لواحي ن يوحنا 11:9 - ثريفيث 2020

⁹ ئِوْذَان زِي مْكُڒ شَّعْب ذ ڒْقُوْم ذ لُّغَا ذ ڒْݣـنُس اَذَايْسن خْزَرن ذِي دَّات نْسن ثڒْتِيَّام ذ ؤُزْين، وَار تجِّين حَدّ اَذ ينْضڒ ڒشْهُوْذ-أَ.

لواحي ن يوحنا 11:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 7:2

مَامّش غَا ثْعيّْبم اَمنِّي إِ كنِّيو إِي غَا يعيّب أَربِّـي. ڒَعْبَر نِّي إِي ثْسخْذَامم ذ ونِّي إِي كِذْوم غَا يسخْذم أَربِّـي.

لواحي ن يوحنا 10:11

ڒخْدّنِّي يتْوَانَّا-ٱيِي: "أُو لَابُد اَذ تسِّيوْڒذ عَاوذ س مِين يوْحَا أَربِّـي خ وَاطَّاس ن شُّعُوْب ذ ڒݣْنُوْس ذ لُّغَاث ذ يزدْجِيذن."

لواحي ن يوحنا 11:11

وَامِي ثعْذُو تڒْتِيَّام ذ ؤُزْين نِّي، يُوْذف ذَايْسن يجّن ن بُوْحْبڒ زِي أَربِّـي ذِي ڒشْهُوْذ-أَ، كَّرن بدّن خ يضَارن نْسن. ينِّي ثن يࢲْرِين ثُوْذف ذَايْسن ثِيݣّْوْذِي ذ ثَمقّْرَانْت.

لواحي ن يوحنا 13:7

ئِتْوَاسْمح-اَس اَذ يحَارب ڒْمُوْمِنِين صَّالِحِين، اَثن يغْڒب. ثمُوْش-اَس سُّلْطَا خ كُڒ ڒْقُوْم ذ شَّعْب ذ لُّغَا ذ ڒْݣنْس.

لواحي ن يوحنا 17:15

ينَّا-ٱيِي لْمَلَاك نِّي: "أَمَان نِّي إِي ثࢲْرِيذ مَانِي ثقِّيم لْفَسْدَا نِّي، نِثْنِي مِين عْنَان؟ نِثْنِي ذ يوْذَان زِي مْكُڒ شَّعْب ذ ڒْغَاشِي ذ ڒْݣنْس ذ لُّغَا.

لواحي ن يوحنا 5:8

وَامِي ييْسِي لْكِتَاب-أَ، لْمخْلُوقَاث نِّي س اَرْبعَا ذ اَرْبعَا أُو عِشْرِين ن يمْغَارن نِّي سجّْذن-اَس إِ يِزْمَار. مْكُڒ يجّن زَّايْسن غَارس ثْݣَامْبْرِيت غَارس ثِمجْمَارِين ݣِّين-ثنْت س دّْهب عمَّارنْت س تْبَخُوْر، يعْنِي ذ ثْࢲَادْجِيث ن ڒْمُوْمِنِين صَّالِحِين.

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.