لواحي ن يوحنا 2:17 - ثريفيث 2020

¹⁷ صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، أَذَاس ؤُشغ اَذ يشّ اَغْرُوْم ن لْمَنَّا ونِّي يتْوَاسْنُوْفّرن. أَذَاس ؤُشغ اَزْرُو ذ اَشمْڒَاڒ يُوْرَا ذَايس يجّن ن يِيسم ذ جْذِيذ وَار ث يسِّين حَدّ إِلَّا ونِّي إِي ث غَا يقبْڒن.

لواحي ن يوحنا 2:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:11

ئِنْدق-د عِيْسَى ينَّا-ٱسن: "ئِتْوَاسْمح إِ كنِّيو اَذ تسّْنم مِين ينُوْفَّارن ذِي ڒْمُلْك وجنَّا. وَلَكِن نِثْنِي لَّا، وَار ذَاسن يتْوَاسْمح شَا.

مرقس 7:16

{صنّط مْلِيح آ ونِّي يتْسْڒَان!}"

يوحنا 4:32

وَلَكِن نتَّا ينَّا-ٱسن: "غَارِي مِين تتّغ، كنِّيو وَار ث ثسِّينم شَا."

1 أيث-كورينث 2:14

بْنَاذم عَادِي يتَاݣِي اَذ يقْبڒ ثِمسْڒَايِين ن اَرُّوْح ن أَربِّـي، غَارس مَانَايَا ذ ثُوْبُّوْهْڒِيَا وَاهَا. وَار يزمَّر شَا اَثنْت يفْهم، لِأَنَّا س اَرُّوْح ن أَربِّـي وَاحْذس إِي ثنْت غَا يميّز.

أيث-كولوس 3:3

مِينْزِي زَعْمَا كنِّيو ثمُّوْثم، ثُوْذَارْث نْوم اَقَا ثْنُوْفَّر اَك لْمَسِيح ذِي أَربِّـي.

لواحي ن يوحنا 14:3

تْغنَّاجن يجّن ن يِزْڒِي ذ جْذِيذ زَّاث إِ لْعَرْش ذ اَرْبعَا نِّي ن لْمخْلُوْقَاث ذ يمْغَارن. وَار يزمَّر ؤُڒَا ذ يجّن اَذ يڒْمذ يزْڒِي نِّي إِلَّا ذ مِيَّا أُو اَرْبعَا أُو اَرْبعِين اَڒَاف نِّي إِي يتْوَاسْنجْمن زي دُّنشْت-أَ.

لواحي ن يوحنا 19:16

يُوْرَا خ وتْشَامِّير ذ ؤُمصَّاض نّس يجّن ن يِيْسم يعْنِي ذ أَزدْجِيذ ن يزدْجِيذن ذ مَوْلَانَا ن مَوْلَانَاث.

لواحي ن يوحنا 2:11

صنّط مْلِيح آ ونِّي يتْسْڒَان مِين يقَّار اَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، وَار ث تْضَرِّي شَا ڒْموْث نِّي وِيس ثْنَاين.

لواحي ن يوحنا 2:7

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن اَذَاس ؤُشغ اَذ يشّ زِي ثْشجَّارْث ن ثُوْذَارث إِي يدْجَان ذِي جّنّث ن أَربِّـي.

لواحي ن يوحنا 3:22

صنّط مْلِيح آ ونِّي يتْسْڒَان مِين يقَّار اَرُّوْح ن أَربِّـي إِ ثْجُمَاع ن ڒْمُوْمِنِين."

لواحي ن يوحنا 3:6

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين.