مرقس 9:24 - ثريفيث 2020

²⁴ ڒخْدّنِّي يسِّيوڒ س جّْهذ بَابَاس ن وحنْجِير نِّي ينَّا-ٱس: "نش ؤُمْنغ! عَاون لْإِيمَان ينُو ذ وقْلِيل."

مرقس 9:24 ပူးပေါင်းရင်းမြစ်များ

مرقس 9:23

ينَّا-ٱس عِيْسَى: "مَايمِّي إِي غَا ثِينِيذ مڒَا زمَّرغ؟ إِيوَا ونِّي يُوْمْنن يزمَّر إِ كُڒْشِي."

مرقس 9:25

وَامِي يُوْفَا عِيْسَى ڒْغَاشِي ذغْيَا مُوْنن-د خَاس، ئِسْبدّ جّنّ نِّي اَعفَّان ينَّا-ٱس: "آ جّنّ اَزينُوْن آ جّنّ اَذهْشُوْر، تَمَرغ شك فّغ زَّايس وَار ذَايس تَاذَاف شَا عمَّارس عَاوذ!"

لوقا 17:5

نَّان-اَس اَرُّسُل إِ سِيذِيثْنغ: "اَرْنِي ذَايْنغ لإِيمَان."

لوقا 7:38

ثقِّيم غَار ذفَّار ن عِيْسَى غَار يضَارن نّس ثبْذَا ثتْرُو وْضَان-اَس يمطَّاون نّس خ يضَارن ن عِيْسَى. ثْرُوْح ثمْسح-يثن س وشوَّاف نّس، ثْسدْجم-يثن ثذْهن-يثن س وَامَان ن لْوَرْذ.

لوقا 7:44

ئِنقْڒب غَار ثمْغَارْث نِّي ينَّا-ٱس إِ سِمْعَان: "أَقَا تْوَاڒِيذ ثَمْغَارْث-أَ؟ ؤُسِيغ-د غَار ثدَّارْث نّش وَار ذَايِي د ثُوْوِيذ شك ؤُڒَا ذ اَمَان إِي زِي غَا سِيرْذغ يضَارن ينُو. نتَّاث ثْسِيرذ-اَيِي يضَارن ينُو س يمطَّاون نّس ثمْسح-يثن س وشوَّاف نّس.

ڒخذايم 10:19

بُطْرُس عَاذ يتْخمَّام ذِي لْوَحِي نِّي ينَّا-ٱس أَرُّوْح ن أَربِّـي، "قَا ثْڒَاثَا ن يرْيَازن رزُّوْن خَاك.

ڒخذايم 10:31

ئِقَّار-اَيِي-د: آ كُوْرْنِينْيُوْس! قَا أَربِّـي يسْتَاجب-اَش إِ ثْࢲَادْجِيث نّش، صَّذَقَا نّش يفكَّر ذَايس.

22 أيث-كورينث 2:4

لِأَنَّا ؤُرِيغ-اَوم-ت-يد س يِجّن ن ؤُزِيَّار ذ يِجّن ن وخِيّق زݣ وُوْڒ ينُو ذ وَاطَّاس ن يمطَّاون. وَار يدْجِي بُو نِّيغ-اَوم-ت حمَا اَكنِّيو سْخيّْقغ؛ لَّا، حمَا اَذ تسّْنم مشْحَاڒ ثمْغَار ڒمْحِبّث ينُو غَارْوم.

أيث-ؤفسوس 2:8

أَقَا س اَرْضَا ن سِيذِي أَربِّـي إِي زِي ثْنجْمم وَامِي ثُوْمْنم. مَانَايَا وَار زَّايْوم د يتكّ شَا زِي كنِّيو؛ لَّا، مَانَايَا يتكّ-د زِي لْهَدِيَا ن أَربِّـي.

أيث-فيليـپـي 1:29

مَاشِي عْلَاحْسَاب لْمَسِيح اَزَّايس ثَامْنم وَاهَا؛ لَّا، لَابُد عَاوذ اَذ تْوَاعدّْبم عْلَاحْسَاب سَّبَاب نّس.

2 أيث-سلونيك 1:11

خ مَانَايَا نْتتَّار إِ أَربِّـي خَاوم ڒبْدَا بَاش اَكنِّيو يَارّ ثسْذَاهدْجم اَڒَاغِي نّس. أُو س جّْهذ نّس اَذَاوم يَارو مَارَّا ڒْخِير إِي ثخْسم أَذ تݣّم، أَذَاوم يَارو كُڒ ڒْخذْمث عَاوذ إِي د تَاسن زِي لْإِيمَان نْوم.

2 أيث-سلونيك 1:3

آي أَيثْمَا، ئِتْخصَّا أُو لَابُد أَ نْشكَّر أَربِّـي خَاوم ڒبْدَا. قَا مَانَايَا نِيشَان مِينْزِي لْإِيمَان نْوم يتمْغُوْر س وَاطَّاس، مِينْزِي عَاوذ ڒمْحِبّث نْوم ثْرنِّي اَك وَايَاوْيَا.

2 تيموتاوس 1:4

خْمِي تْفكَّرغ ذݣ يمطَّاون نّش يتطّف-اَيِي-د يجّن مزْڒِي اَش ࢲرغ حمَا اَذ عمَّرغ س ڒفْرَاحث.

يعيبرانيين 12:17

أَقَا ثسّْنم منْبَعْد يعْقب-د عَسُو-يَا يرزُّو اَذ يوَارث لْبَرَكَا نِّي يُوْݣِي-يَاس بَابَاس. وَار يُوْفِي مَامّش تِيد غَا يَارّ وَاخَّا يتتَّار-اَس-ت س يمطَّاون.

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

يعيبرانيين 5:7

ذݣ وُوْسَّان نِّي إِي ذِي تُوْغَا يدَّر عِيْسَى ذِي ثْمُوْرْث-أَ، ئِتْࢲَادْجَا يتْڒَاغَا خ أَربِّـي س جّْهذ أُو س يمطَّاون يتتَّار-اَس إِ ونِّي يزمَّرن اَث يسنْجم زِي ڒْموْث. أَربِّـي يتْصنَّاط-اَس وَامِي عِيْسَى يتݣّْوذ زَّايس.