لواحي ن يوحنا 15:1 - ثريفيث 2020

¹ ࢲْرِيغ يجّن ن لْعَلَامَا نّغْنِي ذ ثَمقّْرَانْت ذݣ وجنَّا يسْذهَّاشن، يعْنِي سبْعَا ن لْمَلَائِكَاث غَارْسنْت سبْعَا ن لْمُصِيبَاث ثِنݣُّوْرَا، زَّايْسنْت إِي غَا يتْوَاكمّڒ ؤُغْضَب ن أَربِّـي.

لواحي ن يوحنا 15:1 ပူးပေါင်းရင်းမြစ်များ

لواحي ن يوحنا 10:3

ئِسْغُوْي س جّْهذ اَخْمِي يهِيرِّيو يجّن ن سّْبَاع. وَامِي يسْغُوْي، أَرِّين-د خَاس سبْعَا ن وَاجَّاجن س صُّوْت نْسن.

لواحي ن يوحنا 11:14

ثعْذُو تَمَارَا وِيس ثْنَاين، ثنِّي وِيس ثْڒَاثَا عْڒَاين اَذ د تَاس.

لواحي ن يوحنا 14:10

أَتَاف اَذ يسو زݣ وَامَان ؤُضِيڒ يقسْحن إِݣ يدْجَان ذ اَغْضَب ن أَربِّـي يعْنِي ذ ڒْكَاس ن لْعِقَاب نّس. أَذ يعدّب س ثْمسِّي ذ ڒكْبْرِيْيث زَّاث إِ لْمَلَائِكَاث يصْفَان ذ يِزْمَار.

لواحي ن يوحنا 14:19

لْمَلَاك نِّي يُوْوْثَا س ؤُمْجَار نّس خ ثْمُوْرْث، ئِجْمع-د يزكُّوْنن ن ؤُضِيڒ ن ثْمُوْرْث ينْضَر-يثن ذِي ثْسِيرْث ثَمقّْرَانْت إِي يدْجَان ن ؤُغْضَب ن أَربِّـي.

لواحي ن يوحنا 16:1

سْڒِيغ إِ يِجّن ن ثْمِيجَّا ثنْدق-د زِي ثمْزِيذَا ثَمقّْرَانْت ثقَّار-اَسنْت إِ سبْعَا نِّي ن لْمَلَائِكَاث س جّْهذ: "رُوْحنْت زدْجْعنْت سبْعَا ن ثْمجْمَارِين ن ؤُغْضَب ن أَربِّـي خ ثْمُوْرْث."

لواحي ن يوحنا 17:1

يُوْسَا-د غَارِي يجّن زِي سبْعَا ن لْمَلَائِكَاث نِّي إِي غَار دْجَانْت سبْعَا ن ثْمجْمَارِين ينَّا-ٱيِي: "أَرَاح-د، أَذَاش د سْمظْهَارغ لْحِسَاب ذ لْعِقَاب ن لْفَسْدَا ثَمقّْرَانْت إِݣ يقِّيمن خ وَاطَّاس ن وَامَان.

لواحي ن يوحنا 19:15

ئِتفّغ-د زݣ وقمُّوْم نّس يجّن ن سِّيف يقْضع، اَزَّايس يُوْوث ڒݣْنُوْس. نتَّا اَثن يَرْوس س وعكَّاز نْ ڒحْذِيذ، اَخَاسن يعفّس ذِي ثْسِيرْث ن وَامَان ن وضِيڒ يعْنِي ذ لْعِقَاب اَمقّْرَان ن أَربِّـي إِݣ يزمَّرن إِ كُڒْشِي.

لواحي ن يوحنا 21:9

يُوْسَا-د غَارِي يجّن زِي سبْعَا ن لْمَلَائِكَاث نِّي إِي غَار دْجَانْت سبْعَا ن ثْمجْمَارِين إِݣ يعمَّرن س سبْعَا ن لْمُصِيبَاث نِّي ثِنْݣُّوْرَا، ينَّا-ٱيِي: "أَرَاح-د، أَذَاش د سْمظْهَارغ ثَسْڒِيث، يعْنِي ثنِّي غَا يَاوِين يزْمَار."

لواحي ن يوحنا 8:13

خْزَرغ، سْڒِيغ إِ يِجّن ن نْسر يطَّاو ذِي ڒْوسْط ن وجنَّا يڒَاغَا س جّْهذ ينَّا: "يَا تَمَارَا، يَا تَمَارَا، يَا تَمَارَا خ يمزْذَاغ ن ثْمُوْرْث عْلَاحْسَاب ثْڒَاثَا ن لْمَلَائِكَاث نِّي إِݣ يقِّيمن عَاذ وَار صُوْضنْت شَا ذِي زّْوَامَّار نْسنْت".

لواحي ن يوحنا 8:2

ࢲْرِيغ سبْعَا ن لْمَلَائِكَاث إِي يتْبدَّان زَّاث إِ أَربِّـي، يمُّوْش-اَسنْت سبْعَا ن زّْوَامَّار.

لواحي ن يوحنا 8:6

سبْعَا ن لْمَلَائِكَاث نِّي إِي غَار دْجَانْت سبْعَا ن زّْوَامَّار سوْجَاذنْت يخف نْسنْت حمَا اَذَايْسن صُوْضنْت.

لواحي ن يوحنا 9:20

وَلَكِن يِوْذَان إِݣ ينجْمن زِي لْمُصِيبَاث-أَ وَار تُوْبن شَا س مِين ݣِّين س يفَّاسن نْسن. قِّيمن عَاذ عبّْذن شَّيَاطِن ذ لْأَصْنَام ن دّْهب ذ نُّقَارْث ذ نّحَّاس ذ وزْرُو ذ وكشُّوْض إِي وَار يتْوِيڒِين شَا إِي وَار يتْسْڒِين شَا إِي وَار يݣُّوْرن شَا.