لواحي ن يوحنا 17:8 - ثريفيث 2020

⁸ ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.

لواحي ن يوحنا 17:8 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

لوقا 10:20

إِنَّمَا، وَار فَرّْحث شَا وَامِي جْنُوْن ذَاوم تݣّن اَرَّاي. لَّا، فَرْحث وَامِي يسمَاون نْوم ؤُرِين زمّن ذݣ وجنَّا."

لوقا 8:31

حشّْمن-ث اَطَّاس جْنُوْن نِّي حمَا وَار ثن يتْسكِّي شَا غَار وَانُو بْڒَا ڒَحدّ.

يوحنا 17:24

آ بَابَا، يِيْنَا ذَايِي ثُوْشِيذ خْسغ اَذ يڒِين اَكِذِي مَانِي مَا دْجِيغ نش حمَا اَذ ࢲرن لْعَظَمَا ينُو إِي ذَايِي ثُوْشِيذ مِينْزِي شك ثْحِبّذ-اَيِي قْبَڒ مَا ٱذ تِيڒِي دُّنشْت.

أيث-ؤفسوس 1:4

شُوْف، ئِخْضَر-اَنغ ذِي لْمَسِيح قْبڒ مَا د يخْڒق دُّنشْت-أَ بَاش أَ نِيڒِي نصْفَا بْڒَا ڒْعِيب زَّاثس.

ثبرات غار تيتوس 1:2

لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

1 بطرس 1:20

أُو نتَّا يتْوَاخْضَر قْبڒ مَا د تْوَاخْڒق دُّنشْت-أَ، وَلَكِن يسْمظْهَار-يث-يذ أَربِّـي ذِي زْمَان-أَ اَنݣَّارُو خ سَّبَاب نْوم.

لواحي ن يوحنا 11:7

خْمِي غَا كمّْڒن ڒخْبَار نْسن إِي زِي غَا شهْذن، أَذ د يݣَعّذ ڒْوَحْش زِي ڒَادْجغ بْڒَا ڒَاحدّ اَثن يحَارب، أَثن يغْڒب، أَذ ينغ ڒشْهُوْذ نِّي.

لواحي ن يوحنا 17:11

ڒْوَحْش نِّي إِي تُوْغَا يدْجَان، ڒخُّو وَار يدْجِي شَا، نتَّا ذ وِيس ثْمنْيَا نتَّا عَاوذ ذ يجّن زِي سبْعَا نِّي قَا يݣُّوْر اَذ يتْوَاهْذم.

لواحي ن يوحنا 17:2

فسْذن اَكِذس يزدْجِيذن ن ثْمُوْرْث أُو عَاوذ يمزْذَاغ ن ثْمُوْرْث سْكَارن س وَامَان وضِيڒ يعْنِي لْفَسَاد نّس."

لواحي ن يوحنا 20:10

إِبْڒِيس نِّي إِي ثن يخذْعن ئِمنْضَار-د ذِي ڒبْحَر نِّي ن ثْمسِّي ذ ڒكْبْرِيْيث مَانِي يدْجَا ڒْوَحْش نِّي ذ ونِّي يتَارَّان يخف نّس ذ نَّبِي. أَذ تْوَاعدّْبن ذِنِّي نْهَار ذ دْجِيڒث إِ ڒبْدَا ن ڒبْدَاث.

لواحي ن يوحنا 20:12

ࢲْرِيغ يمتِّينن بدّن زَّاث إِ لْعَرْش نِّي اَم ومزْيَان اَم ومقّْرَان. نُوْرْزْمن لْكُتُب، ئِنُوْرْزم يجّن ن لْكِتَاب نّغْنِي نتَّا ذ لْكِتَاب ن ثُوْذَارْث. تْوَاحَاسْبن يمتِّينن س مِين يُوْرِين ذِي لْكُتُب عْلَاحْسَاب ڒخْذَايم نْسن.

لواحي ن يوحنا 20:15

ونِّي وَار غَار ؤُفِين شَا يسم نّس يزمّم ذِي لْكِتَاب ن ثُوْذَارْث قَا يمنْضَار-د ذِي ڒبْحَر ن ثْمسِّي.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.

لواحي ن يوحنا 3:5

ونِّي غَا يربْحن اَذَاس ݣّن اَرُّوْض ذ اَشمْڒَاڒ. نش عمَّارْص اَذ مسْحغ يسم نّس زِي لْكِتَاب ن ثُوْذَارْث، أَخَاس شهْذغ زَّاث إِ بَابَا ذ لْمَلَائِكَاث نّس.