لواحي ن يوحنا 18:2 - ثريفيث 2020

² ئِسْنكَّر ثْغُويِّث س جّْهذ ينَّا: "قَا ثوْضَا قَا ثوْضَا بَابِل ثَمقّْرَانْت! ثذْوڒ ذ ثَزدِّيغْث ن شَّيَاطِين، ذ ثَنْوَاڒْث إِ مْكُڒ جّنّ اَعفَّان، ذ اَخْبُوْش إِ مْكُڒ اَجْضِيض إِݣ يدْجَان حْرَام إِݣ يعِيفّن.

لواحي ن يوحنا 18:2 ပူးပေါင်းရင်းမြစ်များ

لواحي ن يوحنا 1:15

ئِضَارن نّس تْشعْشِيعن ݣِّين اَم نّحَّاس يصْفَان اَم يَالَّاه إِي د يفّْغن زِي ڒْكُوْشث، ثْمِيجَّا نّس ثݣَّا اَم صُّوْت ن وَاطَّاس ن وَامَان.

لواحي ن يوحنا 10:3

ئِسْغُوْي س جّْهذ اَخْمِي يهِيرِّيو يجّن ن سّْبَاع. وَامِي يسْغُوْي، أَرِّين-د خَاس سبْعَا ن وَاجَّاجن س صُّوْت نْسن.

لواحي ن يوحنا 11:8

أَذ تقِّيم دَّات نْسن ذِي شَّارِع ن ثنْدِينْت ثَمقّْرَانْت ؤُمِي قَّارن س ڒْمَعْنَا سَدُوْم نِغ مِصْرَا يعْنِي مَانِي يتْوَاصلّب سِيذِيثْسن.

لواحي ن يوحنا 14:15

ئِكَّر يفّغ-د يجّن ن لْمَلَاك نّغْنِي زي ثمْزِيذَا ثَمقّْرَانْت، ئِقَّار-اَس س جّْهذ إِ ونِّي يقِّيمن خ ؤُسيْنُو: "يْسِي اَمْجَار نّش، مْجَر. أَقَا ثْسَعَّات ن ؤُمْجَار ثُوْوض-د، ثَفدْجَاحْث ن ثْمُوْرْث قَا ثوْجذ."

لواحي ن يوحنا 14:8

ثكَّر ثذْفَار-يت يجّن ن لْمَلَائِكَا نّغْنِي وِيس ثْنَاين ثقَّار: "قَا ثوْضَا قَا ثوْضَا ثنْدِينْت ن بَابِل ثَمقّْرَانْت ثنِّي إِݣ يسسّْون مَارَّا ڒݣْنُوْس س وَامَان نّس ن ؤُضِيڒ، يعْنِي لْفَسَاد نّس اَمقّْرَان."

لواحي ن يوحنا 16:13

ࢲْرِيغ ثْڒَاثَا ن جْنُوْن يعفَّانن ݣِّين اَم يجرْوَان: ئِجّن يتفّغ-د زݣ وقمُّوْم ن ونِّي اَم دَّيْنَاصُوْر؛ ئِجّن يتفّغ-د زݣ وقمُّوْم ن ڒْوَحْش؛ ئِجّن يتفّغ-د زݣ وقمُّوْم ن ونِّي يتَارَّان يخف نّْس ذ نَّبِي.

لواحي ن يوحنا 16:19

ثْشقّْ ثنْدِينْت ثَمقّْرَانْت خ ثْڒَاثَا، نْهذْمنْت ثْندَّام ن ڒݣْنُوْس. وَار يتُّو شَا أَربِّـي ثَنْدِينْت ن بَابِل ثَمقّْرَانْت، فَا إِنَّمَا، يُوْشَا-ٱس اَذ تْسو زِي ڒْكَاس ن وَامَان وضِيڒ يعْنِي لْعِقَاب نّس اَمقّْرَان.

لواحي ن يوحنا 17:18

ثَمْغَارْث نِّي إِي ثࢲْرِيذ نتَّاث ذ ثَنْدِينْت ثَمقّْرَانْت إِݣ يتحْكَامن خ يزدْجِيذن ن ثْمُوْرْث."

لواحي ن يوحنا 17:5

خ ثنْيَارْث نّس يُوْرَا ذِنِّي يجّن ن يِيسم: بَابِل ثَمقّْرَانْت، ذ يمَّاثْسنْت ن لْفَسْدَاث ذ ثُوْعُوْفّْنَا ن ثْمُوْرْث. وَلَكِن ڒْمَعْنَا نّس وَار ث يفهّم حَدّ.

لواحي ن يوحنا 18:10

أَذ بدّن غَار ڒݣّْوَاج س ثِيݣّْوْذِي ن ڒَعْذَاب نّس نِثْنِي قَّارن: يَا لَطِيف، يَا لَطِيف! يَا ثَنْدِينْت ثَمقّْرَانْت، يَا بَابِل ثَنْدِينْت يجهْذن! ذݣ يِجّن ن ثْسَعَّات يهْوَا-د خَام لْحِسَاب ذ لْعِقَاب!

لواحي ن يوحنا 18:21

ئِجّن ن لْمَلَاك يجْهذ ييْسِي-د يجّن ن وزْرُو يݣَّا اَم وزْرُو ن ثْسِيرْث ثَمقّْرَانْت، ئِنْضَر-يث ذِي ڒبْحَر ينَّا: "أَمُّو س جّْهذ إِي غَا ثْمنْضَار بَابِل ثَنْدِينْت ثَمقّْرَانْت، وَار يتِيڒِي شَا عمَّارْص.

لواحي ن يوحنا 5:2

تْوَاڒِيغ يجّن ن لْمَلَاك اَمقّْرَان يڒَاغَا س جّْهذ يقَّار: "وِي غَار يدْجَا ڒْحَقّ اَذ يرْزم لْكِتَاب-أَ اَذ يكّس يشمَّاعن نّس؟"