مرقس 9:2 - ثريفيث 2020

² ثعْذُو ستّييَّام، عِيْسَى يُوْوِي اَكِس بُطْرُس ذ يَعْقُوْب ذ يُوْحَنَّا يُوْوِي-ثن وَاحذْسن غَار يجّن ن وذْرَار يُوْعْڒَا. ذِنِّي زَّاث إِ ثِيطَّاوِين نْسن يذْوڒ اَم يِجّن ن نُّوْر.

مرقس 9:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 14:13

وَامِي د يَارَّا عِيْسَى ڒخْبَار نِّي، ئِرُوْح سّنِّي وَاحْذس ذِي ثْغَرَّابُوْت غَار يِجّن ن ومْشَان يخْڒَا. أَرِّين-د ڒخْبَار ڒْغَاشِي، ذْفَارن-ث زِي ثْندَّام خ يضَارن.

مرقس 14:33

يُوْوِي اَكِذس بُطْرُس ذ يَعْقُوْب ذ يُوْحَنَّا، ئِبْذَا يتْنخْڒع يتْخيَّاق.

مرقس 16:12

منْبَعْد إِ مَانَايَا يمظْهَار-اَسن-د عِيْسَى س يِجّن ن صِّفْث نّغْنِي إِ ثْنَاين إِذْسن وَامِي تُوْغَا ݣُّوْرن غَار ڒْكَامْپُو.

مرقس 5:37

سّنِّي وَار يجِّي ؤُڒَا ذ يجّن اَث يذْفَار، يذْفَار-يث غِير بُطْرُس ذ يَعْقُوْب ذ يُوْحَنَّا يدْجَان ذ ؤُمَاس ن يَعْقُوْب.

لوقا 6:12

ذݣ وُوْسَّان نِّي، ئِݣَعّذ عِيْسَى غَار وذْرَار اَذ يࢲَّادْج يقِّيم ذِنِّي دْجِيڒث ثكْمَاڒ يتْࢲَادْجَا إِ أَربِّـي.

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

أيث-روما 12:2

وَار تݣّم شَا مِين تݣّن يِوْذَان ذِي ڒْوقْث-أَ ثَانِيتَا. ئِتْخصَّا اَغَارْوم يِيڒِي يجّن ن ڒَعْقڒ ذ جْذِيذ حمَا اَذ تْوَابدّْڒم، سّنِّي اَذ تسّْنم كنِّيو مِين يخس أَربِّـي، يعْنِي مِين يصبْحَان ذ مِين ذَاس يتعْجِيبن وَار ذَايس بُو وخطِّي.

22 أيث-كورينث 13:1

ثَانِيتَا ذ زِّيَارَا وِيس ثْڒَاثَا تَاسغ-د غَارْوم. مَامش يقَّار لْكِتَاب: <كُڒ تُّهْمَا اَخَاس شهْذن ذ دَّلِيل ثْنَاين ن ڒشْهُوْذ نِغ ثْڒَاثَا.>

أيث-فيليـپـي 3:21

دَّات نّغ ن دُّنشْت-أَ اَت يسْبدّڒ لْمَسِيح بَاش اَذ تِذْوڒ اَم دَّات نّس لْعَظِيم. ئِتݣّ مَانَايَا س جّْهذ نِّي إِي زِي يزمَّر اَذ يَارّ قَاع ثِمسْڒَايِين سْوَادَّاي إِ لْحُكم نّس.

لواحي ن يوحنا 20:11

ࢲْرِيغ يجّن ن لْعَرْش ذ اَشمْڒَاڒ ذ اَمقّْرَان. ونِّي خَاس يقِّيمن ثَرْوڒ زَّايس ثْمُوْرْث ذ وجنَّا وَار ذَاسن يقِّيم بُو ومْشَان.