لواحي ن يوحنا 10:5 - ثريفيث 2020

⁵ زْرِيغ لْمَلَاك نِّي يبدّن خ ڒبْحَر ذ ڒْبَرّ ييْسِي فُوْس نّس اَفُوْسِي غَار وجنَّا.

لواحي ن يوحنا 10:5 ပူးပေါင်းရင်းမြစ်များ

ڒخذايم 14:15

"آي يرْيَازن، مَايمِّي تݣّم مَانَايَا؟ قَا نشِّين ذ يوْذَان وَاهَا اَم كنِّيو اَم نشِّين كِيف-كِيف. نُوْوِي-اَوم-د يجّن ن وَاوَاڒ ذ اَصبْحَان بَاش اَذ تْبعّْذم إِ ثْمسْڒَايِين-أَ وَار ينفّْعن شَا، أَذ تْذوْڒم غَار أَربِّـي يدَّرن إِي د يخڒْقن اَجنَّا ذ ثْمُوْرْث ذ ڒبْحَر ذ مَارَّا مِين ذَايْسن.

ڒخذايم 17:23

أَخْمِي تْسَارِيغ نش، خزَّرغ مْلِيح ذِي زَّاوْيَاث نْوم مَانِي ثْعبّْذم. ࢲْرِيغ ذِنِّي يجّن ن ڒْمذْبَح ؤُرِينْت ذَايس ثِيْرَا، ثِيْرَا نِّي قَّارنْت: أَربِّـي نِّي إي وَار يتْوَاسّْنن شَا. شُوْف، أَربِّـي نِّي إِي ثْعبّْذم كنِّيو وَار ث ثسِّينم شَا، أَذَاوم ينِيغ نش مِين يعْنَا.

أيث-روما 1:20

زݣ وَامِي ثدْجَا دُّنشْت-أَ، مِين وَار يتْوَاࢲرّن ن أَربِّـي يعْنِي جّْهذ نّس يتْدُوْمَان ذ طَّبِيعَا نّس يُوْعْڒَان، نْفهّم-يثنْت نْࢲرّ-يثنْت مْلِيح ذِي ثْمسْڒَايِين يتْوَاخڒْقن. عْلَاحْسَاب مَانَايَا يوْذَان وَار غَارْسن بُو لْعُدر.

يعيبرانيين 6:13

شُوْف، وَامِي أَربِّـي يوْعذ بْرَاهِيم خ ڒْعَهذ نِّي، ئِجُّوْدْج أَربِّـي اَذ يشّ يخف نّس. مَايمِّي؟ لِأَنَّا وَار ذِنِّي حَدّ يمْغَر كْتَار زِي أَربِّـي.

لواحي ن يوحنا 1:18

نش ذ ونِّي يدَّرن. تُوْغَا مُّوْثغ، ڒخُّو نش دَّرغ إِ ڒبْدَا ن ڒبْدَاث. غَارِي ڒمْفَاتَاح ن ڒْموْث ذ لْأَخِرَا.

لواحي ن يوحنا 10:2

ئِيْسِي ذݣ وفُوْس نّس يجّن ن لْكِتَاب ذ اَمزْيَان يرْزم. ئِسرْس ضَار نّس اَفُوْسِي خ ڒبْحَر، عَاوذ ذ ضَار نّس أَࢲڒْمَاض خ ڒْبَرّ.

لواحي ن يوحنا 14:7

ثقَّار س جّْهذ: "ݣّْوْذم أَربِّـي سمْغَارم-ث، أَقَا ثُوْوض-د ثْسَعَّات نّس اَذ يݣّ لْحِسَاب ذ لْعِقَاب. سجّْذث إِ ونِّي إِي د يخڒْقن اَجنَّا ذ ثْمُوْرْث ذ ڒبْحَر ذ ڒَعْنَاصر."

لواحي ن يوحنا 16:17

ثكَّر لْمَلَائِكَا وِيس سبْعَا ثْزدْجع ثِمجْمَارْث نّس ذِي لْهَوَا سْڒِيغ إِ يِجّن ن ثْمِيجَّا زِي ثمْزِيذَا ثَمقّْرَانْت إِي د يكِّيْن زِي لْعَرْش يقَّار س جّْهذ: "صَافِي، يتْوَاكمّڒ!"

لواحي ن يوحنا 4:11

"آ مَوْلَانَا آ سِيذِي أَربِّـي نّغ، ذ شك إِي يسْذَاهدْجن لْعَظَمَا ذ ؤُوقَّار ذ جّْهذ، ڒَاحقَّاش شك ثْخڒْقذ كُڒْشِي، س ڒْخَاضَر نّش تْوَاخڒْقنْ-د اَقَاثن دْجَان."

لواحي ن يوحنا 4:9

لْمخْلُوْقَاث-أَ مڒْمِي مَا سمْغَارن تْوقَّارن حمّْذن-اَس إِ ونِّي يقِّيمن خ لْعَرْش إِݣ يدَّرن إِ ڒبْدَا ن ڒبْدَاث،