لواحي ن يوحنا 11:15 - ثريفيث 2020

¹⁵ ثكَّر لْمَلَائِكَا وِيس سبْعَا ثْصُوْض ذِي زَّمَّار نّس، أُوْشَا ثِمِيجَّاوِين ذݣ وجنَّا قَّارنْت س جّْهذ: "ئِذْوڒ ڒحْكَام ن دُّنشْت-أَ ذݣ يفَاسّن ن سِيذِي أَربِّـي نّغ ذ لْمَسِيح نّس، اَذ يحْكم إِ ڒبْدَا ن ڒبْدَاث."

لواحي ن يوحنا 11:15 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:31

أَذ يصُوْض يجّن ن زَّمَّار ذ اَمقّْرَان، أَذ د يسّكّ لْمَلَائِكَاث نّس غَار اَرْبعَا ن يمُوْشَان ن ثْمُوْرْث مَانِيس د يتكّ اَرِّيح: زِي شَّرْق ذ لْغَرْب ذ لْجَنُوْب ذ شَّمَال. أَذ يسْمُوْن يِنِّي يخْضَر زِي ڒَاحدّ ن وجنَّا اَڒ ڒَاحدّ نّس نّغْنِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:13

وَار ذَانغ تݣّ شَا ذِي ڒمْحَاين، سنْجم-اَنغ زِي شَّرّْ. {ڒَاحقَّاش ڒْمُلْك يدْجَان نّش، ذ ثِزمَّار، ذ لْعَظَمَا إِ شك إِ ڒبْدَا. آمِين.}

لوقا 1:33

أَذ يحْكم خ ڒْقُم ن يَعْقُوْب إِ ڒبْدَا، ڒْمُلْك نّس عمَّارْص اَذ يفْنَا."

لوقا 15:10

أَذَاوم ينِيغ: أَمنِّي يجّن مڒَا يعْصَا منْبَعْد يتُوْب، أَتَاف اَكِذس فَرْحنْت لْمَلَائِكَاث ن أَربِّـي."

لوقا 15:6

أَذ يذْوڒ غَار ثدَّارْث نّس اَذ د يڒَاغَا خ يمدُّوْكَاڒ نّس ذ جِّيرَان نّس اَذَاسن يِينِي فَرْحم اَكِذِي اَقَا ؤُفِيغ اَحُوْڒِي نِّي إِي تُوْغَا ذَايِي يودَّارن!

ڒخذايم 4:26

سوْجَاذن يزدْجِيذن ن ثْمُوْرْث يخف نْسن، مُوْنن اَرُّوْيَاس اَك وَايَاوْيَا، بَاش اَذ عَارّْضن إِ سِيذِي أَربِّـي ذ لْمَسِيح نّس.

يعيبرانيين 1:8

وَلَكِن خ مِّيس يقَّار ذِي لْكِتَاب: <آي أَربِّـي، ڒْعَرْش نّش اَذ يدُوْم إِ ڒبْدَا ن ڒبْدَاث، ڒْحَقّ اَذ يِيڒِي ذ ثَغْرِيث ن ڒحْكَام نّش.

لواحي ن يوحنا 10:7

أَقَا ذِي نْهُوْرَاث نِّي خْمِي غَا ثْصُوْض لْمَلَائِكَا وِيس سبْعَا ذِي زَّمَّار نّس قَا صَافِي سِّرّ ن أَربِّـي يكمّڒ مَامّش ذَاسن ث يعَوذ إِ لْعِبَاد نّس لأَنْبِيَا."

لواحي ن يوحنا 12:10

سْڒِيغ إِ يِجّن ن ثْمِيجَّا ذݣ وجنَّا ثقَّار س جّْهذ: "ڒخُّو أَربِّـي نّغ يسنْجَام، ئِمظْهَار جّْهذ ذ ڒْمُلْك نّس، ذ سُّلْطَا ن لْمَسِيح نّس. ڒَاحقَّاش ونِّي يتْشثْشَان زݣ اَيْثْمَاثْنغ يمنْضَار-د غَار ثْمُوْرْث، ذ نتَّا إِݣ يتْشثْشَان زَّايْسن دْجِيڒث ذ نْهَار غَار أَربِّـي نّغ.

لواحي ن يوحنا 15:4

آ سِيذِي، مِين عْنَان يِنِّي وَار ش يتݣّْوْذن؟ مِين عْنَان يِنِّي يسم نّش وَار ث يسمْغَارن؟ أَقَا شك وَاحْذش إِݣ يصْفَان. مَارَّا ڒݣْنُوْس اَذ د اَسن اَذاش سجّْذن، مِنْزِي ڒخْذَايم نّش بَاننْت-يد نِيشَان."

لواحي ن يوحنا 16:17

ثكَّر لْمَلَائِكَا وِيس سبْعَا ثْزدْجع ثِمجْمَارْث نّس ذِي لْهَوَا سْڒِيغ إِ يِجّن ن ثْمِيجَّا زِي ثمْزِيذَا ثَمقّْرَانْت إِي د يكِّيْن زِي لْعَرْش يقَّار س جّْهذ: "صَافِي، يتْوَاكمّڒ!"

لواحي ن يوحنا 17:14

نِثْنِي اَذ حَارْبن يزْمَار وَلَكِن نتَّا اَثن يغْڒب؛ قَا نتَّا ذ مَوْلَانَا ن مَوْلَانَاث ذ أَزدْجِيذ ن يزدْجِيذن، يِنِّي إِي كِذس يدْجَان يڒَاغَا-يَاسن-د أَربِّـي يخْضَر-يثن، ذَايْسن يدْجَا ڒَامَان."

لواحي ن يوحنا 19:1

منْبَعْد إِ مَانَايَا سْڒِيغ إِ يِجّن ن ثْمِيجَّا اَمشْنَاو صُّوْت ن وَاطَّاس ن يِوْذَان يدْجَان ذݣ وجنَّا، ثقَّار س جّْهذ: "حمْذث أَربِّـي! أَسنْجم ذ لْعَظَمَا ذ جّْهذ إِ أَربِّـي نّغ.

لواحي ن يوحنا 19:6

سْڒِيغ إِ يِجّن ن صُّوْت اَم صُّوْت ن وَاطَّاس ن ڒْغَاشِي نِغ اَم صُّوْت ن وَاطَّاس ن وَامَان نِغ اَم صُّوْت ن وَاجَّاج يجهْذن، ئِقَّار: "حمْذث أَربِّـي! سِيذِي أَربِّـي نّغ إِݣ يزمَّرن إِ كُڒْشِي قَا يحكّم.

لواحي ن يوحنا 20:4

ࢲْرِيغ لْعَرْشَاث ذ يِنِّي خَاسن يقِّيمن ثمُّوْش-اَسن سُّلْطَا اَذ حكْمن. ࢲْرِيغ بُوْحْبڒ ن يِنِّي ؤُمِي يتْوَاقسّن يزدْجِيفن لِأَنَّا ذفَّارن مِينْخف يشْهذ عِيْسَى ذ وَاوَاڒ ن أَربِّـي. نِثْنِي تُوْغَاثن وَار سجّْذن شَا إِ ڒْوَحْش نِغ إِ لْأَصْنَام نّس، تُوْغَا وَار قْبِيڒن شَا طَّبَع نّس خ ثنْيَارث نْسن نِغ خ وفُوْس نْسن. كَّرن-د زِي ڒْموْث حكْمن اَك عِيْسَى اَڒَاف ن يسݣّْوُوْسَا.

لواحي ن يوحنا 8:12

ثكَّر لْمَلَائِكَا وِيس اَرْبعَا ثْصُوْض ذِي زَّمَّار نّس أُوْشَا تُلُث ن ثْفُوْشْت ذ ثْزِيرِي ذ يِيثْرَان تْوَاسنْهزّن حمَا تُلُث نِّي اَذ تِيڒِي ذ ثَادْجسْت، أَذ تنْقس يجّن ن تُلُث ن ثْفَاوْث ذِي نْهَار ؤُڒَا ذ دْجِيڒث.

لواحي ن يوحنا 9:1

ثكَّر لْمَلَائِكَا وِيس خمْسَا ثْصُوْض ذِي زَّمَّار نّس أُوْشَا ࢲْرِيغ يجّن ن يِيثْرِي تُوْغَا يوْضَا-د زݣ وجنَّا خ ثْمُوْرْث. ئِمُّوْش-اَس إِ يِيثْرِي نِّي ڒْمفْتَاح ن وَانُو نِّي يتَاوِين غار ڒَادْجغ بْڒَا ڒَاحدّ.

لواحي ن يوحنا 9:13

ثكَّر لْمَلَائِكَا وِيس ستَّا ثْصُوْض ذِي زَّمَّار نّس أُوْشَا سْڒِيغ إِ يِجّن ن ثْمِيجَّا ثنْدق-د زِي اَرْبعَا نِّي ن وَاشَّاون ن ڒْمذْبَح ن دّْهب إِي يدْجَان زَّاث إِ أَربِّـي.