ثبرات غار فليمون 1:6 - ثريفيث 2020

⁶ تتَّارغ إِ أَربِّـي خ ثمْعَاشَرْث نّغ ذِي لْإِيمَان اَش ثَاوِي غَار يِجّن ن ڒفْهَامث ثكْمَاڒ خ كُڒ ثَمسْڒَايْث ثَصبْحَانْت إِݣ يدْجَان غَارْنغ ذِي لْمَسِيح.

ثبرات غار فليمون 1:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:16

ڒخْدّنِّي يكَّر ونِّي ؤُمِي يُوْشَا خمْسَاڒَاف ن ڒُوْزْنَاث يݣَّا زَّايْسنْت تِّجَارَا، يرْبح خمْسَاڒَاف نّغْنِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:16

أَمُّو، جّث ڒْقنْدِيڒ نْوم يشعّڒ إِ يِوْذَان حمَا اَذ ࢲرن ڒخْذَايم نْوم ثِصبْحَانِين اَذ حمْذن بَابَاثْوم يدْجَان ذݣ وجنَّا.

1 أيث-كورينث 16:9

أَقَا ثْنُوْرْزم-اَيِي-د يجّن ن ثوَّارْث ذ ثَمقّْرَانْت إِ ڒْخذْمث وَلَكِن يِنِّي إِݣ يتْعَارَّاضن اَقَاثن مُوْجُوْدِين.

أيث-فيليـپـي 4:8

غَار ونݣَّارُو آي أَيثْمَا، مِين يدْجَان ذ لْحَقِيقَا ذ مِينْدِي يدْجَا ڒوْقَّار ذ مِين يدْجَان يسݣّْذن ذ مِين يدْجَان يصْفَان ذ مِين يدْجَان ذ اَصبْحَان ذ مِين خَانغ يعِيزّن ذ اَيِّي ثَمسْڒَايْث ذ ثَصبْحَانْت اَطَّاس اَذَاس نُوْش لْقِيمَا يتْخصَّا كنِّيو اَذ تْفكَّرم ذِي ثْمسْڒَايِين-أَ.

أيث-كولوس 1:9

خ مَانَايَا زِي نْهَار نِّي وَامِي تُوْغَا نسْڒَا نشِّين خَاوم، نتْغِيمَا نْتتَّار-اَس إِ أَربِّـي خَاوم بَاش اَذ تْعمَّرم س ثُوْسْنَا خ ڒْخَاضَر ن أَربِّـي س مَارَّا ڒْعَقڒ ذ ڒفْهَامث إِݣ يتِيشّن أَرُّوْح يقدّْسن.

أيث-كولوس 3:10

ڒخُّو كنِّيو ثݣِّيم يجّن ن طَّبِيعَا نّغْنِي ذ جْذِيذ عَاذ تْذوَّاڒ-د ذ جْذِيذ، ڒْمَعْرِيفَا نّس اَم صِّفث ن لْخَالِق نّس.

ثبرات غار تيتوس 3:14

ئِوْذَان نّغ يتْخصَّا وَار تْعِيشن شَا بْڒَا نّْفَع، ئِتْخصَّا اَذ طوّْعن يخف نْسن س لْحَسَانَاث حمَا اَذ دبَّرن إِ يِيْنَا يتحْذَاجَان.

يعيبرانيين 6:10

إِيوَا أَربِّـي، مَا يتِيشّ ڒْحَقّ مَا لَّا؟ وَاه، أَربِّـي وَار يتتُّو شَا ڒْخذْمث نْوم ذ ڒمْحِبّث نِّي ذَاس د ثْسظْهَارم وَامِي ثْعَاوْنم صَّالِحِين. أُو عَاذ تݣّم مَانَايَا.

ثبرات غار يعقوب 2:14

آي أَيثْمَا، مِين ث غَا ينفْعن بْنَاذم مڒَا يقَّار نش ذ ڒْمُوْمن وَلَكِن ڒخْذَايم نّس وَار د تسْبيِّيننْت شَا بلِّي نتَّا ذ ڒْمُوْمن؟ مَا ذ لْإِيمَان-أَ إِي ث غَا يسْنجْمن؟ لَّا عمَّارْص!

ثبرات غار يعقوب 2:17

لْإِيمَان نّش اَمنِّي مڒَا وَار د يسْبيّن شَا ڒخْذَايم نّس يتْوَاحْسَاب يمُّوْث.

1 بطرس 2:12

عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.

1 بطرس 3:1

آ ثِمْغَارِين، أَمنِّي عَاوذ يتْخصَّا اَذ طَاعنْت إِ يرْيَازن نْكنْت. حمَا يِنِّي وَار يتݣّن شَا اَرَّاي إِ وَاوَاڒ ن أَربِّـي اَتَاف ثِمْغَارِين نْسن اَثن د اَرّنْت غَار ڒْمُوْمِنِين بْڒَا مَا ٱكِذْسن سِّيوْڒنْت س وَاوَاڒ غِير س ثِيْشْرِي نْسنْت أُو صَافِي.

1 بطرس 3:16

ذ يِجّن ن ضَّمِير مرْتَاح. أَمُّو يِنِّي خَاوم يقَّارن ڒْبَاطڒ اَتَاف اَذ سذْحَان س ثِيْشْرِي نْوم ثَصبْحَانْت إِي خَاوم تْعيَّابن نِثْنِي.

2 بطرس 1:8

شُوْف، كنِّيو مڒَا ذَايْوم ثِمسْڒَايِين-أَ اَذَايْسنْت ثَرنِّيم، أَتَاف اَذَايْوم يِيڒِي نّْفَع اَذ تَارْوم عَاوذ ذِي ثُوْسْنَا ن سِيذِيثْنغ عِيْسَى لْمَسِيح.