لواحي ن يوحنا 14:10 - ثريفيث 2020

¹⁰ أَتَاف اَذ يسو زݣ وَامَان ؤُضِيڒ يقسْحن إِݣ يدْجَان ذ اَغْضَب ن أَربِّـي يعْنِي ذ ڒْكَاس ن لْعِقَاب نّس. أَذ يعدّب س ثْمسِّي ذ ڒكْبْرِيْيث زَّاث إِ لْمَلَائِكَاث يصْفَان ذ يِزْمَار.

لواحي ن يوحنا 14:10 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:22

ئِنْدق-د عِيْسَى ينَّا-ٱسن إِ يَعْقُوْب ذ يُوْحَنَّا: "كنِّيو وَار ثْسِّينم شَا مِين ثتَّارم. مَا ثْزمَّرم اَذ تسْوم زِي ڒْكَاس نِّي إِي زِي غَا سْوغ نش عْڒَاين؟" نَّان-اَس: "وَاه، نْزمَّر-اَس!"

أَسڒْمذ ن سِيذِيثْنغ عِيْسَى لْكِتَاب ن مَتَّى 25:41

ڒخْدّنِّي يِنِّي يدْجَان خ وࢲڒْمَاض اَذَاسن يِينِي ؤُزدْجِيذ: آ يِنِّي ينْعڒ أَربِّـي بعّْذم خَافِي! رُوْحم غَار ثْمسِّي إِي وَار يخسِّين عمَّارْص، ئِسْوجْذن إِ شِّيطَان ذ شَّيَاطِين نّس!

أَسڒْمذ ن سِيذِيثْنغ عِيْسَى لْكِتَاب ن مَتَّى 26:39

ئِبعّذ خَاسن شْوَايْت، ئِسجّذ غَار ثْمُوْرْث يبْذَا يتتَّار إِ أَربِّـي ينَّا: "آ بَابَا، مڒَا مُمْكِن سْبعّذ-يث خَافِي ڒْكَاس-أَ ن ڒَعْذَاب. مَاشِي مَامش خْسغ نش؛ لَّا، مَامش يخس ڒْخَاضَر نّش شك."

مرقس 8:38

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو ذِي زْمَان-أَ اَعفَّان يخدّْعن أَربِّـي، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا ن بَابَاس اَك لْمَلَائِكَاث يقدّْسن.

مرقس 9:44

{قَا ذِنِّي يكشَّاون وَار تْمتِّين شَا، ثِمسِّي وَار ثْخسِّي شَا.}

ڒخذايم 10:22

نَّان-اَس: "قَا نشِّين يسّكّ-اَنغ-د كُوْرْنِينْيُوْس يجّن ن وعَسْكَارِي ذ اَمقّْرَان ن اَرُّوْمَانُوْس. نتَّا ذ يجّن ن ورْيَاز نِيشَان يتݣّْوذ أَربِّـي، تْوقَّارن-ث مَارَّا ڒْقُوْم ن أَيث-إِسْرَائِيل. ينَّا-ٱس يجّن ن لْمَلَاك ن أَربِّـي: سكّ غَار بُطْرُس، اَذ د يَاس غَار ثدَّارْث نّش اَذَاس ثْصنّْطذ مِين ذَاش غَا يِينِي."

2 أيث-سلونيك 1:7

أَذَاوم يُوْش اَرَّاحث اَكِذْنغ كنِّيو يتْوَامحَّانن. مَانَايَا اَذ يِيڒِي خْمِي د غَا يمظْهَار سِيذِيثْنغ عِيْسَى زݣ وجنَّا ذݣ يِجّن ن ثْمسِّي ثْحدّق، أَكِذس د مظْهَارنْت لْمَلَائِكَاث نّس يجهْذن.

ثبرات زي يهوذا 1:7

أَمُّو عَاوذ إِي ݣِّين يمزْذَاغ ذِي ثنْدِينْت نِّي ن سَادُوْم ذ ثنْدِينْت نِّي ن عَمْمُوْرَا ذ يبِيلَاجن نِّي إِي ذَاسنْت-يد ينّضن. سلّْمن يخف نْسن إِ لْفَسَاد ذ شّهْوث نِّي مَاشِي طَّبِيعِي. يعْنِي نِثْنِي يݣِّي-ثن أَربِّي ذ لْعِبْرَا، تْوَاعَاقْبن س يِجّن ن لْعِقَاب ن ثْمسِّي وَار يفنِّين شَا عمَّارْص.

لواحي ن يوحنا 15:7

يجّن زِي اَرْبعَا ن لْمُخْلُوْقَاث يُوْشَا-ٱسنْت إِ سبْعَا نِّي ن لْمَلَائِكَاث سبْعَا ن ثْمجْمَارِين ݣِّين-ثنْت س دّْهب، عمَّرنْت س ؤُغْضَب ن أَربِّـي يدَّرن إِ ڒبْدَا ن ڒبْدَاث.

لواحي ن يوحنا 16:19

ثْشقّْ ثنْدِينْت ثَمقّْرَانْت خ ثْڒَاثَا، نْهذْمنْت ثْندَّام ن ڒݣْنُوْس. وَار يتُّو شَا أَربِّـي ثَنْدِينْت ن بَابِل ثَمقّْرَانْت، فَا إِنَّمَا، يُوْشَا-ٱس اَذ تْسو زِي ڒْكَاس ن وَامَان وضِيڒ يعْنِي لْعِقَاب نّس اَمقّْرَان.

لواحي ن يوحنا 18:3

ڒَاحقَّاش مَارَّا ڒݣْنُوْس سْوِين زݣ وَامَان ن وضِيڒ ن لْفَسَاد نّس وَار يحْڒِي، فسْذن اَكِذس يزدْجِيذن ن ثْمُوْرْث. يسبَّابن ن ثْمُوْرْث ؤُوِين-د اَطَّاس ن وَاݣْڒَا زݣ وفلّس نّس اَمقّْرَان."

لواحي ن يوحنا 18:6

أَرّم-اَس مِين ذَاوم ثݣَّا نتَّاث، دُوْبْلَام-اَس ثْنَاين ن ثْوَاڒَاثِين ڒفْعَايڒ نّس. ڒْكَاس نِّي إِي زِي ثْسسّو إِ يِوْذَان، سسّْوم-اَس-ث مَارْثَاين.

لواحي ن يوحنا 19:15

ئِتفّغ-د زݣ وقمُّوْم نّس يجّن ن سِّيف يقْضع، اَزَّايس يُوْوث ڒݣْنُوْس. نتَّا اَثن يَرْوس س وعكَّاز نْ ڒحْذِيذ، اَخَاسن يعفّس ذِي ثْسِيرْث ن وَامَان ن وضِيڒ يعْنِي ذ لْعِقَاب اَمقّْرَان ن أَربِّـي إِݣ يزمَّرن إِ كُڒْشِي.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.

لواحي ن يوحنا 20:10

إِبْڒِيس نِّي إِي ثن يخذْعن ئِمنْضَار-د ذِي ڒبْحَر نِّي ن ثْمسِّي ذ ڒكْبْرِيْيث مَانِي يدْجَا ڒْوَحْش نِّي ذ ونِّي يتَارَّان يخف نّس ذ نَّبِي. أَذ تْوَاعدّْبن ذِنِّي نْهَار ذ دْجِيڒث إِ ڒبْدَا ن ڒبْدَاث.

لواحي ن يوحنا 20:14

ثْمنْضَار-د ڒْموْث ذ لْأَخِرَا ذِي ڒبْحَر ن ثْمسِّي. قَا ڒبْحَر نِّي ن ثْمسِّي نتَّا إِݣ يدْجَان ذ ڒْموْث وِيس ثْنَاين.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."