مرقس 9:9 - ثريفيث 2020

⁹ وَامِي د هوَّان زݣ وذْرَار يوصَّا-ثن عِيْسَى ينَّا-ٱسن: "وَار تْعَاوَاذم إِ حَدّ مِين ثࢲْرِيم اَڒ د غَا يكَّر مِّيس ن بْنَاذم زِي ڒْموْث."

مرقس 9:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:19

وَار يتْمنْغِي اَك حَدّ، وَار يسْنكَّر بُو ثْغُويِّيث، وَار يتْسْڒِي حَدّ إِ وَاوَاڒ نّس ذݣ يبْرِيذن.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:40

أَمش يسعْذُو يُوْنس ثڒْتِيَّام جَار دْجِيَاڒِي ذ وُوْسَّان ذݣ وعدِّيس ن وسْڒم اَمقّْرَان، أَمنِّي إِي غَا يسعْذُو مِّيس ن بْنَاذم ثڒْتِيَّام جَار دْجِيَاڒِي ذ وُوْسَّان ذݣ وعدِّيس ن ثْمُوْرْث.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:21

سّنِّي يبْذَا عِيْسَى يسْفهَّام إِ يمحْضَارن نّس بلِّي لَابُد اَذ يرَاح نتَّا غَار ثنْدِينْت ن لْقُدْس اَذ يتْوَاعدّب خ وَاطَّاس ن ثْمسْڒَايِين خ وفُوْس ن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْمُوْث."

أَسڒْمذ ن سِيذِيثْنغ عِيْسَى لْكِتَاب ن مَتَّى 27:63

نَّان-اَس: "نشِّين نعْقڒ آ سِيذِي، بلِّي وَامِي تُوْغَا يدَّر وغدَّار نِّي ينَّا-د منْبَعْد إِ ثڒْتِيَّام نش اَذ د كَّرغ زِي ڒْموْث."

أَسڒْمذ ن سِيذِيثْنغ عِيْسَى لْكِتَاب ن مَتَّى 8:4

ينَّا-ٱس عِيْسَى: "خْزَر، وَار تْخبَّر حَدّ." ينَّا-ٱس: "رُوْح غَار ڒفْقي سظْهَار-اَس يخف نّش. اݣّ صّذْقث نِّي إِي زِي يوصَّا مُوْسَى حمَا اَغَارْسن ثِيڒِي شْهَاذث خ مِين يوقْعن."

مرقس 5:43

يُوْمَر-يثن عِيْسَى ينَّا-ٱسن وَار تْعَاوَاذم إِ حَدّ مِين يوقْعن. عَاوذ ينَّا-ٱسن ؤُشم-اَس اَذ تشّ.

مرقس 7:36

ئِوصَّا-ثن ينَّا-ٱسن وَار تْعَاوَاذم مَانَايَا إِ حَدّ. وَلَكِن نِثْنِي مشْحَاڒ مَا يوصَّا-ثن تْخبَّرن خَاس اَطَّاس.

مرقس 9:10

جِّين اَوَاڒ نِّي جَارَاسن، سِّيوْڒن اَك وَايَاوْيَا نَّان: كِيفَاش، مِين يخس اَذ يِينِي اَذ د يكَّر زِي ڒْموْث؟

مرقس 9:8

وَامِي خْزَرن يمحْضَارن اَمُّو ذ وَامُّو، عْلَاغَفْلَا وَار اَكِذْسن ؤُفِين حَدّ إِلَّا عِيْسَى.

لوقا 24:46

ينَّا-ٱسن: "أَمُّو إِي يُوْرَا ذِي لْكِتَاب قَا يتْخصَّا إِ لْمَسِيح اَذ يتْوَاعدّب اَذ د يكَّر زِي ڒْموْث وِيس ثڒْتِيَّام.

لوقا 9:36

وَامِي صَافِي ثْمِيجَّا نِّي ثسِّيوڒ ؤُفِين عِيْسَى وَاحْذس. ئِمحْضَارن نِّي سْنُوْفَّرن مَانَاينِّي ذݣ وُوْڒ نْسن وَار خبَّرن حَدّ ذِي لْأَيَامَاث نِّي خ مِين ࢲْرِين.