لواحي ن يوحنا 11:2 - ثريفيث 2020

² وَلَكِن ڒمْرَاح يدْجَان غَار بَرَّا إِ ثمْزِيذَا اجّ-يث وَاحْذس، وَار ث تعْبَار شَا ڒَاحقَّاش يمُّوْش-اَسن إِ ڒݣْنُوْس. أَذ عفّْسن ثَنْدِينْت يقدّْسن ذِي ثْنَاين أُو اَرْبعِين ن شْهُوْرَاث.

لواحي ن يوحنا 11:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:53

فّْغن-د زݣ يمضْڒَان. (منْبَعْد إِ ثڒْتِييَّام اَذ د يكَّر عِيْسَى زِي ڒْموْث نِثْنِي اَذ اَذْفن غَار ثنْدِينْت ن لْقُدْس اَذ د مظْهَارن إِ وَاطَّاس ن يِوْذَان.)

أَسڒْمذ ن سِيذِيثْنغ عِيْسَى لْكِتَاب ن مَتَّى 4:5

سّنِّي إِبْڒِيس يُوْوِي عِيْسَى غَار ثنْدِينْت ن لْقُدْس، ئِسِيڒِي-ث خ ثْقِيشَّات ن ثمْزِيذَا ثَمقّْرَانْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:13

ذ كنِّيو إِي يدْجَان ذ ڒمْڒح ثَصبْحَانْت ن ثْمُوْرْث. وَلَكِن مڒَا يرُوْح-اَس لْمَذَاق نّس، مَامش ذَاس غَا نݣّ اَذَاس ثِيذ نَارّ؟ أَتَاف وَار ثْصدْجَاح إِ وَالُو، غِير اَت نْضَرن غَار بَارَّا وَاهَا اَخَاس عفّْسن يِوْذَان.

لوقا 21:24

أَثن نْغن س ڒسْيُوْف، أَثن اَوِين ذ يمحْبَاس غَار مَارَّا ڒݣْنُوْس. سّنِّي يِنِّي وَار يدْجِين شَا زِي أَيث-إِسْرَائِيل اَذ هذْمن لْقُدْس اَڒ غَا فْنَانْت لْأَوْقَات نْسن.

يعيبرانيين 10:29

ئِي كنِّيو، مِين تْفكَّرم؟ مشْحَاڒ إِي غَا يِيڒِي لْعِقَاب إِݣ يسْذَاهدْج ونِّي يسحْقَارن مِّيس ن أَربِّـي، ئِسخْنز يذَامّن ن ڒْعَهذ نِّي إِي زِي يتْوَاسِّيصْفَا، يزبّڒ أَرُّوْح ن اَرْضَا!

لواحي ن يوحنا 11:11

وَامِي ثعْذُو تڒْتِيَّام ذ ؤُزْين نِّي، يُوْذف ذَايْسن يجّن ن بُوْحْبڒ زِي أَربِّـي ذِي ڒشْهُوْذ-أَ، كَّرن بدّن خ يضَارن نْسن. ينِّي ثن يࢲْرِين ثُوْذف ذَايْسن ثِيݣّْوْذِي ذ ثَمقّْرَانْت.

لواحي ن يوحنا 11:3

أَذ سّكّغ ثْنَاين ن ڒشْهُوْذ ينُو اَذ ݣّن اَرُّوْض ن لْحُزن اَذ خْبَرن يوْذَان س مِين عڒْمن زي أَربِّـي اَڒَاف أُو مِيَّاتَاين أُو ستِّين يُوْم."

لواحي ن يوحنا 12:6

ثمْغَارْث-أَ ثَرْوڒ غَار ڒخْڒَا مَانِي ذَاس يسوْجذ أَربِّـي اَمْشَان اَت سشّن ذِنِّي اَڒَاف أُو مِيَّاتَاين أُو ستِّين يُوْم.

لواحي ن يوحنا 21:10

ئِيْسِي-اَيِي اَرُّوْح غَار يِجّن ن وذْرَار ذ اَمقّْرَان يُوْعْڒَا، ئِسْمظْهَار-اَيِي-د ثَنْدِينْت يقدّْسن يعْنِي لْقُدْس، ثهْوَا-د زݣ وجنَّا زِي أَربِّـي.

لواحي ن يوحنا 21:2

ࢲْرِيغ ثَنْدِينْت يقدّْسن نتَّاث ذ لْقُدْس ذ جْذِيذ. ثهْوَا-د زݣ وجنَّا زِي أَربِّـي ثݣَّا اَم ثسْڒِيث ثعْذڒ يخف نّس بَاش اَذ تڒْقَا مُوْڒَاي.

لواحي ن يوحنا 22:19

ونِّي غَا يكّْسن زݣ وَاوَاڒن-أَ ن لْوَاحِي ذِي لْكِتَاب-أَ، أَتَاف أَربِّـي اَس يكّْس ڒْحَقّ نّس زِي ثْمسْڒَايِين إِݣ يُوْرِين ذِي لْكِتَاب-أَ، يعْنِي ڒْحَقّ نّس ن ثْشجَّارْث ن ثُوْذَارْث ذ ڒْحَقّ نّس ن ثنْدِينْت يقدّْسن.