهَار اَم وَاڒَاف ن يسݣّْوُوْسَا، ئِحسّب اَڒَاف ن يسݣّْوُوْسَا اَم يِجّن ن نْهَار.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 13:14

ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.

لواحي ن يوحنا 17:2

فسْذن اَكِذس يزدْجِيذن ن ثْمُوْرْث أُو عَاوذ يمزْذَاغ ن ثْمُوْرْث سْكَارن س وَامَان وضِيڒ يعْنِي لْفَسَاد نّس."

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.

لواحي ن يوحنا 20:1

ࢲْرِيغ يجّن ن لْمَلَاك يهْوَا-د زݣ وجنَّا غَارس ذݣ وفُوْس نّس ڒْمفْتَاح ن ڒَادْجغ بْڒَا ڒَاحدّ ذ يِجّن ن سّنْسْڒث ذ ثَمقّْرَانْت.