لواحي ن يوحنا 19:18 - ثريفيث 2020

¹⁸ حمَا اَذ تشّم اَيْسُوْم ن يزدْجِيذن ذ ويْسُوْم ن اَرُّوْيَاس ن ڒْعَسْكَار ذ ويْسُوْم ن يِنِّي يجهْذن ذ ويْسُوْم ن يِيْسَان ذ يِنِّي خَاسن ينْيِيْن ذ ويْسُوْم ن مَارَّا يِوْذَان يعْنِي ذ يِنِّي غَار يدْجَا بَاب نْسن ذ يِنِّي غَار ثدْجَا لْحُرِّيَا نْسن، س ؤُمزْيَان ذ ؤُمقّْرَان."

لواحي ن يوحنا 19:18 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:28

مَانِي دْجَان يمُوْرْضَاس، ذِنِّي إِݣ يتْمُوْنن يبَاغرِيون.

لوقا 17:37

سّقْسَان-ث يمحْضَارن نّس نَّان-اَس: "آ سِيذِي، مَانِي غَا يوْقع مَانَايَا؟" ئِنْدق-د نتَّا ينَّا-ٱسن: "مَانِي دْجَان يمُوْرْضَاس، ذِنِّي إِݣ يتْمُوْنن يبَاغرِيون."

لواحي ن يوحنا 11:18

ڒݣْنُوْس غضْبن، يُوْوض-د وغْضَب نّش. يُوْوض-د نْهَار ن لْحِسَاب ذ لْعِقَاب ن يِنِّي يمُّوْثن. اَذ تْجَازِيذ يِنِّي ذَاش يخدّْمن يعْنِي لأَنْبِيَا ذ ڒْمُوْمِنِين نّش صَّالِحِين، ذ ينِّي يتْوقَّارن يسم نّش س يمزْيَانن ذ يمقّْرَانن. أَذ تقْضِيذ خ يِنِّي يسفْسَاذن ثَمُوْرْث."

لواحي ن يوحنا 13:16

يݣَّا بزّز خ مَارَّا يوْذَان س يمقّْرَانن ذ يمزْيَانن، ذ تْوَاجَر ذ يمسْعَان، ذ يِنِّي غَارْسن بَاب نْسن ذ يِنِّي غَارْسن لْحُرِّيَا نْسن اَذ ݣّن يجّن ن طَّبَع خ وفُوْس اَفُوْسِي نْسن نِغ خ ثنْيَارْث نْسن.

لواحي ن يوحنا 17:16

عشْرَا ن وَاشَّاون نِّي إِي ثࢲْرِيذ أُو ذ ڒْوَحْش نِّي اَذ عِيفّن لْفَسْدَا، أَذَاس كّْسن مَارَّا مِين غَارس اَت جّن ذ ثَعرْيَانْت. أَذ شّن اَيْسُوْم نّس، أَت سْحرْقن س ثْمسِّي.

لواحي ن يوحنا 19:5

ثُوْسَا-د يجّن ن ثْمِيجَّا زِي لْعَرْش ثقَّار: "حمْذث أَربِّـي يَا لْعِبَاد نّس مَارَّا، آ يِنِّي ث يتݣّْوْذن س ؤُمزْيَان ذ ؤُمقّْرَان!"

لواحي ن يوحنا 6:15

كَّرن يزدْجِيذن ن ثْمُوْرْث ذ يمقّْرَانن نْسن ذ اَرُّوْيَاس ن ڒْعَسْكَار ذ تْوَاجَر ذ يِنِّي يجهْذن ذ يِنِّي غَارْسن بَاب نْسن ذ يِنِّي غَارْسن لْحُرِّيَا نْسن، رُوْحن مَارَّا تْنُوْفَّرن ذݣ يِيفْرَان ذ جَار يِزْرَا ن يذُوْرَار.