ثبرات غار فليمون 1:1 - ثريفيث 2020

¹ نش ذ بُوْلُس اَقَايِي ذ اَمحْبُوْس عْلَاحْسَاب عِيْسَى لْمَسِيح اَكِذِي ؤُمَاثْنغ تِيْمُوْتَاوُس. تَارِيغ ثَبْرَات-أَ إِ فِلِيْمُوْن يدْجَان ذ اَمْعَاشَر نّغ إِي خَانغ يعِيزّن،

ثبرات غار فليمون 1:1 ပူးပေါင်းရင်းမြစ်များ

ڒخذايم 16:1

يُوْوض بُوْلُس غَار ثنْدِينْت ن دِرْبَا ذ ثنْدِينْت ن لِيْسْتْرَا، يُوْفَا ذِنِّي يجّن ن ومحْضَار قَّارن-اَس تِيْمُوْتَاوُس. يمَّاس نتَّاث ذ ثَئِسْرَائِيلِيث ذ ڒْمُوْمْنَا، بَابَاس ذ اَيُوْنَانِي.

1 أيث-كورينث 3:9

لِأَنَّا نشِّين نْشَرّش اَك أَربِّـي ذِي ڒْخذْمث-أَ. كنِّيو ذ اَمَرْجع نّس ذ ڒبْنِي نّس.

22 أيث-كورينث 1:1

ثَبْرَات-أَ زَّايِي نش بُوْلُس إِݣ يدْجَان ذ اَرَّسُوْل ن عِيْسَى لْمَسِيح س ڒْخَاضَر ن أَربِّـي، أَكِذِي ؤُمَاثْنغ تِيْمُوْتَاوُس. تَارِيغ إِ جْمَاعث ن ڒْمُوْمِنِين ن أَربِّـي يِنِّي يدْجَان ذِي ثنْدِينْت ن كُوْرِينْث ذ مَارَّا ڒْمُوْمِنِين صَّالِحِين عَاوذ إِݣ يدْجَان ذِي لْإِقْلِيم ن ؤُخَايَا اَمن-ثكْمَاڒ.

أيث-ݣلاطيا 3:26

ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان.

أيث-ؤفسوس 3:1

خ مَانَايَا ترْكَاعغ خ يفَادّن ينُو، نش بُوْلُس إِي يدْجَان ذ اَمحْبُوْس عْلَاحْسَاب عِيْسَى لْمَسِيح أُو خَاوم كنِّيو إِي وَار يدْجِين شَا زِي أَيث-إِسْرَائِيل...

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-ؤفسوس 6:20

عْلَاحْسَاب لْإِنْجِيل-أَ وَانِيتَا إِي تِيڒِيغ نش ذ يجّن ن سَّفِير شَرّْفغ س سْنَاسڒ. ࢲَّادْجم كنِّيو بَاش اَزَّايس بشَّرغ بْڒَا مَا ٱذ ݣّْوْذغ عْلَاحْسَاب لْوَاجِب ينُو.

أيث-فيليـپـي 1:1

نش ذ بُوْلُس اَكِذِي تِيْمُوْتَاوُس نشِّين ذ يخدَّامن ن عِيْسَى لْمَسِيح. نْتَارِي ثَبْرَات-أَ إِ صَّالِحِين ن عِيْسَى لْمَسِيح إِي يدْجَان ذِي ثنْذِينْت ن فِيلِيـپِّـي ذ اَرُّوْيَاس نْسن ذ نُّيَاب نْسن.

أيث-فيليـپـي 2:25

شُوْف، تْوَاڒِيغ لَابُد اَذَاوم د اَرّغ ؤُمَا پَـارْفُوْلِيتُس ونِّي إِي كِذِي يتمْعَشَارن اَم شَا ن ومْجَاهذ. نتَّا ذ اَمسخَّار نْوم ونِّي إِي ذَايِي د تسّكّم بَاش اَذَايِي يتْهِيلَّا.

أيث-فيليـپـي 4:3

وَاه، تتَّارغ ؤُڒَا ذ شك آي اَمْعَشَار ينُو ن صَّح، عَون ثِمْغَارِين-أَ إِي كِذِي يخدّْمن فُوْس ذݣ وفُوْس ذِي لْإِنْجِيل، أَكِذْسنْت عَاوذ كْرِيمُو ذ يمْعَشَارن ينُو نّغْنِي. ئِسمَاون نْسن مَارَّا اَقَاثن ذِي لْكِتَاب ن ثُوْذَارْث.

أيث-كولوس 1:1

نش ذ بُوْلُس ذ اَرَّسُوْل ن عِيْسَى لْمَسِيح س ڒْخَاضَر ن أَربِّـي، أَكِذِي ؤُمَاثْنغ تِيْمُوْتَاوُس.

أيث-كولوس 4:11

ئِسَاوَّاض-اَوم-د سْڒَام عَاوذ عِيْسَى ونِّي ؤُمِي قَّارن يُوْسْتُوْس. ذ يِيْنَا وَاهَا إِݣ يدْجَان ذ يسْرَائِيلِيْين زݣ يِنِّي يتمْعَشَارن اَكِذِي ذِي ڒْخذْمث-أَ عْلَاحْسَاب ڒْمُلْك ن أَربِّـي، تْشجَّاعن-اَيِي اَطَّاس.

2 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس، نُوْرَا ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

2 تيموتاوس 1:8

إِذن وَار تْسذْحَا شَا اَذ تْشهْذذ خ سِيذِيثْنغ نِغ خَافِي نش إِي يدْجَان ذ اَمحْبُوْس عْلَاحْسَاب نتَّا؛ لَّا، قبّڒ اَعدَّاب نِّي يدْجَان عْلَاحْسَاب لْإِنْجِيل، س جّْهذ ن أَربِّـي.

ثبرات غار فليمون 1:23

ئِسَاوَّاض-اَش-د سْڒَام پَـافْرَاس ونِّي إِي كِذِي يدْجَان ذ اَمحْبُوْس عْلَاحْسَاب عِيْسَى لْمَسِيح.

ثبرات غار فليمون 1:24

سَاوَّاضن-اَش-د سْڒَام عَاوذ مَرْقُوْس ذ أَرِسْتَارْخُوْس ذ دِيْمَاس ذ لُوْقَا يدْجَان مَارَّا ذ يمْعَاشَرن ينُو.

ثبرات غار فليمون 1:9

وَلَكِن حْسن اَش تَّارغ مَانَايَا س ڒمْحِبّث. إِيوَا نش ذ بُوْلُس اَقَايِي نُمْغَارغ، ڒخُّو اَقَايِي عَاوذ ذِي ڒحْبس عْلَاحْسَاب سِيذِيثْنغ عِيْسَى.