لواحي ن يوحنا 18:23 - ثريفيث 2020

²³ عمَّارْص اَذَايم ثْشعّڒ ثْفَاوْث ن ڒْقنْدِيڒ. عمَّارْص اَذَايم تسْڒَان إِ صُّوْت ن مُوْڒَاي ذ ثْسْڒِيث. أَقَا يسبَّابن نّمْ تُوْغَا دْجَان ذ يمقّْرَانن ن ثْمُوْرْث، س سِّحر نّمْ ثْخذْعذ مَارَّا ڒݣْنُوْس.

لواحي ن يوحنا 18:23 ပူးပေါင်းရင်းမြစ်များ

ڒخذايم 8:11

تسْڒَان-اَس مِنْزِي يسذْهَاش-يثن اَطَّاس ن ڒْوقْث س سّْحُوْر نّس.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 17:2

فسْذن اَكِذس يزدْجِيذن ن ثْمُوْرْث أُو عَاوذ يمزْذَاغ ن ثْمُوْرْث سْكَارن س وَامَان وضِيڒ يعْنِي لْفَسَاد نّس."

لواحي ن يوحنا 17:5

خ ثنْيَارْث نّس يُوْرَا ذِنِّي يجّن ن يِيسم: بَابِل ثَمقّْرَانْت، ذ يمَّاثْسنْت ن لْفَسْدَاث ذ ثُوْعُوْفّْنَا ن ثْمُوْرْث. وَلَكِن ڒْمَعْنَا نّس وَار ث يفهّم حَدّ.

لواحي ن يوحنا 18:22

زِي سَّا اَڒ ثْسَاونْت عمَّارْص اَذَايم تسْڒَان إِ صُّوْت ن يمذْيَازن ذ يِنِّي يشَّاثن ذِي ثْݣَامْبْريِت ذ يِنِّي يتْصُوْضن ذِي زَّامَّار ذ ثمْجَا. عمَّارْص اَذَايم يڒِين يِنِّي يتْصنَّاعن مَامّش مَا ثݣَّا صّنْعَث نْسن. عمَّارْص اَذَايم تسْڒَان إِ صُّوْت ن ثْسِيرْث.

لواحي ن يوحنا 18:3

ڒَاحقَّاش مَارَّا ڒݣْنُوْس سْوِين زݣ وَامَان ن وضِيڒ ن لْفَسَاد نّس وَار يحْڒِي، فسْذن اَكِذس يزدْجِيذن ن ثْمُوْرْث. يسبَّابن ن ثْمُوْرْث ؤُوِين-د اَطَّاس ن وَاݣْڒَا زݣ وفلّس نّس اَمقّْرَان."

لواحي ن يوحنا 18:9

ئِزدْجِيذن ن ثْمُوْرْث إِي كِذس يفسّْذن إِي كِذس يتْعِيشن ذِي شّهْوث نّس، أَخَاس رُون اَخَاس حزْنن خْمِي غَا ࢲرن دّخَّان ن ثْمسِّي نّس.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."

لواحي ن يوحنا 22:15

غَار بَارَّا ن ثنْدِينْت دْجَان ذِنِّي يقْزِينن ذ يسحَّارن ذ يِنِّي يفسّْذن ذ يِنِّي ينقّن يوْذَان ذ ينِّي يعبّْذن لْأَصْنَام ذ مَارَّا يِنِّي يسْخرِّيقن إِي تْحِبَّان يخَرِّيقن.

لواحي ن يوحنا 22:5

زِي سّنِّي اَڒ ثْسَاونْت وَار ذِنِّي تِيڒِي بُو دْجِيڒث، وَار تحْذِيجِين شَا ثْفَاوْث ن ڒفْنَار نِغ ذ ثْفَاوْث ن ثْفُوْشْت ڒَاحقَّاش سِيذِي أَربِّـي نتَّا اَخَاسن يݣّ ثْفَاوْث نّس. أَذ حكْمن إِ ڒبْدَا ن ڒبْدَاث.

لواحي ن يوحنا 6:15

كَّرن يزدْجِيذن ن ثْمُوْرْث ذ يمقّْرَانن نْسن ذ اَرُّوْيَاس ن ڒْعَسْكَار ذ تْوَاجَر ذ يِنِّي يجهْذن ذ يِنِّي غَارْسن بَاب نْسن ذ يِنِّي غَارْسن لْحُرِّيَا نْسن، رُوْحن مَارَّا تْنُوْفَّرن ذݣ يِيفْرَان ذ جَار يِزْرَا ن يذُوْرَار.

لواحي ن يوحنا 9:21

وَار تُوْبن شَا وَامِي نْغِين يوْذَان نِغ وَامِي ݣِّين سّْحُوْر ذ لْفَسَاد ذ ثُوْكَّارْدَا.