لواحي ن يوحنا 19:11 - ثريفيث 2020

¹¹ ࢲْرِيغ اَجنَّا ينُوْرْزم ذِنِّي يجّن ن ؤُيِيْس ذ اَشمْڒَاڒ، ونِّي خَاس ينْيِيْن قَّارن-اَس ڒَامَان ذ ڒْحَقّ. ئِتْحَاسَاب يتْحَرَاب س ڒْحَقّ.

لواحي ن يوحنا 19:11 ပူးပေါင်းရင်းမြစ်များ

يوحنا 1:51

أَقَا تسْڒَام ڒْحَقّ: أَذ تࢲرم اَجنَّا ينُوْرْزم، لْمَالَائِكَاث ن أَربِّـي تَاڒِينْت هوَّانْت-يد خ مِّيس ن بْنَاذم."

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.

لواحي ن يوحنا 11:19

ثْنُوْرْزم ثمْزِيذَا ثَمقّْرَانْت ن أَربِّـي ذݣ وجنَّا، يمظْهَار-د تَابُوْت ن ڒْعَهذ ن أَربِّـي ذِي ثمْزِيذَا نِّي. ئِوْقع وَاسَّام ذ يغُوْيَان ذ وَاجَّاج ذ زِّنْزَال ذ يشَرَّا اَطَّاس.

لواحي ن يوحنا 19:19

ࢲْرِيغ ڒْوَحْش ذ يزدْجِيذن ن ثْمُوْرْث ذ ڒْعَسْكَار نْسن نْجمْعن حمَا اَذ حَارْبن ونِّي ينْيِيْن خ ؤُيِيْس ذ ڒْعَسْكَار نّس.

لواحي ن يوحنا 19:21

سِّيف نِّي إِي د يفّْغن زݣ وقمُّوْم ن ونِّي ينْيِيْن خ ؤُيِيْس ينْغَا مَارَّا يِنِّي يقِّيمن، ؤُسِين-د يِجْضَاض جِّيْوْنن مَارَّا زݣ ويْسُوْم نْسن.

لواحي ن يوحنا 3:14

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن لَاوْدُكْيَا، إِنِي-يَاس قَا ونِّي ؤُمِي قَّارن آمِين، نتَّا ذ شَّاهذ ذَايس ڒَامَان ذَايس ڒْحَقّ، زَّايس إِي د يخْڒق أَربِّـي مَارَّا، ئِقَّار-اَش:

لواحي ن يوحنا 3:7

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن فِيلَادَلْفْيَا، إِنِي-يَاس قَا ونِّي يمْقدّْسن ذ ڒْحَقّ، غَارس ڒْمفْتَاح ن دَاود؛ مڒَا يرْزم اَتَاف وَار ث يتْبلِّيع حَدّ؛ مڒَا يبلّع اَتَاف وَار ث يرزّم حَدّ، ئِقَّار-اَش:

لواحي ن يوحنا 4:1

منْبَعْد إِ مَانَايَا ࢲْرِيغ يجّن ن ثوَّارْث ثْنُوْرْزم ذݣ وجنَّا، سْڒِيغ إِ ثْمِيجَّا نِّي إِي غَارِي د يسِّيوْڒن زِي قْبڒ صُّوْت نّس يݣَّا اَم زَّمَّار، ثنَّا-ٱيِي-د: "ݣَعّذ-د ذَانِيتَا اَذَاش د سْمظْهَارغ مِين لَابُد غَا يوقْعن منْبَعْد إِ مَانَايَا."

لواحي ن يوحنا 6:2

وَامِي خْزَرغ، تْوَاڒِيغ يجّن ن ؤُيِيْس ذ اَشمْڒَاڒ، ونِّي خَاس ينْيِين غَارس يجّن ن نشَّاب ن فْڒِيتْشَا. ؤُشِين-اَس يجّن ن تَّاج، ئِفّغ يربّح ذِي ڒْحَرْب أُو عَاذ اَذ يرْبح.