لواحي ن يوحنا 1:18 - ثريفيث 2020

¹⁸ نش ذ ونِّي يدَّرن. تُوْغَا مُّوْثغ، ڒخُّو نش دَّرغ إِ ڒبْدَا ن ڒبْدَاث. غَارِي ڒمْفَاتَاح ن ڒْموْث ذ لْأَخِرَا.

لواحي ن يوحنا 1:18 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:23

ئِي شك آي اَبِيلَاج ن كَفرْنَاحُوْم! مَا تْغِير-اَش اَذ تݣَعّْذذ غَار وجنَّا؟ لَّا، قَا شك اَذ تهْوِيذ غَار لْجَحِيم. ڒَاحقَّاش لْمُعْجِزَاث نِّي إِي ذَايش يوقْعن، مْڒِي وقْعنْت ذِي ثنْدِينْت ثَعفَّانْت نِّي ن سَادُوْم، إِڒِي عَاذ اَقَات ذ ثَنْدِينْت اَڒ نْهَارَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:19

أَذَاش ؤُشغ ڒمْفَاتَح ن ڒْمُلْك وجنَّا. مِين غَا ثْشدّذ ذِي ثْمُوْرْث اَذ يِيڒِي يتْوَاشدّ ذݣ وجنَّا. مِين غَا ثرْزْمذ ذِي ثْمُوْرْث اَذ يِيڒِي يتْوَارْزم ذݣ وجنَّا."

لوقا 24:5

ݣّْوْذنْت ثمْغَارِين نِّي اَطَّاس سجّْذنْت غَار ثْمُوْرْث، نَّان-اَسنْت ثْنَاين ن يثَرَّاسن نِّي: "مَايمِّي ثْرزُّوْنْت خ ونِّي يدَّرن جَار يِنِّي يمُّوْثن؟

يوحنا 11:25

ينَّا-ٱس عِيْسَى: "نش ذ لْقِيَامَا نش ذ ثُوْذَارْث، ونِّي يتَامْنن زَّايي اَتَاف اَذ يدَّر وَاخَّا يمُّوْث.

يوحنا 14:19

شْوِيت ن ڒْوقث إِݣ يقِّيمن وَار ذَايِي ثْࢲرّ شَا دُّنشْت-أَ، وَلَكِن كنِّيو اَذَايِي ثࢲرم. وَامِي نش دَّرغ، ؤُڒَا ذ كنِّيو اَذ تدَّرم.

أيث-روما 6:9

نشِّين نسّن قَا لْمَسِيح يكَّر-د زِي ڒْموْث، عمَّارْص اَذ يمّث عَاوذ. وَار تْغِيمِي ڒْموْث اَخَاس ثْحكّم.

22 أيث-كورينث 13:4

وَاه، نتَّا يتْوَاصلّب خ صَّلِيب س ضُّوْعف، وَا إِنَّمَا يتدَّر س جّْهذ ن أَربِّـي. أَمنِّي ؤُڒَا ذ نشِّين. نضْعف اَم ضُّوْعف نّس نتَّا، وَا إِنَّمَا جَارَاوم نْتدَّر اَكِذس نتَّا س جّْهذ ن أَربِّـي.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-كولوس 3:3

مِينْزِي زَعْمَا كنِّيو ثمُّوْثم، ثُوْذَارْث نْوم اَقَا ثْنُوْفَّر اَك لْمَسِيح ذِي أَربِّـي.

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

يعيبرانيين 7:16

يعْنِي مَاشِي عْلَاحْسَاب يجّن ن ڒُوْصِيّث خ ڒجْذُوْذ نّس زِي شَّرِيعَا إِي ث يَارِّين ذ ڒفْقِي؛ لَّا، نتَّا ذ ڒفْقِي عْلَاحْسَاب جّْهذ ن ثُوْذَارْث نّس عمَّارْص اَذ تفْنَا.

يعيبرانيين 7:25

خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

لواحي ن يوحنا 10:6

ئِجُّوْدْج س ونِّي يدَّرن إِ ڒبْدَا ن ڒبْدَاث يعْنِي ونِّي إِي د يخڒْقن اَجنَّا ذ مِين ذَايس ذ ڒْبَرّ ذ ڒبْحَر ذ مِين ذَايْسن. أُوْشَا ينَّا: "صَافِي، وَار ثقِّيم بُو ڒْوقْث عَاذ كْتَار.

لواحي ن يوحنا 15:7

يجّن زِي اَرْبعَا ن لْمُخْلُوْقَاث يُوْشَا-ٱسنْت إِ سبْعَا نِّي ن لْمَلَائِكَاث سبْعَا ن ثْمجْمَارِين ݣِّين-ثنْت س دّْهب، عمَّرنْت س ؤُغْضَب ن أَربِّـي يدَّرن إِ ڒبْدَا ن ڒبْدَاث.

لواحي ن يوحنا 2:8

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سْمِيْرْنَا، إِنِي-يَاس قَا ونِّي يدْجَان ذ اَمزْوَارُو ؤُڒَا ذ اَنݣَّارُو، يمُّوْث أُوْشَا يكَّر-د زِي ڒْموْث، ئِقَّار-اَش:

لواحي ن يوحنا 20:13

ڒبْحَر يسلّم يمتِّينن إِݣ يشَّا. ڒْموْث ذ لْأَخِرَا سلّْمنْت يمتِّينن نْسنْت. أُوْشَا كُڒ يجّن اَذ يتْوَاحَاسب عْلَاحْسَاب ڒخْذَايم نّس.

لواحي ن يوحنا 20:14

ثْمنْضَار-د ڒْموْث ذ لْأَخِرَا ذِي ڒبْحَر ن ثْمسِّي. قَا ڒبْحَر نِّي ن ثْمسِّي نتَّا إِݣ يدْجَان ذ ڒْموْث وِيس ثْنَاين.

لواحي ن يوحنا 3:7

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن فِيلَادَلْفْيَا، إِنِي-يَاس قَا ونِّي يمْقدّْسن ذ ڒْحَقّ، غَارس ڒْمفْتَاح ن دَاود؛ مڒَا يرْزم اَتَاف وَار ث يتْبلِّيع حَدّ؛ مڒَا يبلّع اَتَاف وَار ث يرزّم حَدّ، ئِقَّار-اَش:

لواحي ن يوحنا 4:9

لْمخْلُوْقَاث-أَ مڒْمِي مَا سمْغَارن تْوقَّارن حمّْذن-اَس إِ ونِّي يقِّيمن خ لْعَرْش إِݣ يدَّرن إِ ڒبْدَا ن ڒبْدَاث،

لواحي ن يوحنا 5:14

لْمخْلُوقَاث نِّي س اَرْبعَا قَّارن: "آمِين!" ركْعن يمْغَارن نِّي اَذ سجّْذن.

لواحي ن يوحنا 6:8

وَامِي خْزَرغ، تْوَاڒِيغ يجّن ن ؤُيِيْس ذ اَوْرَاغ، ونِّي خَاس ينْيِين سمَّان-ث ڒْموْث، ثذْفَار-يث لْأَخِرَا. ثمُّوْش-اَسن سُّلْطَا اَذ نْغن اَرْبَع ن يمزْذَاغ ن ثْمُوْرْث س سِّيف ذ جُّوْع ذ طَّاعُوْن ذ ڒُحُوُش ن ثْمُوْرْث.

لواحي ن يوحنا 9:1

ثكَّر لْمَلَائِكَا وِيس خمْسَا ثْصُوْض ذِي زَّمَّار نّس أُوْشَا ࢲْرِيغ يجّن ن يِيثْرِي تُوْغَا يوْضَا-د زݣ وجنَّا خ ثْمُوْرْث. ئِمُّوْش-اَس إِ يِيثْرِي نِّي ڒْمفْتَاح ن وَانُو نِّي يتَاوِين غار ڒَادْجغ بْڒَا ڒَاحدّ.