لواحي ن يوحنا 19:15 - ثريفيث 2020

¹⁵ ئِتفّغ-د زݣ وقمُّوْم نّس يجّن ن سِّيف يقْضع، اَزَّايس يُوْوث ڒݣْنُوْس. نتَّا اَثن يَرْوس س وعكَّاز نْ ڒحْذِيذ، اَخَاسن يعفّس ذِي ثْسِيرْث ن وَامَان ن وضِيڒ يعْنِي ذ لْعِقَاب اَمقّْرَان ن أَربِّـي إِݣ يزمَّرن إِ كُڒْشِي.

لواحي ن يوحنا 19:15 ပူးပေါင်းရင်းမြစ်များ

2 أيث-سلونيك 2:8

ثُمَّا اَذ د يمظْهَار لْمسْخُوْط، أَخَاس يصُوْض سِيذِيثْنغ عِيْسَى س وقمُّوْم نّس اَث ينغ، أَث يسْبطّڒ س لْعَظَمَا نّس إِي زِي د غَا يعْقب عِيْسَى.

لواحي ن يوحنا 1:16

ذݣ وفُوْس نّس اَفُوْسِي غَارس سبْعَا ن يِيثْرَان. أَقمُّوْم نّس يتفّغ-د زَّايس يجّن ن سِّيف يقْضع خ ثْنَاين ن جِّهَاث، أَغمْبُوْب نّس يݣَّا اَم نُّوْر ن ثْفُوْشْت إِي يتْشعْشِعن اَطَّاس.

لواحي ن يوحنا 12:5

ثُوْرو-د اَحنْجِير ذ اَوْثم أُو ذ نتَّا إِي غَا يَروْسن مَارَّا ڒݣْنُوْس س وعكَّاز ن ڒحْذِيذ. سّنِّي يتْوَارْفع غَار أَربِّـي غَار لْعَرْش نّس.

لواحي ن يوحنا 14:10

أَتَاف اَذ يسو زݣ وَامَان ؤُضِيڒ يقسْحن إِݣ يدْجَان ذ اَغْضَب ن أَربِّـي يعْنِي ذ ڒْكَاس ن لْعِقَاب نّس. أَذ يعدّب س ثْمسِّي ذ ڒكْبْرِيْيث زَّاث إِ لْمَلَائِكَاث يصْفَان ذ يِزْمَار.

لواحي ن يوحنا 19:21

سِّيف نِّي إِي د يفّْغن زݣ وقمُّوْم ن ونِّي ينْيِيْن خ ؤُيِيْس ينْغَا مَارَّا يِنِّي يقِّيمن، ؤُسِين-د يِجْضَاض جِّيْوْنن مَارَّا زݣ ويْسُوْم نْسن.

لواحي ن يوحنا 2:12

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن بَرْغَامُوْس، إِنِي-يَاس قَا ونِّي غَار يدْجَا سِّيف يقْضع خ ثْنَاين ن جِّهَاث، ئِقَّار-اَش:

لواحي ن يوحنا 2:16

تُوْب! مڒَا لَّا، أَغَارك د اَسغ ذغْيَا وَار تْعطَّاڒغ شَا، أَذ حَارْبغ يوْذَان-أَ س سِّيف إِي د يتفّْغن زݣ وقمُّوْم ينُو.