ثبرات غار فليمون 1:16 - ثريفيث 2020

¹⁶ وَلَكِن ڒخُّو مَاشِي اَم يسْمغ، نتَّا حْسن زݣ يسْمغ: أَم ؤُمَاش إِي خَاش يعِيزّن. نتَّا يعِيزّ خَافِي، وَلَكِن شك يعِيزّ خَاش كْتَار: ذِي ڒْخذْمث أُو عَاوذ اَم ؤُمَاش ذِي سِيذِيثْنغ.

ثبرات غار فليمون 1:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:8

وَلَكِن كنِّيو، وَار تجَّام حَدّ اَذَاوم يڒَاغَا: آ سِيذِيثْنغ. ڒَاحقَّاش كنِّيو مَارَّا ذ اَوْمَاثن غَارْوم يجّن ن سِيذِيثْوم.

ڒخذايم 9:17

ئِرُوْح أَنَاس يُوْذف ثَدَّارْث نِّي يسرْس يفَاسّن نّس خ شَاوُل ينَّا-ٱس: "آي ؤُمَا شَاوُل، نش قَا يسّكّ-اَيي-د سِيذِيثْنغ عِيْسَى، ونِّي إِي ذَاش د يمظْهَارن ذݣ وبْرِيذ نِّي إِي د ثُوْوِيذ. ئِسّكّ-اَيي-د غَارك حمَا اَذ تْذوْڒذ تْوَاڒِيذ اَذ تشَّارذ س أَرُّوْح يقدّْسن."

1 أيث-كورينث 7:22

لِأَنَّا ونِّي تُوْغَا يدْجَان ذ يسْمغ وَامِي ذَاس د يڒَاغَا سِيذِيثْنغ، نتَّا ڒخُّو غَارس يجّن ن لْحُرِّيَا زِي سِيذِيثْنغ. أَمنِّي عَاوذ ونِّي تُوْغَا يدْجَان غَارس لْحُرِّيَا، نتَّا ڒخُّو يذْوڒ ذ يسْمغ ن سِيذِيثْنغ.

أيث-كولوس 3:22

آي يسمْغَان، طَاعث إِ أَيثْبَاب نْوم ن دُّنشْت-أَ ذِي مَارَّا ثِمسْڒَايِين. طَاعم-اَسن مَاشِي غِير خْمِي ذَاوم تْبدَّان غَار وزدْجِيف وَاهَا حمَا اَذَاسن تْعجْبم؛ لَّا، طَاعم-اَسن س ڒْخَاضَر نْوم اَكِذْوم ثِيڒِي يجّن ن ثِيݣّْوْذِي ذِي سِيذِيثْنغ.

1 تيموتاوس 6:2

ئِسمْغَان ؤُمِي غَار يدْجَا اَيثْبَاب نْسن ذ ڒْمُوْمِنِين وَا لَابُد اَذَاسن تْصنَّاطن إِ اَيثْبَاب نْسن مَاشِي اَذَاسن اَݣِين اَذَاسن ينِين لَّا قَا نشِّين ذ اَوْمَاثن. لَّا، أَذَاسن خذْمن كْتَار لِأَنَّا اَيثْبَاب نْسن ذ نِثْنِي إِي غَا يربْحن زِي ڒْخذْمث نِّي أُو نِثْنِي تَامْنن تْوَاعِيزّن. ثِمسْڒَايِين-أَ سڒْمَاذ-يثنْت شك، زيَّار خَاسنْت.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

1 يوحنا 5:1

مَارَّا ونِّي غَا يَامْنن عِيْسَى نتَّا ذ لْمَسِيح اَتَاف يخْڒق-د زِي أَربِّـي. أُو مَارَّا ونِّي يتخْسن بَابَاثْنغ اَتَاف نتَّا عَاوذ يتخْس ثَارْوَا نّس إِي زَّايس د يخڒْقن.