لواحي ن يوحنا 12:9 - ثريفيث 2020

⁹ ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 12:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:39

ڒَعْذُو إِݣ يزرّْعن يسنَّانن نتَّا ذ إِبْڒِيس. ڒْوقْث ن ومْجَار نتَّاث ذ ڒفْنَا ن زْمَان. ئِخدَّامن نِثْنِي ذ لْمَلَائِكَاث.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:41

ڒخْدّنِّي يِنِّي يدْجَان خ وࢲڒْمَاض اَذَاسن يِينِي ؤُزدْجِيذ: آ يِنِّي ينْعڒ أَربِّـي بعّْذم خَافِي! رُوْحم غَار ثْمسِّي إِي وَار يخسِّين عمَّارْص، ئِسْوجْذن إِ شِّيطَان ذ شَّيَاطِين نّس!

أَسڒْمذ ن سِيذِيثْنغ عِيْسَى لْكِتَاب ن مَتَّى 4:1

سّنِّي اَرُّوْح نِّي ن أَربِّـي يُوْوِي عِيْسَى غَار ڒخْڒَا حمَا اَث يجَرّب إِبْڒِيس.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:10

ئِنْدق-د عِيْسَى ينَّا-ٱس: "رُوْح، بعّذ-اَيِي آ شِّيطَان. أَقَا لْكِتَاب يقَّار: <سجّذ إِ سِيذِي أَربِّـي نّش، عْبذ-يث نتَّا وَاحْذس.>"

أَسڒْمذ ن سِيذِيثْنغ عِيْسَى لْكِتَاب ن مَتَّى 4:5

سّنِّي إِبْڒِيس يُوْوِي عِيْسَى غَار ثنْدِينْت ن لْقُدْس، ئِسِيڒِي-ث خ ثْقِيشَّات ن ثمْزِيذَا ثَمقّْرَانْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:8

سّنِّي إِبْڒِيس يُوْوِي عِيْسَى غَار ثْقِيشَّات ن يِجّن ن وذْرَار يُوْعْڒَا اَطَّاس. ئِسْمظْهَار-اَس-د مَارَّا لْممْلَكَاث ن دُّنشْت-أَ ذ ثُوْصُبْحَانت نْسنْت.

لوقا 10:18

ينَّا-ٱسن عِيْسَى: "تُوْغَا تْوَاڒِيغ شِيطَان يوْضَا-د زݣ وجنَّا مَامش د يوطَّا ڒْبَرْق.

لوقا 13:16

ثَمْغَارْث-أَ مسْكِينَا يدْجَان زِي دُّوْرِّيث ن بْرَاهِيم يحبّس-يت شِّيطَان ثْمنْطَاش يسݣّْوُسَا، مَا وَار ذَاس نْرزّم شَا زِي ڒحْبس-أَ ذِي نْهَار ن لْعِبَادَا مَا لَّا؟"

لوقا 22:3

يُوْذف شِّيطَان ذݣ وُوْڒ ن يَهُوْذَا ونِّي ؤُمِي قَّارن إِسْخَرْيُوطِي، نتَّا زِي ثنْعَاش نِّي ن اَرُّسُل.

لوقا 22:31

ينَّا-ٱس عِيْسَى: "خْزَر آ سِمْعَان: شِّيطَان يرْزُّو اَكنِّيو يغَرْبڒ اَم مَامّش تْغَارْبَڒن يرْذَان.

لوقا 8:12

زَّرِّيعث نِّي إِݣ يوْضَان خ وبْرِيذ نتَّاث اَم يِوْذَان إِي تسْڒَان إِ وَاوَاڒ ن أَربِّـي. ئِتْرَاح إِبْڒِيس يتكّس-اَسن-ث زݣ وُوْڒ حمَا وَار تِيمْنن شَا، وَار نجّْمن شَا.

يوحنا 12:31

ڒخُّو اَذ تْوَاعَاقب دُّنشْت-أَ. ڒخُّو لْمُفْسِيد نِّي اَمقّْرَان ن دُّنشْت-أَ اَخَاس اَزّْڒن.

يوحنا 14:30

وَار كِذْوم سِّيوِيرغ شَا نش عَاذ اَطَّاس مِينْزِي لْمُفْسِيد نِّي اَمقّْرَان ن دُّنشْت-أَ يتَاس-د. وَار غَارس بُو ثْزمَّار خَافِي.

يوحنا 16:11

أُو غَلْطن خ لْحِسَاب مِينْزِي لْمُفْسِيد نِّي اَمقّْرَان ن دُّنشْت-أَ يتْوَاحْكم.

يوحنا 8:44

بَابَاثْوم ذ إِبْڒِيس، ثْرزُّوْم اَذ تذْفَارم مِين يخس نتَّا. زݣ ومزْوَارُو نتَّا ينقّْ يوْذَان. وَار غَارس شَا لْعَلَاقَا اَك لْحَقِيقَا مِينْزِي نتَّا وَار ذَايس بُو لْحَقِيقَا. مڒْمِي مَا يسْخرَّق، أَتَاف يسَّاوَاڒ زِي مِين ذَايس مِينْزِي نتَّا ذ بُو-يخرِّيقن، ذ بَابَاثْسن ن يخرِّيقن.

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

ڒخذايم 5:3

ينَّا-ٱس بُطْرُس: "آي أَنَاس، مَايمِّي ثجِّيذ شِّيطَان اَش يغَرّ يُوْذف ذݣ وُوْڒ نّش ثسْخرّْقذ خ أَرُّوْح يقدّْسن ثسْنُوْفَّرذ شَان ن تْمنْيَاث إِ يِيخف نّش زِي تْمنْيَاث ن ثْمُوْرْث نِّي؟

أيث-روما 16:18

لِأَنَّا يِيْنَا وَار خدّْمن شَا إِ سِيذِيثْنغ عِيْسَى لْمَسِيح، خدّْمن غِير إِ وعدِّيس نْسن وَاهَا. س وَاوَاڒ يِيزِيضن ذ لْمُهَوَاضَا يزوّْقن خدّْعن ؤُڒَاون ن يِنِّي إِي ذِي ثدْجَا نِّيّث.

أيث-روما 16:20

أَربِّـي ن ڒهْنَا نتَّا عْڒَاين اَذ يڒْبࢲ شِّيطَان سْوَادَّاي إِ يضَارن نْوم. أَكِذْوم يِيڒِي اَرْضَا ن سِيذِيثْنغ عِيْسَى لْمَسِيح.

22 أيث-كورينث 11:14

إِيوَا وَار نسْتغْڒِيب شَا لِأَنَّا شِّيطَان نتَّا س يِيخف نّس يسْنعْمِيڒ ذ يجّن ن لْمَلَائِكَا ن نُّوْر.

22 أيث-كورينث 11:3

وَلَكِن نش ݣّْوْذغ مَامّش ذَاس يوْقع إِ حَوَّا يشْمث-يت وفِيغَر س ثحْرَايْمِيث نّس ؤُڒَا ذ كنِّيو ڒَعْقُوْڒَاث نْوم اَذ فّْغن اَبْرِيذ، وَار ذَاس تْطِيعِيم شَا إِ لْمَسِيح س وُوْڒَاون نْوم بْڒَا نِّفَاق أُو بْڒَا ڒْعِيب.

22 أيث-كورينث 12:7

إِذن يمُّوْش-اَيِي يجّن ن وسنَّان ذݣ ويْسُوْم ينُو، مَايمِّي؟ حمَا وَار سمْغَارغ شَا يخف ينُو عْلَاحْسَاب ثِمسْڒَايِين-أَ يسْتْعجِّيبن إِي ذَايِي د يسْبيّن أَربِّـي ذِي لْوَاحِي. أَسنَّان-أَ ونِّي إِي د يسّكّن شِّيطَان يتْعدَّاب-اَيِي بَاش وَار سمْغَارغ شَا يخف ينُو.

22 أيث-كورينث 2:11

مَانَايَا حمَا شِّيطَان وَار ذَانغ يخدّع شَا، أَقَا وَار نْغفّڒ شَا خ مِين يتْشِيطِين نتَّا.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

أيث-ؤفسوس 4:14

أَمنِّي وَار نتْغِيمِي شَا ذ يحنْجِيرن تَاوِينْت-اَنغ ڒمْوَاج تَارَّانْت-اَنغ. نِغ ذ اَرِّيح يتْصُوْض خَانغ يكسِّي-يَانغ سَّا ذ سَّا س كُڒ اَرِّيح زَعْمَا ن وسڒْمذ أُو س ثحْرَايْمِيث ذ يخَرْوِيضن ن يرْيَازن ذ مِين تْشِيطِّينن.

2 أيث-سلونيك 2:3

لَّا، وَار تجَّام حَدّ اَكنِّيو يشْمث س وَالُو. أَتَاف وَار يزمَّر يُوْم نِّي اَذ د يَاس قْبڒ مَا ٱذ سمْحن اَطَّاس اَطَّاس ن يِوْذَان ذ اَمزْوَارُو ذِي أَربِّـي اَذ د يمظْهَار لْمسْخُوْط مِّيس ن ڒفْنَا.

1 تيموتاوس 2:14

عَاوذ آدَم وَار ث يشْمِيث شَا شِّيطَان، ذ ثَمْغَارْث يتْوَاشمْثن ثعْصَا أَربِّـي.

2 تيموتاوس 3:13

أَمَّا يرْيَازن يعفَّانن ذ يرْيَازن يشمَّاثن نِثْنِي اَذ ارْنِين ذِي ثُوْعُوْفّْنَا وَاهَا، نِثْنِي اَذ شمّْثن اَذ تْوَاشمّْثن.

يعيبرانيين 2:14

إِذن ثَارْوَا-يَا نِثْنِي ذ يوْذَان ذَايْسن مَارَّا اَيْسُوْم ذ يذَامّن. خ مَانَايَا عِيْسَى ؤُڒَا ذ نتَّا ذَايس ثِمسْڒَايِين-أَ. أَمُّو س ڒْموْث نّس يسْبطّڒ زَّعِيم ن ڒْموْث يعْنِي ذ إِبْڒِيس.

1 بطرس 5:8

أَرّم-د ڒْبَاڒ نْوم، إِڒِيث عْلَابَال. ڒَعْذُو نْوم إِبْڒِيس قَا يتْقيَّاذ-كنِّيو اَم سّْبَاع يتْهِيرِّيو يرزُّو خ ونِّي إِي غَا يسغْڒِي.

1 يوحنا 5:19

نسّن إِلَّا نشِّين زِي أَربِّـي، نسّن عَاوذ مَارَّا دُّنشْت-أَ اَقَات سْوَادَّاي إِ ثْزمَّار ن لْمُفْسِيد.

ثبرات زي يهوذا 1:9

وَلَكِن مِين يݣَّا لْمَلَاك اَمقّْرَان مِيْكَائِيل وَامِي يمْنغ اَك إِبْڒِيس يمْنَاقَر اَكِذس خ دَّات يمُّوْثن ن مُوْسَى؟ وَاخَّا ذ مِيْكَائِيل-أَ وَار يزْعِيم شَا اَذ يِينِي شَا ن وَاوَاڒ وَار يحْڒِين خ إِبْڒِيس، ينَّا-ٱس شك اَش ينْهَا سِيذِي أَربِّـي!

لواحي ن يوحنا 12:12

خ مَانَايَا، فَرح آي اَجنَّا، ذ يِنِّي ذَايس يزدّْغن! وَلَكِن يَا تَمَارَا خ يمزْذَاغ ن ڒْبَرّ ذ ڒبْحَر! إِبْڒِيس يهْوَا-د غَارْوم يغْضب اَطَّاس، مِينْزِي يسّن ثقِّيم-اَس ذْرُوْس ن ڒْوقْث."

لواحي ن يوحنا 12:3

ثْمظْهَار-د ذݣ وجنَّا يجّن ن لْعَلَامَا نّغْنِي ثݣَّا اَم دَّيْنَاصُوْر ذ اَمقّْرَان ذ اَزݣّْوَاغ غَارس سبْعَا ن يزدْجِيفن ذ عشْرَا ن وَاشَّاون، ذ سبْعَا ن تَّاجَاث خ يزدْجِيفن نّس.

لواحي ن يوحنا 12:7

ئِوْقع ڒْحَرْب ذݣ وجنَّا. مِيكَائِيل ذ لْمَلَائِكَاث نّس حَارْبن بُو-سبْعَا يزدْجِيفن. بُو-سبْعَا-يَا يزدْجِيفن ذ شَّيَاطِين نّس حَارْبن عَاوذ ؤُڒَا ذ نِثْنِي.

لواحي ن يوحنا 12:8

وَار ذَاسنْت زمَّرن إِ لْمَلَائِكَاث نِّي، بُو-سبْعَا-يَا يزدْجِيفن ذ شَّيَاطِين نّس ضيّْعن اَمْشَان نْسن ذݣ وجنَّا.

لواحي ن يوحنا 13:14

ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.

لواحي ن يوحنا 16:14

يِيْنَا ذ اَرُّوْحَاث ن شَّيَاطِين تݣّن لْمُعْجِزَاث زَعْمَا. تْرَاحن غَار يزدْجِيذن ن ثْمُوْرْث مَارَّا حمَا اَثن سْمُوْنن إِ ڒْحَرْب ذِي نْهَار نِّي اَمقّْرَان ن أَربِّـي إِݣ يزمَّرن إِ كُڒْشِي.

لواحي ن يوحنا 18:2

ئِسْنكَّر ثْغُويِّث س جّْهذ ينَّا: "قَا ثوْضَا قَا ثوْضَا بَابِل ثَمقّْرَانْت! ثذْوڒ ذ ثَزدِّيغْث ن شَّيَاطِين، ذ ثَنْوَاڒْث إِ مْكُڒ جّنّ اَعفَّان، ذ اَخْبُوْش إِ مْكُڒ اَجْضِيض إِݣ يدْجَان حْرَام إِݣ يعِيفّن.

لواحي ن يوحنا 18:23

عمَّارْص اَذَايم ثْشعّڒ ثْفَاوْث ن ڒْقنْدِيڒ. عمَّارْص اَذَايم تسْڒَان إِ صُّوْت ن مُوْڒَاي ذ ثْسْڒِيث. أَقَا يسبَّابن نّمْ تُوْغَا دْجَان ذ يمقّْرَانن ن ثْمُوْرْث، س سِّحر نّمْ ثْخذْعذ مَارَّا ڒݣْنُوْس.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.

لواحي ن يوحنا 2:13

نش سّْنغ مَانِي ثْزدّْغذ، ذِنِّي لْعَرْش ن شِّيطَان. شك تطّْفذ ذݣ يِيسم ينُو. وَار ثنْكَرذ شَا لْإِيْمَان إِي زَّايِي ثݣِّيذ، وَاخَّا ذݣ وُوْسَّان نِّي إِي ذِي نْغِين يجّن ن شَّهِيذ ينُو ذَايس ڒَامَان قَّارن-اَس أَنْتِپَـاس. نْغِين-ث زَّاثْوم مَانِي يزدّغ شِّيطَان.

لواحي ن يوحنا 2:24

أَمَّا كنِّيو نّغْنِي إِي يدْجَان ذِي ثِيَاتْرَا وَار ثقْبِيڒم شَا تَّعْلِيم نِّي وَار ثسِّينم شَا مَانَاينِّي ؤُمِي قَّارن يِوْذَان <لْأَسْرَار ن شِّيطَان يُودْجْغن.> قَّارغ-اَوم نش وَار خَاوم تݣّغ بُو شَا ن دْقڒ نّغْنِي.

لواحي ن يوحنا 2:9

نش سّْنغ ڒمْحَاين نّش، شك ذ ڒْمسْكِين، وَلَكِن لَّا شك ذ تَّاجَر! سّْنغ ڒْبَاطڒ إِي خَاوم قَّارن يِنِّي يحسّْبن يخف نْسن زِي أَيث-إِسْرَائِيل. لَّا، نِثْنِي وَار دْجِين شَا زِي جْمَاعث ن أَيث-إِسْرَائِيل؛ نِثْنِي غِير ذ يجّن ن جْمَاعث إِݣ يعبّْذن شِّيطَان.

لواحي ن يوحنا 20:10

إِبْڒِيس نِّي إِي ثن يخذْعن ئِمنْضَار-د ذِي ڒبْحَر نِّي ن ثْمسِّي ذ ڒكْبْرِيْيث مَانِي يدْجَا ڒْوَحْش نِّي ذ ونِّي يتَارَّان يخف نّس ذ نَّبِي. أَذ تْوَاعدّْبن ذِنِّي نْهَار ذ دْجِيڒث إِ ڒبْدَا ن ڒبْدَاث.

لواحي ن يوحنا 20:8

أَذ د يفّغ اَذ يخْذع ڒݣْنُوْس خ اَرْبعَا ن جْوَايه ن ثْمُوْرْث، يعْنِي هَاجُوْج أُو مَاجُوْج. أَثن يسْمُوْن اَذ حَارْبن، لْعَدَد نْسن يݣَّا اَم يِيْجْذِي ن ڒبْحَر.

لواحي ن يوحنا 3:9

أَمَّا يِنِّي زِي جْمَاعث إِي يعبّْذن شِّيطَان حسّْبن يخف نْسن زِي أَيث-إِسْرَائِيل، وَلَكِن نِثْنِي وَار دْجِين شَا زِي أَيث-إِسْرَائِيل سْخرِّيقن وَاهَا. أَثن د اَرّغ س بزّز اَذ د اَسن اَذ سجّْذن غَار يضَارن نّش اَذ سّْنن نش تْحِبِّيغ-شك.

لواحي ن يوحنا 9:1

ثكَّر لْمَلَائِكَا وِيس خمْسَا ثْصُوْض ذِي زَّمَّار نّس أُوْشَا ࢲْرِيغ يجّن ن يِيثْرِي تُوْغَا يوْضَا-د زݣ وجنَّا خ ثْمُوْرْث. ئِمُّوْش-اَس إِ يِيثْرِي نِّي ڒْمفْتَاح ن وَانُو نِّي يتَاوِين غار ڒَادْجغ بْڒَا ڒَاحدّ.

لواحي ن يوحنا 9:20

وَلَكِن يِوْذَان إِݣ ينجْمن زِي لْمُصِيبَاث-أَ وَار تُوْبن شَا س مِين ݣِّين س يفَّاسن نْسن. قِّيمن عَاذ عبّْذن شَّيَاطِن ذ لْأَصْنَام ن دّْهب ذ نُّقَارْث ذ نّحَّاس ذ وزْرُو ذ وكشُّوْض إِي وَار يتْوِيڒِين شَا إِي وَار يتْسْڒِين شَا إِي وَار يݣُّوْرن شَا.