لواحي ن يوحنا 19:9 - ثريفيث 2020

⁹ ينَّا-ٱيِي لْمَلَاك ونِّي: "أَرِي مَانَايَا: سَّعْذ ن يِنِّي يتْوَاعَرْضن غَار ومنْسِي ن ڒْفَارْح ن يِزْمَار!" ينَّا-ٱيِي عَاوذ: "أَوَاڒن-أَ دْجَان ذ صَّح زِي أَربِّـي."

لواحي ن يوحنا 19:9 ပူးပေါင်းရင်းမြစ်များ

لوقا 22:16

أَقَا قَّارغ-اَوم: زِي سَّا اَڒ ثْسَاونْت وَار زَّايس تتّغ شَا اَڒ غَا يوْقع ذِي ڒْمُلْك ن أَريِّي."

1 تيموتاوس 1:15

أَقَا يجّن ن وَاوَاڒ ذَايس تِّقث أُو لَابُد اَذ يتْوَاقْبڒ مَارَّا، يعْنِي عِيْسَى لْمَسِيح يُوْسَا-د غَار دُّنشْت-أَ بَاش اَذ يسنْجم يِنِّي يعصَّان، زَّايْسن نش إِݣ يدْجَان ذ لْعَاصِي ذ اَمقّْرَان خَاسن مَارَّا.

1 تيموتاوس 4:9

أَوَاڒ-أَ ذَايس تِّقث أُو لَابُد اَذ يتْوَاقْبڒ يكْمَاڒ.

2 تيموتاوس 2:11

أَقَا يجّن وَاوَاڒ ذَايس تِّقث: مڒَا نمُّوْث اَكِذس، أُوْشَا أَ ندَّر اَكِذس.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

لواحي ن يوحنا 1:1

وَانِيتَا ذ لْوَحِي ن عِيْسَى لْمَسِيح. يُوْشَا-اَس-ث أَربِّـي حمَا اَث يسْمظْهَار إِ يِنِّي ث يعَبّْذن. مَانَايَا يتْخصَّا أُو لَابُد اَذ يوْقع ذغْيَا. لْمَسِيح يسّكّ لْمَلَاك نّس اَذ يخبَّر مَانَايَا إِ ڒْعَبْذ نّس قَّارن-اَس يُوْحَنَّا.

لواحي ن يوحنا 1:19

أَرِي مِين ثࢲْرِيذ، ذ مِين يتوْقِيعن ڒخُّو، ذ مِين غَا يوقْعن سَّا اَڒ ثْسَاونْت.

لواحي ن يوحنا 10:4

وَامِي د اَرِّين سبْعَا نِّي ن وَاجَّاجن، نش خْسغ اَذ اَرِيغ مَانَاينِّي وَلَكِن سْڒِيغ إِ يِجّن ن ثْمِيجَّا زݣ وجنَّا ثنَّا-ٱيِي-د: "لَّا، مِين نَّان سبْعَا-يَا ن وَاجَّاجن اجّ-يث غَارك ذ سِّرّ، وَار ث تَارِي شَا."

لواحي ن يوحنا 14:13

سْڒِيغ إِ يِجّن ن ثْمِيجَّا زݣ وجنَّا ثقَّار: "أَرِي مَانَايَا: سَّعْذ ن يمتِّينن إِي غَا يمّْثن سَّا اَڒ ثْسَاونْت ؤُمْنن زِي سِيذِيثْنغ." أَرُّوْح ن أَربِّـي يقَّار: "وَاه، حمَا اَذ ريّْحن زِي تَمَارَا نْسن ڒَاحقَّاش ذفَّارنْت-ثن لْحَسَانَات نْسن."

لواحي ن يوحنا 17:1

يُوْسَا-د غَارِي يجّن زِي سبْعَا ن لْمَلَائِكَاث نِّي إِي غَار دْجَانْت سبْعَا ن ثْمجْمَارِين ينَّا-ٱيِي: "أَرَاح-د، أَذَاش د سْمظْهَارغ لْحِسَاب ذ لْعِقَاب ن لْفَسْدَا ثَمقّْرَانْت إِݣ يقِّيمن خ وَاطَّاس ن وَامَان.

لواحي ن يوحنا 17:17

ڒَاحقَّاش ذ أَربِّـي إِݣ يسْمُوْنن ؤُڒَاون نْسن حمَا اَذَاس ݣّن ڒْخَاضَر إِ أَربِّـي، يعْنِي اَذ تَافْقن اَذَاس ؤُشن إِ ڒْوَحْش ڒحْكَام نْسن حتَّا اَڒ إِي غَا تْوَاكمّْڒن وَاوَاڒن ن أَربِّـي.

لواحي ن يوحنا 2:1

"أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن ؤُفَسُوْس، إِنِي-يَاس قَا ونِّي إِي يطّْفن سبْعَا ن يِيثْرَان ذݣ وفُوْس نّس اَفُوْسِي، يݣُّوْر ذي ڒْوسْط ن سبْعَا ن ڒقْنَاذڒ ن دّْهب، ئِقَّار-اَش:

لواحي ن يوحنا 2:12

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن بَرْغَامُوْس، إِنِي-يَاس قَا ونِّي غَار يدْجَا سِّيف يقْضع خ ثْنَاين ن جِّهَاث، ئِقَّار-اَش:

لواحي ن يوحنا 2:18

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن ثِيَاتْرَا، إِنِي-يَاس قَا ونِّي يدْجَان ذ مِّيس ن أَربِّـي، ثِيطَّاوِين نّس ݣِّينْت اَم ؤُحَذُوْق ن ثْمسِّي، ئِضَارن نّس ݣِّين اَم نّحَّاس يصْفَان، ئِقَّار-اَش:

لواحي ن يوحنا 2:8

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سْمِيْرْنَا، إِنِي-يَاس قَا ونِّي يدْجَان ذ اَمزْوَارُو ؤُڒَا ذ اَنݣَّارُو، يمُّوْث أُوْشَا يكَّر-د زِي ڒْموْث، ئِقَّار-اَش:

لواحي ن يوحنا 21:5

ينَّا-ٱيِي ونِّي يقِّيمن خ لْعَرْش: "أَذ ݣّغ كُڒْشِي ذ جْذِيذ!" أُوْشَا ينَّا: "أَرِي مَانَايَا قَا اَوَاڒن-أَ ذَايْسن ڒَامَان ذَايْسن ڒْحَقّ."

لواحي ن يوحنا 22:6

ينَّا-ٱيِي لْمَلَاك ونِّي: "أَوَاڒن-أَ ذَايْسن ڒَامَان ذَايْسن ڒْحَقّ. أَربِّـي نتَّا ذ مَوْلَانَا إِي د يسهْوَان لْوَاحِي خ لْأَنْبِيَا، ئِسّكّ-د لْمَلَاك نّس حمَا اَذ د يسْمظْهَار إِ يِنِّي ث يعبّْذن مِين لَابُد غَا يوقْعن عْڒَاين."

لواحي ن يوحنا 3:1

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سَرْدِيس، إِنِي-يَاس قَا ونِّي غَار دْجَان سبْعَا ن اَرُّوْحَاث ن أَربِّـي ذ سبْعَا ن يِيثْرَان، ئِقَّار-اَش: نش سّْنغ ڒخْذَايم نّش. قَّارن قَا شك ثدَّرذ وَلَكِن لَّا شك ثمُّوْثذ.

لواحي ن يوحنا 3:14

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن لَاوْدُكْيَا، إِنِي-يَاس قَا ونِّي ؤُمِي قَّارن آمِين، نتَّا ذ شَّاهذ ذَايس ڒَامَان ذَايس ڒْحَقّ، زَّايس إِي د يخْڒق أَربِّـي مَارَّا، ئِقَّار-اَش:

لواحي ن يوحنا 3:20

قَا نش بدّغ زَّاث إِ ثوَّارْث سْقرْقُوْبغ. مڒَا يسْڒَا شَان يجّن إِ ثْمِيجَّا ينُو قَا اَذ يرْزم ثَوَّارْث، أَتَاف اَغَارس اَذْفغ اَكِذس شّغ اَكِذِي يشّ.

لواحي ن يوحنا 3:7

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن فِيلَادَلْفْيَا، إِنِي-يَاس قَا ونِّي يمْقدّْسن ذ ڒْحَقّ، غَارس ڒْمفْتَاح ن دَاود؛ مڒَا يرْزم اَتَاف وَار ث يتْبلِّيع حَدّ؛ مڒَا يبلّع اَتَاف وَار ث يرزّم حَدّ، ئِقَّار-اَش: