مرقس 9:18 - ثريفيث 2020

¹⁸ مَانِي ما يطّف-يث يغطَّاڒ-يث غَار ثْمُوْرْث، ئِسُوْفُوْغ-د نتَّا كُوْفُّو زݣ وقمُّوْم نّس يتْغࢲَّاࢲ ثِغْمَاس نّس يذوّڒ وَار يتنْهزِّي. تَّارغ زݣ يمحْضَارن نّش اَزَّايس سُوْفْغن جّنّ نِّي وَلَكِن نِثْنِي وَار ذَاس زمَّرن شَا."

مرقس 9:18 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:22

ثُوْسَا-د غَارس يجّن ن ثمْغَارْث زِي أَيث-كَنْعَان ثْزدّغ ذِنِّي. تْرَاغَا ثقَّار-ٱس إِ عِيْسَى: "رْحم-اَيِي آ سِيذِي، آ مِّيس ن أَيث-دَاود! قَا يدْجِي ذَايس يجّن ن جّنّ ذ اَعفَّان يتْعدَّاب-يت اَطَّاس."

أَسڒْمذ ن سِيذِيثْنغ عِيْسَى لْكِتَاب ن مَتَّى 17:16

ؤُوِيغ-ث-يذ غَار يمحْضَارن نّش وَلَكِن نِثْنِي وَار زمَّرن اَث سْݣنْفَان."

أَسڒْمذ ن سِيذِيثْنغ عِيْسَى لْكِتَاب ن مَتَّى 8:12

وَلَكِن يِنِّي تُوْغَا يتْخصَّا اَذ وَرْثن ڒْمُلْك ن أَربِّـي، أَتَاف اَذ منْضَارن غَار بَارَّا ذِي ثَادْجسْت مَانِي غَا يڒِين يمطَّاون ذ وغࢲَّاࢲ ن ثغْمَاس."

مرقس 11:23

أَقَا تسْڒَام ڒْحَقّ: مڒَا شَان يجّن ينَّا-ٱس إِ وذْرَار-أَ: نقْڒع-د شك سَّانِيتَا ثْمنْضَارذ ذِي ڒبْحَر أُو ذݣ وُوْڒ نّس وَار ذَايس بُو شّكّ يُوْمن اَذ يوْقع مَانَاينِّي، أَتَاف مَانَاينِّي اَذ يِيڒِي.

مرقس 9:17

ئِنْدق-د يِجّن زِي ڒْغَاشِي نِّي ينَّا-ٱس: "آ لْمُعَلِّم، أَقَا ؤُوِيغ-اَش-د مِّي ذَايس جّنّ ذ اَزيْنُوْن.

مرقس 9:19

يَارَّا خَاسن عِيْسَى ينَّا-ٱسن: "آ يوْذَان ن ڒْوقْث-أَ إِي ذِي وَار يدْجِي بُو لْإِيمَان! مشْحَاڒ إِي كِذْوم غَا قِّيمغ أُو مشْحَاڒ ذَاوم غَا صْبَرغ؟ أَوِيم-اَيِي-ث-يد إِ نش."

مرقس 9:20

ؤُوِين-ث-يد غَار عِيْسَى، جّنّ نِّي يَالَّاه يࢲْرَا عِيْسَى يسرْجِيجِي اَحنْجِير نِّي يوْضَا غَار ثْمُورْث، ئِترْجِيجِي يتكّ-اَس-د كُوْفُّو زݣ وقمُّوْم.

مرقس 9:26

ئِسْنكَّر ثْغُوْيّث جّنّ نِّي يسرْجِيجِي اَحنْجِير نِّي اَطَّاس ڒخْدّنِّي يفّغ زَّايس. أَحنْجِير نِّي يذْوڒ اَخْمِي يمُّوْث، نَّان اَطَّاس ن يِوْذَان اَقَا يمُّوْث صَافِي.

ڒخذايم 7:54

وَامِي سْڒِين جْمَاعث نِّي ن لْحُكَّام ن أَيث-إِسْرَائِيل اَوَاڒ ن سْتِيفَان، خيّْقن غضْبن، تْغࢲَّاࢲن غَارس ثِيغْمَاس.

ثبرات زي يهوذا 1:13

نِثْنِي ݣِّين اَم ڒمْوَاج ن ڒبْحَر شَّاثنْت س ڒفْضِيحث ن ؤُكُوْفُّو نْسنْت. نِثْنِي ݣِّين اَم شَان يثْرَان يفّْغن زݣ ؤُمْشَان نْسن ݣُّوْرن غَار يِجّن ن ثَادْجسْت ذ ثَبرْشَانْت إِݣ يتْوَاسْوجْذن إِ ڒبْدَا ن ڒبْدَاث.