لواحي ن يوحنا 13:16 - ثريفيث 2020

¹⁶ يݣَّا بزّز خ مَارَّا يوْذَان س يمقّْرَانن ذ يمزْيَانن، ذ تْوَاجَر ذ يمسْعَان، ذ يِنِّي غَارْسن بَاب نْسن ذ يِنِّي غَارْسن لْحُرِّيَا نْسن اَذ ݣّن يجّن ن طَّبَع خ وفُوْس اَفُوْسِي نْسن نِغ خ ثنْيَارْث نْسن.

لواحي ن يوحنا 13:16 ပူးပေါင်းရင်းမြစ်များ

ڒخذايم 26:22

وَلَكِن أَربِّـي يعَاون-اَيِي-د زِي قْبڒ حتَّا نْهَارَا. أَمُّو اَقَايِي نش ذَانِيتَا بدّغ، تْبشَّارغ س ومزْيَان ذ ومقّْرَان. قَّارغ غِير ثِمسْڒَايِين نِّي إِي نَّان لْأَنْبِيَا ذ مُوْسَى لَابُد اَذ وقْعنْت.

1 أيث-كورينث 12:13

لِأَنَّا نشِّين مَارَّا نتْوَاطهَّار س وَامَان س يِجّن ن أَرُّوْح بَاش أَ نِيڒِي ذ يجّن ن جْمَاعث، يعْنِي أَيث-إِسْرَائِيل نِغ ذ ييُوْنَانِيْين، ذ يِنِّي غَار يدْجَا بَاب نْسن نِغ ذ يِنِّي غَار ثدْجَا لْحُرِّيَا نْسن. نشِّين مَارَّا إِذْنغ يُوْشَا-ٱنغ أَ نْسو يعْنِي أَ نْشَرش ذݣ يِجّن ن أَرُّوْح.

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

أيث-ݣلاطيا 6:17

سَّا اَڒ ثْسَاونْت يتْخصَّا وَار ذَايِي يتݣّ حَدّ تَمَارَا ڒَاحقَّاش دَّات ينُو ذَايس لْأَثَار ن عِيْسَى.

أيث-ؤفسوس 6:8

ئِتْخصَّا كنِّيو اَذ تسّْنم مَارَّا ڒْخِير إِي غَا ثݣّم اَكنِّيو يجَزَا خَاس سِيذِيثْنغ وَاخَّا كنِّيو ذ يسمْغَان نِغ ذ أَيثْبَاب نْسن.

أيث-كولوس 3:11

وَار يتْغِيمِي بُو ويُوْنَانِي نِغ ذ اَئِسْرَائِيلِي، نِغ ذ ونِّي يطهَّارن نِغ ذ ونِّي وَار يطهِّيرن شَا، نِغ ذ اَبَرْبَرِي نِغ ذ اَوحْشِيو، نِغ ذ يسْمغ نِغ ذ ونِّي يدْجَان حُرّ. لَّا، لْمَسِيح نتَّا ذ مَارَّا، أَقَاث ذِي مَارَّا.

2 تيموتاوس 3:8

مَامّش يَانِيس ذ يَامْپْـرِيس نِّي تْعَارَّاضن إِ مُوْسَى، أَمنِّي عَاوذ ؤُڒَا ذ يرْيَازن-أَ تْعَارَّاضن إِ لْحَقِيقَا. ڒَعْقُوْرَاث نْسن عوّْجن، لْإِيمَان نْسن يخْوَا.

لواحي ن يوحنا 11:18

ڒݣْنُوْس غضْبن، يُوْوض-د وغْضَب نّش. يُوْوض-د نْهَار ن لْحِسَاب ذ لْعِقَاب ن يِنِّي يمُّوْثن. اَذ تْجَازِيذ يِنِّي ذَاش يخدّْمن يعْنِي لأَنْبِيَا ذ ڒْمُوْمِنِين نّش صَّالِحِين، ذ ينِّي يتْوقَّارن يسم نّش س يمزْيَانن ذ يمقّْرَانن. أَذ تقْضِيذ خ يِنِّي يسفْسَاذن ثَمُوْرْث."

لواحي ن يوحنا 15:2

ࢲْرِيغ عَاوذ اَمشْنَاو ڒبْحَر ن جَّاج يخلّط اَك ثْمسِّي، بدّن خَاس يِنِّي يغڒْبن ڒْوَحْش ذ لْأَصْنَام نّس ذ رَّقم ن يِيسم نّس. كُڒ يجّن زَّايْسن يكسِّي يجّن ن ثْݣَامْبْرِيت ن أَربِّـي.

لواحي ن يوحنا 19:18

حمَا اَذ تشّم اَيْسُوْم ن يزدْجِيذن ذ ويْسُوْم ن اَرُّوْيَاس ن ڒْعَسْكَار ذ ويْسُوْم ن يِنِّي يجهْذن ذ ويْسُوْم ن يِيْسَان ذ يِنِّي خَاسن ينْيِيْن ذ ويْسُوْم ن مَارَّا يِوْذَان يعْنِي ذ يِنِّي غَار يدْجَا بَاب نْسن ذ يِنِّي غَار ثدْجَا لْحُرِّيَا نْسن، س ؤُمزْيَان ذ ؤُمقّْرَان."

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.

لواحي ن يوحنا 19:5

ثُوْسَا-د يجّن ن ثْمِيجَّا زِي لْعَرْش ثقَّار: "حمْذث أَربِّـي يَا لْعِبَاد نّس مَارَّا، آ يِنِّي ث يتݣّْوْذن س ؤُمزْيَان ذ ؤُمقّْرَان!"

لواحي ن يوحنا 20:12

ࢲْرِيغ يمتِّينن بدّن زَّاث إِ لْعَرْش نِّي اَم ومزْيَان اَم ومقّْرَان. نُوْرْزْمن لْكُتُب، ئِنُوْرْزم يجّن ن لْكِتَاب نّغْنِي نتَّا ذ لْكِتَاب ن ثُوْذَارْث. تْوَاحَاسْبن يمتِّينن س مِين يُوْرِين ذِي لْكُتُب عْلَاحْسَاب ڒخْذَايم نْسن.

لواحي ن يوحنا 20:4

ࢲْرِيغ لْعَرْشَاث ذ يِنِّي خَاسن يقِّيمن ثمُّوْش-اَسن سُّلْطَا اَذ حكْمن. ࢲْرِيغ بُوْحْبڒ ن يِنِّي ؤُمِي يتْوَاقسّن يزدْجِيفن لِأَنَّا ذفَّارن مِينْخف يشْهذ عِيْسَى ذ وَاوَاڒ ن أَربِّـي. نِثْنِي تُوْغَاثن وَار سجّْذن شَا إِ ڒْوَحْش نِغ إِ لْأَصْنَام نّس، تُوْغَا وَار قْبِيڒن شَا طَّبَع نّس خ ثنْيَارث نْسن نِغ خ وفُوْس نْسن. كَّرن-د زِي ڒْموْث حكْمن اَك عِيْسَى اَڒَاف ن يسݣّْوُوْسَا.

لواحي ن يوحنا 6:15

كَّرن يزدْجِيذن ن ثْمُوْرْث ذ يمقّْرَانن نْسن ذ اَرُّوْيَاس ن ڒْعَسْكَار ذ تْوَاجَر ذ يِنِّي يجهْذن ذ يِنِّي غَارْسن بَاب نْسن ذ يِنِّي غَارْسن لْحُرِّيَا نْسن، رُوْحن مَارَّا تْنُوْفَّرن ذݣ يِيفْرَان ذ جَار يِزْرَا ن يذُوْرَار.

لواحي ن يوحنا 7:3

ينَّا-ٱسنْت: "وَار تْضيَّاعنْت نِي ڒْبَرّ نِي ذ ڒبْحَر نِي ذ ڒْشجُّوْر حتَّا غَا نضْبع ثَنْيَارْث ن يِنِّي يعبّْدن أَربِّـي."