لواحي ن يوحنا 2:3 - ثريفيث 2020

³ ثصْبَرذ، ثيْسِيذ تَمَارَا عْلَاحْسَاب يسم ينُو بْڒَا مَا ٱذ تَاحْرذ.

لواحي ن يوحنا 2:3 ပူးပေါင်းရင်းမြစ်များ

مرقس 15:21

ئِجّن ن ورْيَاز يكَّا-د زِي ڒْكَامْپُو يعْذُو-د سّنِّي. أَرْيَاز نِّي زِي ثنْدِينْت ن لْقُرِينَا قَّارن-اَس سِمْعَان، نتَّا ذ بَابَاس ن إِسْكَنْدر اَك أَرُوْفُس. ݣِّين خَاس ڒْعَسْكَار صَّلِيب س بزّز حمَا اَث يَرْبُو.

لوقا 14:27

ونِّي يرزُّوْن اَذَايِي يذْفَار وَار يكسِّي شَا صَّلِيب نّس مِيخ غَا يعدّب، أَتَاف وَار يزمَّر اَذ يِيڒِي ذ اَمحْضَار ينُو.

لوقا 18:1

ئِسِّيوڒ اَكِذْسن عِيْسَى س يِجّن ن ڒْمَعْنَا بَاش اَذ سّْنن بلِّي يتْخصَّا-يَاسن اَذ تْࢲَادْجن ڒبْدَا وَار تِيحْڒن شَا.

لوقا 21:19

س صّْبَار نْوم اَتَاف اَذ تْنجْمم.

لوقا 5:5

ينَّا-ٱس سِمْعَان: "آ لْمُعَلِّيم، نشِّين دْجِيڒث ثكْمَاڒ نْخدّم وَار د نْسِيڒِي ؤُڒَا ذ يجّن ن وسْڒم، وَلَكِن وَامِي ت ثنِّيذ شك اَذ ضڒْقغ ثِيرَاشِّيوِين."

لوقا 8:15

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث س وُوْڒ نْسن اَصبْحَان ذ اَشمْڒَاڒ، صبَّارن حمَا اَذ اَرْون.

يوحنا 15:21

نِثْنِي تݣّن-اَوم مَانَايَا مَارَّا خ سَّبَاب ن يِيسم ينُو مِينْزِي وَار سِّينن شَا ونِّي إِي ذَايِي د يسّكّن.

أيث-روما 12:12

فَرْحث ذِي لْأَمَال. صْبَارث خ تَمَارَا. دَاوّْمث خ ثْࢲَادْجِيث.

أيث-روما 16:12

سِيوْضم-اَسنْت سْڒَام إِ ضْرِيفُوْنَا ذ ضْرِيفِيسَا ثِنِّي يخدّْمن اَطَّاس ذِي سِيذِيثْنغ. سِيوْضم-اَس سْڒَام إِ ثَافرْسِيسْت إِي خَانغ يعِيزّن، ثْخدّم اَطَّاس ذِي سِيذِيثْنغ.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

أيث-روما 8:25

لَّا، وَلَكِن مڒَا عَاذ وَار ث نُوْفِي شَا اَتَاف اَث نْرَاجَا س صّْبَر.

1 أيث-كورينث 13:7

وَار ثْفطَّاح عمَّارْص. تَامن شْحَاڒ مَا ثكَّا. ثْصبَّر خ مِين مَا يدْجَان. س لْأَمَال ڒبْدَا تْمنَّا.

22 أيث-كورينث 10:15

وَار نْتفْتَخَر شَا س ڒْخذْمث إِي ݣِّين مِيدّن يعْنِى بَاش أَ نَاوِي شَّان نّس؛ لَّا، نشِّين نتْمنَّا اَذ تَرْنِيم ذِي لْإِيمَان نْوم بَاش عَاوذ لْحُدُوْد نّغ اَكِذْوم يتْمَارْنِي.

22 أيث-كورينث 11:23

مڒَا نِثْنِي ذ يخدَّامن ن لْمَسِيح، ؤُڒَا ذ نش حْسن عَاذ ذ اَخدَّام ن لْمَسِيح (سَّاوَاڒغ زَعْمَا س ثُوْبُّوْهْڒِيَا-يَا). نش شَّاثغ تَمَارَا كْتَار زَّايْسن، حبّْسن-اَيِي كْتَار زَّايْسن، ؤُوْثِين-اَيِي س وسْغُوْن كْتَار زَّايْسن. نش مشْحَاڒ ن ثْوَاڒَاثِين تْوَاجَاهغ ڒْموْث.

22 أيث-كورينث 4:1

س مَانَايَا، وَار نْتفْشِيڒ شَا مِنْزِي غَارْنغ ڒْعَهذ-أَ وَانِيتَا س اَرَّحْمث ن أَربِّـي.

22 أيث-كورينث 4:16

خ مَانَايَا نشِّين وَار نْتفْشِيڒ شَا. وَاخَّا طَّبِيعَا ن دَّات نّغ غَار بَارَّا تْرَاح، طَّبِيعَا نّغ غَار ذَاخڒ تجْهِيذ نْهَار خ نْهَار.

22 أيث-كورينث 5:9

خ مَانَاينِّي مِيخف نْرزُّو؟ نْرزُّو اَخَاس نَارْضَا وَاخَّا نْزدّغ ذِي دَّات-أَ ن دُّنشْت-أَ نِغ نْتَاݣّْوَاج زَّايس.

22 أيث-كورينث 6:5

نشِّين تْمَرَّاثن-اَنغ، تْحبَّاسن-اَنغ، تݣّن-اَنغ ڒْفَوْضَا؛ نشِّين نشَّاث تَمَارَا، نقِّيم ذِي دْجِيَاڒِي بْڒَا يضص، ندْجُوْز.

أيث-ݣلاطيا 6:2

أَرْبُوْث دْقڒ اَݣ وَايَاوْيَا، س مَانَايَا اَذ تݣّم ڒُوْصِيّث نِّي ن لْمَسِيح.

أيث-ݣلاطيا 6:9

إِيوَا يتْخصَّا وَار نْتِيحڒ شَا ذِي ڒخْذَايم ن ڒْخِير. مَايمِّي؟ ڒَاحقَّاش اَڒ ڒْوقْث نِّي نِيشَان ن ومْجَار أَ نمْجَار يعْنِي مڒَا وَار نفْشِيڒ شَا.

أيث-فيليـپـي 4:3

وَاه، تتَّارغ ؤُڒَا ذ شك آي اَمْعَشَار ينُو ن صَّح، عَون ثِمْغَارِين-أَ إِي كِذِي يخدّْمن فُوْس ذݣ وفُوْس ذِي لْإِنْجِيل، أَكِذْسنْت عَاوذ كْرِيمُو ذ يمْعَشَارن ينُو نّغْنِي. ئِسمَاون نْسن مَارَّا اَقَاثن ذِي لْكِتَاب ن ثُوْذَارْث.

أيث-كولوس 1:11

نْتتَّار إِ أَربِّـي اَذ تْجهْذم ذِي مَارَّا ثِزمَّار نْوم عْلَاحْسَاب لْقُوَّا نّس يدْجَان عَظِيمَا بَاش اَذ تْبدّم اَذ تصْبَارم مْلِيح س ڒفْرَاحث،

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

1 أيث-سلونيك 2:9

آي أَيثْمَا، أَقَا ثْعقْڒم خ ڒْخذْمث نّغ قَا نشِّين نُوْوْثَا خَاس تَمَارَا. وَامِي كنِّيو نتْبشَّار س لْإِنْجِيل ن أَربِّـي، قَا نْخدّم دْجِيڒث ذ نْهَار بَاش وَار نتْبسِّيڒ شَا خ شَان حَدّ زَّايْوم.

1 أيث-سلونيك 5:12

فَا آي أَيثْمَا، نقَّار-اَوم وقَّرم يِنِّي يخدّْمن جَارَاوم إِݣ يدْجَان خَاوم نهَّان-كنِّيو.

2 أيث-سلونيك 3:13

أَمَّا كنِّيو آي أَيثْمَا، ݣّث ڒْخِير بْڒَا مَا ٱذ تَاحْڒم.

2 أيث-سلونيك 3:5

أَذ يسِيْوض سِيذِيثْنغ ؤُڒَاون نْوم غَار ڒمْحِبّث ن أَربِّـي، عَاوذ غَار صّْبَر ن لْمَسِيح.

2 أيث-سلونيك 3:8

وَار نشِّي بُو وغْرُوْم اَك حَدّ بَاطڒ. لَّا، نْخدّم دْجِيڒث ذ نْهَار، نشَّاث تَمَارَا نْربّڒ بَاش وَار نتْبسِّيڒ خ حَدّ زَّايْوم.

1 تيموتاوس 4:10

خ مَانَايَا نشِّين نْخدّم نربّڒ لِأَنَّا نݣَّا لْأَمَال نّغ ذِي أَربِّـي يدَّرن ونِّي يسنْجَامن مَارَّا يوْذَان خَاصَّتَان ذ يِنِّي يتَامْنن.

1 تيموتاوس 5:17

ئِمقّْرَانن ن جْمَاعث ن ڒْمُوْمِنِين يِنِّي يتحْكَامن مْلِيح أُو لَابُد اَثن تْوقَّرم ذ ضُوْبْلِي، خَاصَّتَان يِنِّي يخدّْمن اَطَّاس ذݣ وحدّث ذ وسڒْمذ.

يعيبرانيين 10:36

أَقَا يتْخصَّا اَذ تصْبَارم، مَايمِّي؟ بَاش خْمِي غَا ثݣّم ڒْخَاضَر ن أَربِّـي، أَتَاف اَغَارْوم يِيڒِي مِينْزِي إِي كنِّيو يوْعذ.

يعيبرانيين 12:1

إِذن عْلَاحْسَاب نِثْنِي، يعْنِي ڒشْهُوْذ نِّي ن لْإِيمَان إِي خَانغ يتنّْضن اَم يِجّن ن ؤُمُوْنِي ذ اَمقّْرَان، لَابُد أَ نكَّر أَ نكّس كُڒ دْقڒ ذ كُڒ ڒْمُعْصِيّث إِي ذَانغ يسحْصَارن. أَ نَازّْڒث س صْبَار ثَازّْڒَا نِّي إِي ذَانغ يتْرَاجَان غَار زَّاث.

يعيبرانيين 13:13

خ مَانَايَا أَ نْرَاح غَار عِيْسَى غَار ڒݣّْوَاج ن يقِيضَان أَ نَارْبُو اَحݣَّار نِّي إِي خف يصْبَر نتَّا.

يعيبرانيين 6:10

إِيوَا أَربِّـي، مَا يتِيشّ ڒْحَقّ مَا لَّا؟ وَاه، أَربِّـي وَار يتتُّو شَا ڒْخذْمث نْوم ذ ڒمْحِبّث نِّي ذَاس د ثْسظْهَارم وَامِي ثْعَاوْنم صَّالِحِين. أُو عَاذ تݣّم مَانَايَا.

يعيبرانيين 6:12

وَار نخْس شَا اَذ تْعݣْزم. ئِتْخصَّا اَذ تِيڒِيم اَم يِنِّي يتْوَارَاثن س صّْبَر ذ لْإِيمَان نْسن خ ثْمسْڒَايِين نِّي إِي زِي ثن يوْعذ أَربِّـي.

يعيبرانيين 6:15

إِيوَا اَمُّو وَامِي يرَاجَا بْرَاهِيم س يِجّن ن صّْبَر يُوْوض-اَس-د مِين زِي ث يوْعذ أَربِّـي.

2 بطرس 1:6

أُو عَاوذ اَرْنِيم ڒحْكَام خ يِيخف نْوم اَك ثُوْسْنَا-يَا نْوم؛ أَو عَاوذ اَرْنِيم طَّاعَا إِ أَربِّـي اَك ڒحْكَام-أَ خ يِيخف نْوم؛

لواحي ن يوحنا 1:9

نش ذ يُوْحَنَّا ذ ؤُمَاثْوم، شرّْشغ اَكِذْوم ذِي ڒمْحَاين ذ ڒْمُلْك ن أَربِّـي ذْ صّْبَار إِݣ يدْجَان ذِي عِيْسَى. تُوْغَا دْجِيغ ذِي ثيْزِيْرْث ن بَطْمُس عْلَاحْسَاب اَوَاڒ ن أَربِّـي ذ مِين خف يشْهذ عِيْسَى.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.