لواحي ن يوحنا 12:11 - ثريفيث 2020

¹¹ غڒْبن-ث اَيثْمَاثْنغ س يذَامّن ن يِزْمَار ذ شْهَاذث نْسن. ثُوْذَارْث نْسن وَار خَاسن ثْعِيزّ شَا، وجْذن اَذ مّْثن.

لواحي ن يوحنا 12:11 ပူးပေါင်းရင်းမြစ်များ

لوقا 14:26

"ونِّي غَارِي د يتَاسن نش، مڒَا يعِيزّ خَاس بَابَاس كْتَار زَّايِي نش نِغ ذ يمَّاس نِغ ذ ثمْغَارْث نّس نِغ ذ ثَارْوَا نّس نِغ ذ اَيْثْمَاس نِغ ذ سْوِيثْمَاس نِغ ذ يخف نّس، أَتَاف وَار يزمَّر اَذ يِيڒِي ذ اَمحْضَار ينُو.

يوحنا 16:33

قَّارغ-اَوم مَانَايَا حمَا اَذ تيْسِيم زَّايِي ڒهْنَا. ذِي دُّنشْت-أَ ثَانِيتَا اَخَاوم ثكّ ذَايس تَمَارَا، وَلَكِن شجّْعث يخف نْوم اَقَا نش ربْحغ دُّنشْت-أَ."

ڒخذايم 20:24

وَلَكِن وَار تِيشّغ بُو لْهِمَّا إِ ثُوْذَارْث ينُو. نش اَذ كمّْڒغ مِينْخف د ؤُسِيغ ذ ڒْخذْمث إِي زِّي ذَايِي يكلّف سِيذِيثْنغ عِيْسَى، يعْنِي اَذ شهْذغ خ لْإِنْجِيل ن اَرْضَا ن أَربِّـي.

ڒخذايم 21:13

ينَّا-ٱنغ: "مِين كنِّيو يُوْغِين؟ مَايمِّي إِي ذَايِي ثحْفَرم ذݣ وُوْڒ س يمطَّاون نْوم؟ نش اَقَايِي مُوْجُوْد مَاشِي اَذَايِي قّْنن وَاهَا. نش اَقَايِي مُوْجُوْد اَذ مّْثغ ذِي لْقُدْس عْلَاحْسَاب يسم ن سِيذِيثْنغ عِيْسَى!"

أيث-روما 16:20

أَربِّـي ن ڒهْنَا نتَّا عْڒَاين اَذ يڒْبࢲ شِّيطَان سْوَادَّاي إِ يضَارن نْوم. أَكِذْوم يِيڒِي اَرْضَا ن سِيذِيثْنغ عِيْسَى لْمَسِيح.

1 أيث-كورينث 15:57

نشِّين أَ نحْمذ أَربِّـي! نتَّا يتِيشّ-اَنغ-د بَاش أَ نرْبح س سِيذِيثْنغ عِيْسَى لْمَسِيح.

1 يوحنا 4:4

كنِّيو آ يحنْجِيرن، زِي أَربِّـي إِي ثدْجَام. ئِثَرَّاسن-أَ ثْغڒْبم-ثن ڒَاحقَّاش ونِّي يدْجَان ذَايْوم يمْغَر خ ونِّي يدْجَان ذِي دُّنشْت-أَ.

1 يوحنا 5:5

مِين يعْنَا ونِّي يغلّْبن خ دُّنشْت-أَ؟ ونِّي يغلّْبن ذ ونِّي يُوْمْنن إِلَّا عِيْسَى ذ مِّيس ن أَربِّـي.

لواحي ن يوحنا 1:2

أُو نتَّا ذ شَّاهد خ مَارَّا مِين يࢲْرَا، يعْنِي خ وَاوَاڒ ن أَربِّـي ذ مِين خف يشْهذ عِيْسَى لْمَسِيح.

لواحي ن يوحنا 1:9

نش ذ يُوْحَنَّا ذ ؤُمَاثْوم، شرّْشغ اَكِذْوم ذِي ڒمْحَاين ذ ڒْمُلْك ن أَربِّـي ذْ صّْبَار إِݣ يدْجَان ذِي عِيْسَى. تُوْغَا دْجِيغ ذِي ثيْزِيْرْث ن بَطْمُس عْلَاحْسَاب اَوَاڒ ن أَربِّـي ذ مِين خف يشْهذ عِيْسَى.

لواحي ن يوحنا 11:7

خْمِي غَا كمّْڒن ڒخْبَار نْسن إِي زِي غَا شهْذن، أَذ د يݣَعّذ ڒْوَحْش زِي ڒَادْجغ بْڒَا ڒَاحدّ اَثن يحَارب، أَثن يغْڒب، أَذ ينغ ڒشْهُوْذ نِّي.

لواحي ن يوحنا 12:17

ئِغْضب بُو-سبْعَا-يزدْجِيفن خ ثمْغَارْث نِّي يرُوْح اَذ يحَارب س مِين يقِّيمن زِي دُّوْرِّيث نّس، يعْنِي يِنِّي يتݣّن اَرَّاي س ڒُوْصِيَاث ن أَربِّـي تطّْفن خ مِينْخف يشْهذ عِيْسَى.

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."

لواحي ن يوحنا 2:13

نش سّْنغ مَانِي ثْزدّْغذ، ذِنِّي لْعَرْش ن شِّيطَان. شك تطّْفذ ذݣ يِيسم ينُو. وَار ثنْكَرذ شَا لْإِيْمَان إِي زَّايِي ثݣِّيذ، وَاخَّا ذݣ وُوْسَّان نِّي إِي ذِي نْغِين يجّن ن شَّهِيذ ينُو ذَايس ڒَامَان قَّارن-اَس أَنْتِپَـاس. نْغِين-ث زَّاثْوم مَانِي يزدّغ شِّيطَان.

لواحي ن يوحنا 2:17

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، أَذَاس ؤُشغ اَذ يشّ اَغْرُوْم ن لْمَنَّا ونِّي يتْوَاسْنُوْفّرن. أَذَاس ؤُشغ اَزْرُو ذ اَشمْڒَاڒ يُوْرَا ذَايس يجّن ن يِيسم ذ جْذِيذ وَار ث يسِّين حَدّ إِلَّا ونِّي إِي ث غَا يقبْڒن.

لواحي ن يوحنا 2:26

ونِّي غَا يربْحن ذ ونِّي غَا يصْبَرن ذِي ڒْخذْمث ينُو حتَّا اَڒ ونݣَّارُو اَذَاس ؤُشغ نش سُّلْطَا خ ڒݣْنُوْس، أَمّش ذَايِي ثمُّوْش إِ نش زِي بَابَا: أَثن يَرْوس س وعكَّاز ن ڒحْذِيذ، أَثن يرز اَم يقْنُوْشن ن وشَاڒ.

لواحي ن يوحنا 2:7

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن اَذَاس ؤُشغ اَذ يشّ زِي ثْشجَّارْث ن ثُوْذَارث إِي يدْجَان ذِي جّنّث ن أَربِّـي.

لواحي ن يوحنا 20:4

ࢲْرِيغ لْعَرْشَاث ذ يِنِّي خَاسن يقِّيمن ثمُّوْش-اَسن سُّلْطَا اَذ حكْمن. ࢲْرِيغ بُوْحْبڒ ن يِنِّي ؤُمِي يتْوَاقسّن يزدْجِيفن لِأَنَّا ذفَّارن مِينْخف يشْهذ عِيْسَى ذ وَاوَاڒ ن أَربِّـي. نِثْنِي تُوْغَاثن وَار سجّْذن شَا إِ ڒْوَحْش نِغ إِ لْأَصْنَام نّس، تُوْغَا وَار قْبِيڒن شَا طَّبَع نّس خ ثنْيَارث نْسن نِغ خ وفُوْس نْسن. كَّرن-د زِي ڒْموْث حكْمن اَك عِيْسَى اَڒَاف ن يسݣّْوُوْسَا.

لواحي ن يوحنا 3:12

قَا ونِّي غَا يربْحن اَث سْبدّغ اَم يِجّن ن وپِــيلَار ذِي ثمْزِيذَا ثَمقّْرَانْت ن أَربِّـي ينُو اَذ يقِّيم ذِنِّي إِ ڒبْدَا. أَخَاس اَرِيغ يسم ن أَربِّـي ينُو ذ يِيسم ن ثنْدِينْت ن أَربِّـي ينُو، يعْنِي لْقُدْس ن جْذِيذ إِي د غَا يهْوَان زݣ وجنَّا زِي أَربِّـي ينُو. أَخَاس اَرِيغ يسم ينُو ذ جْذِيذ.

لواحي ن يوحنا 3:21

ونِّي غَا يربْحن اَث جّغ اَكِذِي يقِّيم خ لْعَرْش ينُو، أَم ربْحغ ؤُڒَا ذ نش قِّيمغ اَك بَابَا خ لْعَرْش نّس.

لواحي ن يوحنا 3:5

ونِّي غَا يربْحن اَذَاس ݣّن اَرُّوْض ذ اَشمْڒَاڒ. نش عمَّارْص اَذ مسْحغ يسم نّس زِي لْكِتَاب ن ثُوْذَارْث، أَخَاس شهْذغ زَّاث إِ بَابَا ذ لْمَلَائِكَاث نّس.

لواحي ن يوحنا 6:9

ئِزْمَار نِّي وَامِي يرْزم اَشمَّاع وِيس خمْسَا، ࢲْرِيغ سْوَادَّاي إِ ڒْمذْبَح بُوْحْبڒ ن يِنِّي يتْوَانْغن عْلَاحْسَاب اَوَاڒ ن أَربِّـي ذ شْهَاذث إِي شهْذن.