لواحي ن يوحنا 20:12 - ثريفيث 2020

¹² ࢲْرِيغ يمتِّينن بدّن زَّاث إِ لْعَرْش نِّي اَم ومزْيَان اَم ومقّْرَان. نُوْرْزْمن لْكُتُب، ئِنُوْرْزم يجّن ن لْكِتَاب نّغْنِي نتَّا ذ لْكِتَاب ن ثُوْذَارْث. تْوَاحَاسْبن يمتِّينن س مِين يُوْرِين ذِي لْكُتُب عْلَاحْسَاب ڒخْذَايم نْسن.

لواحي ن يوحنا 20:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:22

خ مَانَاينِّي اَذَاوم ينِيغ: أَقَا ثِندَّام ثِعفَّانِين نِّي ن صُوْر ذ صَيْدَا اَذ يڒِينْت حْسن زَّايْوم ذِي يُوْم لْحِسَاب ذ لْعِقَاب.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:27

أَقَا مِّيس ن بْنَاذم اَذ د يَاس س لْعَظَمَا ن بَابَاس اَك لْمَلَائِكَاث نّس، أُوشَا اَذ يجَازَا مْكُڒ يجّن عْلَاحْسَاب ڒْخذْمث نّس.

لوقا 10:20

إِنَّمَا، وَار فَرّْحث شَا وَامِي جْنُوْن ذَاوم تݣّن اَرَّاي. لَّا، فَرْحث وَامِي يسمَاون نْوم ؤُرِين زمّن ذݣ وجنَّا."

ڒخذايم 24:15

غَارِي لْأَمَال زِي أَربِّـي مَامش غَارْسن يدْجَا غَار يرْيَازن-أَ، يعْنِي اَذ د كَّرن زِي ڒْموْث صَّالِحِين ذ ضَّالِمِين.

أيث-روما 2:6

ثُمَّا اَذ يخدْجس أَربِّـي مْكُڒ يجّن خ ڒخْذَايم نّس.

1 أيث-كورينث 4:5

خ مَانَايَا وَار قَّارم وَالُو خ ڒْحُكم قْبڒ ڒْوقْث، يعْنِي قْبڒ إِي د غَا يَاس سِيذِيثْنغ. ذ نتَّا إِي غَا يسْبيّنن ثِمسْڒَايِين نِّي غَار نُّوْر ڒخُّو نُوْفَّرنْت ذِي ثَادْجسْت، أَذ د يسْمظْهَار كُڒ لْغَرَض ن يِوْذَان إِي غَارْسن ذݣ وُوْڒَاون نْسن. ڒخْدّنِّي كُڒ يجّن اَغَارس يِيڒِي وسمْغَار نّس زِي أَربِّـي.

22 أيث-كورينث 5:10

لِأَنَّا لَابُد أَ نْبدّ مَارَّا إِذْنغ زَّاث إِ لْعَرْش ن لْمَسِيح مَانِي إِي غَا نتْوَاحْكم. كُڒ يجّن اَث يجَازَا خ مِين يسْذَاهدْج عْلَاحْسَاب ثِمسْڒَايِين نِّي إِݣ يݣَّا وَامِي يزْذغ ذِي دَّات، ذ ثِصبْحَانِين نِغ ذ ثِعفَّانِين.

أيث-فيليـپـي 4:3

وَاه، تتَّارغ ؤُڒَا ذ شك آي اَمْعَشَار ينُو ن صَّح، عَون ثِمْغَارِين-أَ إِي كِذِي يخدّْمن فُوْس ذݣ وفُوْس ذِي لْإِنْجِيل، أَكِذْسنْت عَاوذ كْرِيمُو ذ يمْعَشَارن ينُو نّغْنِي. ئِسمَاون نْسن مَارَّا اَقَاثن ذِي لْكِتَاب ن ثُوْذَارْث.

لواحي ن يوحنا 11:18

ڒݣْنُوْس غضْبن، يُوْوض-د وغْضَب نّش. يُوْوض-د نْهَار ن لْحِسَاب ذ لْعِقَاب ن يِنِّي يمُّوْثن. اَذ تْجَازِيذ يِنِّي ذَاش يخدّْمن يعْنِي لأَنْبِيَا ذ ڒْمُوْمِنِين نّش صَّالِحِين، ذ ينِّي يتْوقَّارن يسم نّش س يمزْيَانن ذ يمقّْرَانن. أَذ تقْضِيذ خ يِنِّي يسفْسَاذن ثَمُوْرْث."

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.

لواحي ن يوحنا 19:5

ثُوْسَا-د يجّن ن ثْمِيجَّا زِي لْعَرْش ثقَّار: "حمْذث أَربِّـي يَا لْعِبَاد نّس مَارَّا، آ يِنِّي ث يتݣّْوْذن س ؤُمزْيَان ذ ؤُمقّْرَان!"

لواحي ن يوحنا 2:23

أَذ نْغغ ثَارْوَا نّس. أَذْ سّْنن مَارَّا ثِجُمَاع ن ڒْمُوْمِنِين بلِّي ذ نش إِݣ يتْميَّازن مِين ذَايس ذِي ڒَعْقڒ ذ وُوْڒ. كُڒ يجّن زَّايْوم اَذَاس ؤُشغ عْلَاحْسَاب ڒخْذَايم نّس.

لواحي ن يوحنا 20:11

ࢲْرِيغ يجّن ن لْعَرْش ذ اَشمْڒَاڒ ذ اَمقّْرَان. ونِّي خَاس يقِّيمن ثَرْوڒ زَّايس ثْمُوْرْث ذ وجنَّا وَار ذَاسن يقِّيم بُو ومْشَان.

لواحي ن يوحنا 20:13

ڒبْحَر يسلّم يمتِّينن إِݣ يشَّا. ڒْموْث ذ لْأَخِرَا سلّْمنْت يمتِّينن نْسنْت. أُوْشَا كُڒ يجّن اَذ يتْوَاحَاسب عْلَاحْسَاب ڒخْذَايم نّس.

لواحي ن يوحنا 20:15

ونِّي وَار غَار ؤُفِين شَا يسم نّس يزمّم ذِي لْكِتَاب ن ثُوْذَارْث قَا يمنْضَار-د ذِي ڒبْحَر ن ثْمسِّي.

لواحي ن يوحنا 21:27

وَار ذِنِّي تَاذف ؤُڒَا ذ يجّن ن ثْمسْڒَايْث ثْوسّخ نِغ ذ يكْرُوْشَارن نِغ ذ يِنِّي يقَّارن يخرِّيقن. أَذ اَذْفن ذِنِّي غِير يِنِّي غَار دْجَان يسمَاون نْسن زمّْمن ذِي لْكِتَاب ن ثُوْذَارْث ن يِزْمَار.

لواحي ن يوحنا 22:12

ئِنَّا عِيْسَى: "نش اَقَا ؤُسِيغ-د وَار تْعطَّاڒغ شَا! أَذ د اَوِيغ تخْڒِيسث، أَذ جَازِيغ كُڒ يجّن عْلَاحْسَاب ڒخْذَايم نّس.

لواحي ن يوحنا 3:5

ونِّي غَا يربْحن اَذَاس ݣّن اَرُّوْض ذ اَشمْڒَاڒ. نش عمَّارْص اَذ مسْحغ يسم نّس زِي لْكِتَاب ن ثُوْذَارْث، أَخَاس شهْذغ زَّاث إِ بَابَا ذ لْمَلَائِكَاث نّس.