لواحي ن يوحنا 10:1 - ثريفيث 2020

¹ ࢲْرِيغ يجّن ن لْمَلَاك نّغْنِي يجهْذ يهْوَا-د زݣ وجنَّا، ئِنّض-اَس-د وسيْنُو. خ وزدْجِيف نّس يجّن ن ثسْڒِيث ن ونْࢲَار، أَغمْبُوْب نّس يݣَّا اَم ثْفُوْشْت، ئِضَارن نّس ݣِّين اَم يـپِــيلَارن ن ثْمسِّي.

لواحي ن يوحنا 10:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:2

ذِنِّي زَّاث إِ ثِيطَّاوِين نْسن يذْوڒ اَم يِجّن ن نُّوْر، أَغمْبُوْب نّس يتْشعْشِيع اَم ثْفُوْشْت. ئِذْوڒ وَارُّوْض نّس ذ اَشمْڒَاڒ يرقّ اَم ثْفَاوْث.

لوقا 21:27

ڒخْدّنِّي إِي غَا ࢲرن مِّيس ن بْنَاذم يهوَّا-د ذݣ وسيْنُو س لْعَظَمَا ذ جّْهذ نّس يمْغَارن.

ڒخذايم 26:13

آ سِي اَزدْجِيذ، وَامِي ݣُّوْرغ غَار وزْين نْهَار ࢲْرِيغ يجّن ن نُّوْر ذݣ وجنَّا ثْفَاوْث نّس تْسقْسِيق كْتَار زِي ثْفُوْشْت، ئِنّض-اَيِي-د يتْشَعشِيع خَافِي نش ذ يِنِّي إِي كِذِي يݣُّوْرن.

لواحي ن يوحنا 1:7

أَقَا يُوْسَا-د اَك وسيْنُو، أَث ࢲرنْت مَارَّا ثِيطَّاوِين ذ يِوْذَان نِّي إِي ث يشُوْكّن. أَخَاس حزْنن مَارَّا ڒْقُوْم ن ثْمُوْرْث. وَاه، آمين.

لواحي ن يوحنا 18:1

منْبَعْد إِ مَانَايَا ࢲْرِيغ يجّن ن لْمَلَاك نّغْنِي يهْوَا-د زݣ وجنَّا غَارس سُّلْطَا ذ ثَمقّْرَانْت. ثْشعْشع ثْمُوْرْث س نُّوْر ن لْعَظَمَا ن لْمَلَاك نِّي.

لواحي ن يوحنا 18:21

ئِجّن ن لْمَلَاك يجْهذ ييْسِي-د يجّن ن وزْرُو يݣَّا اَم وزْرُو ن ثْسِيرْث ثَمقّْرَانْت، ئِنْضَر-يث ذِي ڒبْحَر ينَّا: "أَمُّو س جّْهذ إِي غَا ثْمنْضَار بَابِل ثَنْدِينْت ثَمقّْرَانْت، وَار يتِيڒِي شَا عمَّارْص.

لواحي ن يوحنا 20:1

ࢲْرِيغ يجّن ن لْمَلَاك يهْوَا-د زݣ وجنَّا غَارس ذݣ وفُوْس نّس ڒْمفْتَاح ن ڒَادْجغ بْڒَا ڒَاحدّ ذ يِجّن ن سّنْسْڒث ذ ثَمقّْرَانْت.

لواحي ن يوحنا 4:3

ونِّي خَاس يقِّيمن يتْشَابَّاه ذِي ثزْرُوْت ن لْيَشب ذ لْعَقِيق اَزݣّْوَاغ. ئِجّن ن ثسْڒِيث ن ونْࢲَار ثنّض-اَس-د إِ لْعَرْش-أَ، تْشَابَّاه ذِي ثزْرُوْت ثَزيْزَاوْث ن زُّمُرُّد.

لواحي ن يوحنا 5:2

تْوَاڒِيغ يجّن ن لْمَلَاك اَمقّْرَان يڒَاغَا س جّْهذ يقَّار: "وِي غَار يدْجَا ڒْحَقّ اَذ يرْزم لْكِتَاب-أَ اَذ يكّس يشمَّاعن نّس؟"

لواحي ن يوحنا 8:13

خْزَرغ، سْڒِيغ إِ يِجّن ن نْسر يطَّاو ذِي ڒْوسْط ن وجنَّا يڒَاغَا س جّْهذ ينَّا: "يَا تَمَارَا، يَا تَمَارَا، يَا تَمَارَا خ يمزْذَاغ ن ثْمُوْرْث عْلَاحْسَاب ثْڒَاثَا ن لْمَلَائِكَاث نِّي إِݣ يقِّيمن عَاذ وَار صُوْضنْت شَا ذِي زّْوَامَّار نْسنْت".