لواحي ن يوحنا 15:3 - ثريفيث 2020

³ تْغنَّاجن س يِيْزْڒِي ن مُوْسَى ڒْعَبْذ ن أَربِّـي ذ يِزْڒِي ن يِزْمَار قَّارن: "ڒخْذَايم نّش ذ ثِمقّْرَانِين يسْذهَّاشن، آ سِيذِي أَربِّـي نّغ إِ كُڒْشِي إِي يزمَّرن. ئِبْرِيذن نّش ذ ڒْحَقّ ذ نِيشَان إِݣ يدْجَان، آي اَزدْجِيذ ن ڒݣْنُوْس ن يِوْذَان.

لواحي ن يوحنا 15:3 ပူးပေါင်းရင်းမြစ်များ

يوحنا 1:17

شَّرِيعَا ن أَيث-إِسْرَائِيل ثمُّوْش خ وفُوْس ن مُوْسَى. اَرْضَا ذ لْحَقِيقَا نِثنْتِي ؤُسِينْت-يد خ وفُوْس ن عِيْسَى لمَسِيح.

1 تيموتاوس 1:17

اَزدْجِيذ نّغ اَغَارس ثِيڒِي لْعَظَمَا إِ ڒبْدَا ن ڒبْدَاث، ونِّي عمَّارْص اَذ يفْنَا عمَّارْص اَذ يمّث ونِّي وَار ث يتْوِيڒِي حَدّ ونِّي يدْجَان ذ أَربِّـي وَاحْذس. آمِين.

يعيبرانيين 3:5

تُوْغَا نَّبِي مُوْسَى يخدّم نِيشَان ذ اَمْسخَّار، ئِتْعَاوَان اَيثْبَاب ن ثدَّارْث ثكْمَاڒ ن أَربِّـي، ئِشهّذ خ ثْمسْڒَايِين تُوْغَا عَاذ إِي غَا يتْوَابشَّرن ذِي لْمُسْتَقْبل.

لواحي ن يوحنا 1:8

ئِقَّار سِيذِي أَربِّـي: "نش ذ لْأَلِف نش ذ لْيَاء. نش ذ ونِّي إِݣ يدْجَان، تُوْغَا دْجِيغ، عَاذ اَذ د اَسغ، زمَّرغ إِ كُڒْشِي."

لواحي ن يوحنا 11:17

قَّارن: "نتْشكَّر-يشك آ سِيذِي أَربِّـي إِݣ يزمَّرن إِ كُڒْشِي، شك إِݣ يدْجَان، شك إِي تُوْغَا يدْجَان، ڒَاحقَّاش ثسْخذْمذ جّْهذ نّش، ثبْذِيذ تْحكّْمذ.

لواحي ن يوحنا 14:3

تْغنَّاجن يجّن ن يِزْڒِي ذ جْذِيذ زَّاث إِ لْعَرْش ذ اَرْبعَا نِّي ن لْمخْلُوْقَاث ذ يمْغَارن. وَار يزمَّر ؤُڒَا ذ يجّن اَذ يڒْمذ يزْڒِي نِّي إِلَّا ذ مِيَّا أُو اَرْبعَا أُو اَرْبعِين اَڒَاف نِّي إِي يتْوَاسْنجْمن زي دُّنشْت-أَ.

لواحي ن يوحنا 14:8

ثكَّر ثذْفَار-يت يجّن ن لْمَلَائِكَا نّغْنِي وِيس ثْنَاين ثقَّار: "قَا ثوْضَا قَا ثوْضَا ثنْدِينْت ن بَابِل ثَمقّْرَانْت ثنِّي إِݣ يسسّْون مَارَّا ڒݣْنُوْس س وَامَان نّس ن ؤُضِيڒ، يعْنِي لْفَسَاد نّس اَمقّْرَان."

لواحي ن يوحنا 17:14

نِثْنِي اَذ حَارْبن يزْمَار وَلَكِن نتَّا اَثن يغْڒب؛ قَا نتَّا ذ مَوْلَانَا ن مَوْلَانَاث ذ أَزدْجِيذ ن يزدْجِيذن، يِنِّي إِي كِذس يدْجَان يڒَاغَا-يَاسن-د أَربِّـي يخْضَر-يثن، ذَايْسن يدْجَا ڒَامَان."

لواحي ن يوحنا 19:16

يُوْرَا خ وتْشَامِّير ذ ؤُمصَّاض نّس يجّن ن يِيْسم يعْنِي ذ أَزدْجِيذ ن يزدْجِيذن ذ مَوْلَانَا ن مَوْلَانَاث.

لواحي ن يوحنا 19:2

ڒحْكَام نّس ذ ڒْحَقّ يدْجَا نِيشَان. ئِحَاسب لْفَسْدَا ثَمقّْرَانْت إِݣ يسفْسَاذن ثَمُوْرْث س لْفَسَاد نّس، ئِنْتَاقم زَّايس عْلَاحْسَاب يذَامّن ن يِنِّي يعبّْذن أَربِّـي."

لواحي ن يوحنا 4:8

كُڒ يجّن زِي لْمخْلُوقَاث-أَ غَارس ستَّا ن وَافْرِيون، كُڒ اَفْرِيو يشُّوْر س ثِيطَّاوِين خ جِّهتَاين. قَّارن دْجِيڒث ذ نْهَار بْڒَا مَا ٱذ بدّن: "مشْحَاڒ عَظِيم، عَظِيم، عَظِيم، سِيذِي أَربِّـي يزمَّرن إِ كُڒْشِي. نتَّا ذ ونِّي إِي تُوْغَا يدْجَان، ذ ونِّي إِي يدْجَان، ذ ونِّي عَاذ إِي د غَا يَاسن."