لواحي ن يوحنا 17:2 - ثريفيث 2020

² فسْذن اَكِذس يزدْجِيذن ن ثْمُوْرْث أُو عَاوذ يمزْذَاغ ن ثْمُوْرْث سْكَارن س وَامَان وضِيڒ يعْنِي لْفَسَاد نّس."

لواحي ن يوحنا 17:2 ပူးပေါင်းရင်းမြစ်များ

يوحنا 2:10

ينَّا-ٱس: "عَدَتَان ذݣ ومزْوَارُو يوْذَان تِيشّن-اَسن إِ ينوْجِيْون اَمَان ن وضِيڒ يصبْحَانن. خْمِي تِيڒِي سْوِين زَّايْسن اَطَّاس، ذِي ڒْوقْث نِّي إِي ذَاسن تِيشّن اَمَان ن وضِيڒ عَادِي. شك لَّا، ثْخمّْڒذ اَمَان ن وضِيڒ يصبْحَانن اَڒ ڒخُّو."

لواحي ن يوحنا 14:8

ثكَّر ثذْفَار-يت يجّن ن لْمَلَائِكَا نّغْنِي وِيس ثْنَاين ثقَّار: "قَا ثوْضَا قَا ثوْضَا ثنْدِينْت ن بَابِل ثَمقّْرَانْت ثنِّي إِݣ يسسّْون مَارَّا ڒݣْنُوْس س وَامَان نّس ن ؤُضِيڒ، يعْنِي لْفَسَاد نّس اَمقّْرَان."

لواحي ن يوحنا 17:13

يِيْنَا تَافَاقن اَذَاس ؤُشن إِ ڒْوَحْش جّْهذ نْسن ذ سُّلْطَا نْسن.

لواحي ن يوحنا 17:17

ڒَاحقَّاش ذ أَربِّـي إِݣ يسْمُوْنن ؤُڒَاون نْسن حمَا اَذَاس ݣّن ڒْخَاضَر إِ أَربِّـي، يعْنِي اَذ تَافْقن اَذَاس ؤُشن إِ ڒْوَحْش ڒحْكَام نْسن حتَّا اَڒ إِي غَا تْوَاكمّْڒن وَاوَاڒن ن أَربِّـي.

لواحي ن يوحنا 17:5

خ ثنْيَارْث نّس يُوْرَا ذِنِّي يجّن ن يِيسم: بَابِل ثَمقّْرَانْت، ذ يمَّاثْسنْت ن لْفَسْدَاث ذ ثُوْعُوْفّْنَا ن ثْمُوْرْث. وَلَكِن ڒْمَعْنَا نّس وَار ث يفهّم حَدّ.

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.

لواحي ن يوحنا 18:23

عمَّارْص اَذَايم ثْشعّڒ ثْفَاوْث ن ڒْقنْدِيڒ. عمَّارْص اَذَايم تسْڒَان إِ صُّوْت ن مُوْڒَاي ذ ثْسْڒِيث. أَقَا يسبَّابن نّمْ تُوْغَا دْجَان ذ يمقّْرَانن ن ثْمُوْرْث، س سِّحر نّمْ ثْخذْعذ مَارَّا ڒݣْنُوْس.

لواحي ن يوحنا 18:3

ڒَاحقَّاش مَارَّا ڒݣْنُوْس سْوِين زݣ وَامَان ن وضِيڒ ن لْفَسَاد نّس وَار يحْڒِي، فسْذن اَكِذس يزدْجِيذن ن ثْمُوْرْث. يسبَّابن ن ثْمُوْرْث ؤُوِين-د اَطَّاس ن وَاݣْڒَا زݣ وفلّس نّس اَمقّْرَان."

لواحي ن يوحنا 18:9

ئِزدْجِيذن ن ثْمُوْرْث إِي كِذس يفسّْذن إِي كِذس يتْعِيشن ذِي شّهْوث نّس، أَخَاس رُون اَخَاس حزْنن خْمِي غَا ࢲرن دّخَّان ن ثْمسِّي نّس.

لواحي ن يوحنا 2:22

س مَانَاينِّي اَت نضَرغ ذِي ثَاسُّوْث ن ڒحْڒِيق ذ يِنِّي اَكِذس غَا يزْنَان مڒَا وَار تُوْبن شَا زِي ڒفْعَايڒ نْسن اَتَاف اَثن نْضَرغ ذِي ڒمْحَاين.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.

لواحي ن يوحنا 9:21

وَار تُوْبن شَا وَامِي نْغِين يوْذَان نِغ وَامِي ݣِّين سّْحُوْر ذ لْفَسَاد ذ ثُوْكَّارْدَا.