لواحي ن يوحنا 18:1 - ثريفيث 2020

¹ منْبَعْد إِ مَانَايَا ࢲْرِيغ يجّن ن لْمَلَاك نّغْنِي يهْوَا-د زݣ وجنَّا غَارس سُّلْطَا ذ ثَمقّْرَانْت. ثْشعْشع ثْمُوْرْث س نُّوْر ن لْعَظَمَا ن لْمَلَاك نِّي.

لواحي ن يوحنا 18:1 ပူးပေါင်းရင်းမြစ်များ

لوقا 17:24

مِينْزِي اَم وَاسَّام يتبْسِيسِّيقن ذِي طَّارْف ن وجنَّا اَذ يݣّ ثْفَاوْث ذِي طَّارْف نّغْنِي، أَمنِّي إِي غَا يِيڒِي مِّيس ن بْنَاذم ذِي نْهَار نّس.

2 أيث-سلونيك 2:8

ثُمَّا اَذ د يمظْهَار لْمسْخُوْط، أَخَاس يصُوْض سِيذِيثْنغ عِيْسَى س وقمُّوْم نّس اَث ينغ، أَث يسْبطّڒ س لْعَظَمَا نّس إِي زِي د غَا يعْقب عِيْسَى.

لواحي ن يوحنا 10:1

ࢲْرِيغ يجّن ن لْمَلَاك نّغْنِي يجهْذ يهْوَا-د زݣ وجنَّا، ئِنّض-اَس-د وسيْنُو. خ وزدْجِيف نّس يجّن ن ثسْڒِيث ن ونْࢲَار، أَغمْبُوْب نّس يݣَّا اَم ثْفُوْشْت، ئِضَارن نّس ݣِّين اَم يـپِــيلَارن ن ثْمسِّي.

لواحي ن يوحنا 17:1

يُوْسَا-د غَارِي يجّن زِي سبْعَا ن لْمَلَائِكَاث نِّي إِي غَار دْجَانْت سبْعَا ن ثْمجْمَارِين ينَّا-ٱيِي: "أَرَاح-د، أَذَاش د سْمظْهَارغ لْحِسَاب ذ لْعِقَاب ن لْفَسْدَا ثَمقّْرَانْت إِݣ يقِّيمن خ وَاطَّاس ن وَامَان.

لواحي ن يوحنا 17:7

ينَّا-ٱيِي لْمَلَاك نِّي: "مَايمِّي تْذهَّاشذ اَمُّو؟ أَذَاش شرّْحغ ڒْمَعْنَا ينُوْفَّرن ثمْغَارْث نِّي ذ ڒْمَعْنَا ينُوْفَّرن ن ڒْوَحْش نِّي ونِّي غَار يدْجَا سبْعَا ن يقيُّوْعن ذ عشْرَا ن وَاشَّاون إِي خف ثنْيَا.

لواحي ن يوحنا 21:23

ثَنْدِينْت-أَ وَار تحْذِيجِي شَا ثْفَاوْث ن ثْفُوْشْت نِغ ن ثْزِيرِي ڒَاحقَّاش لْعَظَمَا ن أَربِّـي نتَّاث إِي يتݣّن ذِنِّي ثْفَاوْث، ئِزْمَار ذ نتَّا ذ ڒفْنَار نّس.