لواحي ن يوحنا 14:7 - ثريفيث 2020

⁷ ثقَّار س جّْهذ: "ݣّْوْذم أَربِّـي سمْغَارم-ث، أَقَا ثُوْوض-د ثْسَعَّات نّس اَذ يݣّ لْحِسَاب ذ لْعِقَاب. سجّْذث إِ ونِّي إِي د يخڒْقن اَجنَّا ذ ثْمُوْرْث ذ ڒبْحَر ذ ڒَعْنَاصر."

لواحي ن يوحنا 14:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:13

إِذن، ئِڒِيم عْلَابَال ڒَاحقَّاش وَار ثسِّينم ؤُڒَا ذ نْهَار نِّي ؤُڒَا ذ ثْسَعَّات نِّي.

لوقا 17:18

مَا اَبَرَّانِي-يَا وَاهَا إِي د يذوْڒن يحمّذ أَربِّـي؟"

ڒخذايم 14:15

"آي يرْيَازن، مَايمِّي تݣّم مَانَايَا؟ قَا نشِّين ذ يوْذَان وَاهَا اَم كنِّيو اَم نشِّين كِيف-كِيف. نُوْوِي-اَوم-د يجّن ن وَاوَاڒ ذ اَصبْحَان بَاش اَذ تْبعّْذم إِ ثْمسْڒَايِين-أَ وَار ينفّْعن شَا، أَذ تْذوْڒم غَار أَربِّـي يدَّرن إِي د يخڒْقن اَجنَّا ذ ثْمُوْرْث ذ ڒبْحَر ذ مَارَّا مِين ذَايْسن.

1 بطرس 4:7

أَقَا يُوْسَا-د ونݣَّارُو ن مَارَّا ثِمسْڒَايِين. إِذن يتْخصَّا اَذ د تَارّم ڒْبَاڒ نْوم اَغَارْوم يِيڒِي ڒَعْقڒ نْوم بَاش اَتَاف اَذ تْزمَّرم اَذ تْࢲَادْجم.

لواحي ن يوحنا 11:13

ذِي ڒْوقْث نِّي يوْقع يجّن ن زِّنْزَال ذ اَمقّْرَان، ثْنهْذم عشْرَا ذِي مِيَّا زِي ثنْدِينْت. مُّوْثن ذِي زِّنْزَال-أَ سبْعَاڒَاف ن يِوْذَان. يِنِّي يقِّيمن ݣّْوْذن، بْذَان سمْغَارن أَربِّـي إِݣ يدْجَان ذݣ وجنَّا.

لواحي ن يوحنا 11:18

ڒݣْنُوْس غضْبن، يُوْوض-د وغْضَب نّش. يُوْوض-د نْهَار ن لْحِسَاب ذ لْعِقَاب ن يِنِّي يمُّوْثن. اَذ تْجَازِيذ يِنِّي ذَاش يخدّْمن يعْنِي لأَنْبِيَا ذ ڒْمُوْمِنِين نّش صَّالِحِين، ذ ينِّي يتْوقَّارن يسم نّش س يمزْيَانن ذ يمقّْرَانن. أَذ تقْضِيذ خ يِنِّي يسفْسَاذن ثَمُوْرْث."

لواحي ن يوحنا 15:4

آ سِيذِي، مِين عْنَان يِنِّي وَار ش يتݣّْوْذن؟ مِين عْنَان يِنِّي يسم نّش وَار ث يسمْغَارن؟ أَقَا شك وَاحْذش إِݣ يصْفَان. مَارَّا ڒݣْنُوْس اَذ د اَسن اَذاش سجّْذن، مِنْزِي ڒخْذَايم نّش بَاننْت-يد نِيشَان."

لواحي ن يوحنا 16:9

شمْضن يِوْذَان س لْحَرَارَا يجهْذن. وَاخَّا اَمنِّي قَّارن اَوَاڒن وَار يحْڒِين ذݣ يِيسم ن أَربِّـي ونِّي غَار ثدْجَا سُّلْطَا خ لْمُصِيبَاث-أَ. وَار تُوْبن شَا، وَار ث سمْغَارن شَا.

لواحي ن يوحنا 18:10

أَذ بدّن غَار ڒݣّْوَاج س ثِيݣّْوْذِي ن ڒَعْذَاب نّس نِثْنِي قَّارن: يَا لَطِيف، يَا لَطِيف! يَا ثَنْدِينْت ثَمقّْرَانْت، يَا بَابِل ثَنْدِينْت يجهْذن! ذݣ يِجّن ن ثْسَعَّات يهْوَا-د خَام لْحِسَاب ذ لْعِقَاب!

لواحي ن يوحنا 18:17

ئِرُوْح مَارَّا مَانَاينِّي ذݣ يِجّن ن ثْسَعَّات وَاهَا! أَرُّوْيَاس ن يغَرُّوْبَا ذ يِنِّي يتْسَفَارن ذݣ وغَرَّابُو ذ يبحْرِيْين ذ مَارَّا يِنِّي يتْعِيشن زِي ڒبْحَر بدّن غَار ڒݣّْوَاج،

لواحي ن يوحنا 18:19

نطَّارن شَاڒ خ يزدْجِيفن نْسن، سْغُوْيِون، تْرُوْن، حزّْنن، قَّارن: يَا لَطِيف، يَا لَطِيف ن ثنْذِينْت ثَمقّْرَانْت! أَيثْبَاب ن يغَرُّوْبَا ذِي ڒبْحَر تُوْغَا ذوْڒن ذ تْوَاجَر لِأَنَّا ثَنْدِينْت ذَايس اَݣْڒَا اَطَّاس! ذݣ يِجّن ن ثْسَعَّات كُڒْشِي يرُوْح!

لواحي ن يوحنا 19:5

ثُوْسَا-د يجّن ن ثْمِيجَّا زِي لْعَرْش ثقَّار: "حمْذث أَربِّـي يَا لْعِبَاد نّس مَارَّا، آ يِنِّي ث يتݣّْوْذن س ؤُمزْيَان ذ ؤُمقّْرَان!"

لواحي ن يوحنا 4:11

"آ مَوْلَانَا آ سِيذِي أَربِّـي نّغ، ذ شك إِي يسْذَاهدْجن لْعَظَمَا ذ ؤُوقَّار ذ جّْهذ، ڒَاحقَّاش شك ثْخڒْقذ كُڒْشِي، س ڒْخَاضَر نّش تْوَاخڒْقنْ-د اَقَاثن دْجَان."

لواحي ن يوحنا 4:9

لْمخْلُوْقَاث-أَ مڒْمِي مَا سمْغَارن تْوقَّارن حمّْذن-اَس إِ ونِّي يقِّيمن خ لْعَرْش إِݣ يدَّرن إِ ڒبْدَا ن ڒبْدَاث،

لواحي ن يوحنا 8:10

ثكَّر لْمَلَائِكَا وِيس تْڒَاثَا ثْصُوْض ذِي زَّمَّار نّس أُوْشَا يوْضَا-د يجّن ن يِيثْرِي ذ اَمقّْرَان زݣ وجنَّا يتْشعَّاڒ اَمشْنَاو اَسْفض. ئِوْضَا-د خ تُلُث ن يِغزْرَان ذ ڒَعْنَاصر ن وَامَان.