لواحي ن يوحنا 11:10 - ثريفيث 2020

¹⁰ يمزْذَاغ ن ثْمُوْرْث اَذ فَرْحن اَذ زْهُوْن س ڒْموْث نْسن. أَذ ؤُشن يكَادُوْثن إِ وَايَاوْيَا ڒَاحقَّاش لْأَنْبِيَا نِّي س ثْنَاين، يعْنِي ڒشْهُوْذ نِّي، عدّْبن اَطَّاس يمزْذَاغ ن ثْمُوْرْث.

لواحي ن يوحنا 11:10 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:22

أَكنِّيو عِيفّن مَارَّا عْلَاحْسَاب يسم ينُو، وَلَكِن ونِّي غَا يصْبَارن غَار ونݣَّارُو اَتَاف اَذ ينْجم.

يوحنا 16:20

أَقَا تسْڒَام ڒْحَقّ: كنِّيو اَذ تْرُوْم اَذ تْحزْنم، وَلَكِن دُّنشْت-أَ اَذ تْفَرح. كنِّيو اَذَايْوم يِيڒِي ڒحْڒِيق، وَلَكِن ڒحْڒِيق نْوم اَذ يذْوڒ ذ ڒفْرَاحث.

يوحنا 7:7

دُّنشْت وَار ثْزمَّر شَا اَكنِّيو ثْعِيفّ، نش تْعِيفَّا-ٱيِي دُّنشْت مِينْزِي شهّْذغ قَا ڒخْذَايم ن دُّنشْت-أَ ذ ثِعفَّانِين.

ڒخذايم 5:33

وَامِي سْڒِين إِ وَاوَاڒَ-أَ خيّْقن غضْبن رزُّوْن اَثن نْغن.

1 أيث-كورينث 13:6

وَار ثْفَرّح شَا زِي شَّرّْ، ثْفَرّح زِي لْحَقِيقَا.

لواحي ن يوحنا 12:13

وَامِي بُو-سبْعَا يزدْجِيفن يُوْفَا يخف نّس يمنْضَار-د غَار ثْمُوْرْث، ئِكَّر يُوْزّڒ خ ثمْغَارْث نِّي إِي د يجِّين اَوْثم.

لواحي ن يوحنا 13:14

ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

لواحي ن يوحنا 16:10

ثكَّر لْمَلَائِكَا وِيس خمْسَا ثْزدْجع ثِمجْمَارْث نّس خ لْعَرْش ن ڒْوَحْش ثهْوَا-د ثَادْجسْت خ لْممْلَكَا نّس. ئِوْذَان تْغࢲَّاࢲن يڒسَاون نْسن س ڒحْرِيق.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.