لواحي ن يوحنا 1:12 - ثريفيث 2020

¹² نْقڒْبغ اَذ خْزَرغ غَار ثْمِيجَّا نِّي إِي كِذِي د يسَّاوَاڒن. وَامِي نْقڒْبغ ؤُفِيغ سبْعَا ن ڒقْنَاذڒ ن دّْهب.

لواحي ن يوحنا 1:12 ပူးပေါင်းရင်းမြစ်များ

لواحي ن يوحنا 1:13

ذِي ڒْوسْط ن ڒقْنَاذڒ نِّي ؤُفِيغ ذِنِّي يجّن يتْشَابَّاه ذِي مِّيس ن بْنَاذم، غَارس تْشَامِّير ذ اَزيْرَار حتَّا اَڒ يضَارن نّس. غَارس يجّن ن وحزَّام ن دّْهب يقْضع-د زݣ وغِيڒ غَار نّصّ.

لواحي ن يوحنا 1:19

أَرِي مِين ثࢲْرِيذ، ذ مِين يتوْقِيعن ڒخُّو، ذ مِين غَا يوقْعن سَّا اَڒ ثْسَاونْت.

لواحي ن يوحنا 1:20

مِين يعْنَا ڒْمَعْنَا ينُوْفّرن ن سبْعَا ن يِيثْرَان نِّي إِي ثࢲْرِيذ ذݣ وفُوْس ينُو اَفُوْسِي ذ سبْعَا نِّي ن ڒقْنَاذڒ؟ سبْعَا نِّي ن يِيثْرَان، يعْنِي نِثْنِي ذ سبْعَا ن لْمَلَائِكَاث ن ثْجُمَاع ن ڒْمُوْمِنِين. سبْعَا نِّي ن ڒقْنَاذڒ، يعْنِي نِثْنِي ذ سبْعَا ن ثْجُمَاع ن ڒْمُوْمِنِين."

لواحي ن يوحنا 2:1

"أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن ؤُفَسُوْس، إِنِي-يَاس قَا ونِّي إِي يطّْفن سبْعَا ن يِيثْرَان ذݣ وفُوْس نّس اَفُوْسِي، يݣُّوْر ذي ڒْوسْط ن سبْعَا ن ڒقْنَاذڒ ن دّْهب، ئِقَّار-اَش:

لواحي ن يوحنا 4:1

منْبَعْد إِ مَانَايَا ࢲْرِيغ يجّن ن ثوَّارْث ثْنُوْرْزم ذݣ وجنَّا، سْڒِيغ إِ ثْمِيجَّا نِّي إِي غَارِي د يسِّيوْڒن زِي قْبڒ صُّوْت نّس يݣَّا اَم زَّمَّار، ثنَّا-ٱيِي-د: "ݣَعّذ-د ذَانِيتَا اَذَاش د سْمظْهَارغ مِين لَابُد غَا يوقْعن منْبَعْد إِ مَانَايَا."