لواحي ن يوحنا 13:11 - ثريفيث 2020

¹¹ ࢲْرِيغ يجّن ن ڒْوَحْش نّغْنِي يفّغ-د زِي ثْمُوْرْث، غَارس ثْنَاين ن وَاشَّاون اَم وَاشَّاون ن يِزْمَار وَلَكِن نتَّا يسَّاوڒ اَم دَّيْنَاصُوْر.

لواحي ن يوحنا 13:11 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 7:15

حْضَام يخف نْوم زݣ يِنِّي يتَارَّان يخف نْسن ذ لْأَنْبِيَا. تَاسن-د غَارْوم اَم شَان ن يحُوْڒِيْين وَلَكِن ذݣ وُوْڒَاون نْسن ذ وشَّانن يوْعَرن.

أيث-روما 16:18

لِأَنَّا يِيْنَا وَار خدّْمن شَا إِ سِيذِيثْنغ عِيْسَى لْمَسِيح، خدّْمن غِير إِ وعدِّيس نْسن وَاهَا. س وَاوَاڒ يِيزِيضن ذ لْمُهَوَاضَا يزوّْقن خدّْعن ؤُڒَاون ن يِنِّي إِي ذِي ثدْجَا نِّيّث.

2 أيث-سلونيك 2:4

نتَّا يتْعَارَّاض إِ أَربِّـي يسمْغَار يخف نّس خ مَارَّا مِينْخف يدْجَا يسم ن أَربِّـي ذ مِين عبّْذن يِوْذَان حتَّا اَذ يقِّيم ذِي ثمْزِيذَا ثَمقّْرَانْت ن أَربِّـي اَذ يعيّض اَذ يِينِي قَا نش ذ أَربِّـي.

لواحي ن يوحنا 11:7

خْمِي غَا كمّْڒن ڒخْبَار نْسن إِي زِي غَا شهْذن، أَذ د يݣَعّذ ڒْوَحْش زِي ڒَادْجغ بْڒَا ڒَاحدّ اَثن يحَارب، أَثن يغْڒب، أَذ ينغ ڒشْهُوْذ نِّي.

لواحي ن يوحنا 12:17

ئِغْضب بُو-سبْعَا-يزدْجِيفن خ ثمْغَارْث نِّي يرُوْح اَذ يحَارب س مِين يقِّيمن زِي دُّوْرِّيث نّس، يعْنِي يِنِّي يتݣّن اَرَّاي س ڒُوْصِيَاث ن أَربِّـي تطّْفن خ مِينْخف يشْهذ عِيْسَى.

لواحي ن يوحنا 13:1

ࢲْرِيغ يجّن ن ڒْوَحْش يفّغ-د زِي ڒبْحَر، غَارس سبْعَا ن يقيُّوْعن ذ عشْرَا ن وَاشَّاون، خ وَاشَّاون نّس عشْرَا ن تَّاجَاث. ؤُرِين خ يقيُّوْعن نّس يسمَاون وَار يحْڒِين خ أَربِّـي.

لواحي ن يوحنا 13:17

ؤُڒَا ذ يجّن وَار يزمَّر اَذ يسغ نِغ اَذ يزّنْز إِلَّا ونِّي غَار يدْجَا طَّبَع نِّي، يعْنِي يسم ن ڒْوَحْش نِّي نِغ ذ رَّقم ن يِيسم نّس.

لواحي ن يوحنا 13:4

سجّْذن-اَس يِوْذَان إِ ونِّي يݣِّين اَم دَّيْنَاصُوْر ڒَاحقَّاش يُوْشَا-اَس إِ ڒْوَحْش-أَ سُّلْطَا نّس. عَاوذ سجّْذن-اَس إِ ڒْوَحْش-أَ نَّان: "ؤُو غَا يِيڒِين اَم ڒْوَحْش-أَ؟ ؤُݣ يزمَّرن اَث يحَرب؟"

لواحي ن يوحنا 16:13

ࢲْرِيغ ثْڒَاثَا ن جْنُوْن يعفَّانن ݣِّين اَم يجرْوَان: ئِجّن يتفّغ-د زݣ وقمُّوْم ن ونِّي اَم دَّيْنَاصُوْر؛ ئِجّن يتفّغ-د زݣ وقمُّوْم ن ڒْوَحْش؛ ئِجّن يتفّغ-د زݣ وقمُّوْم ن ونِّي يتَارَّان يخف نّْس ذ نَّبِي.

لواحي ن يوحنا 17:6

ࢲْرِيغ ثَمْغَارْث نِّي ثْسكَّر س يذَامّن ن ڒْمُوْمِنِين صَّالِحِين ذ يذَامّن ن يِنِّي يشهّْذن خ عِيْسَى. وَامِي ت ࢲْرِيغ ذهْشغ اَطَّاس.

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.