مرقس 8:34 - ثريفيث 2020

³⁴ ئِڒَاغَا-د خ يمحْضَارن نّس ذ ڒْغَاشِي ينَّا-ٱسن: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس اَذ يكسِّي صَّلِيب نّس مِينْخف غَا يعدّب اَذَايِي يذْفَار.

مرقس 8:34 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:38

ونِّي يتَاݣِين اَذ ييْسِي صَّلِيب نّس اَذَايِي يذْفَار نش، أَتَاف وَار ذَايِي يسْذِيهدْج شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:24

سّنِّي يسِّيوڒ عِيْسَى اَك يمحْضَارن نّس ينَّا-ٱسن: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس اَذ يكسِّي صَّلِيب نّس اَذَايِي يذْفَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 27:32

فّْغن سّنِّي ڒْعَسْكَار ؤُفِين يجّن ن ورْيَاز قَّارن-اَس سِمْعَان زِي ثنْدِينْت ن لْقُرِينَا، ݣِّين خَاس س بزّز اَذ يَرْبُو صَّلِيب ن عِيْسَى.

مرقس 10:21

ئِخْزَر غَارس عِيْسَى يُوْذف-اَس غَار وُوْڒ نّس ينَّا-ٱس: "قَا ثقِّيم-اَش يجّن ن ڒْحَاجث وَار ت ثݣِّيذ شَا." ينَّا-ٱس: "رُوْح زنْز مَارَّا مِين غَارك ذ اَݣْڒَا صدّق-يث خ ڒْمُسَاكِين اَغَارك يِيڒِي ڒْكنْز ذݣ وجنَّا، ڒخْدّنِّي اَرَاح-د شك ذْفَار-اَيِي-د."

مرقس 7:14

ئِڒَاغَا-د عِيْسَى عَاوذ خ ڒْغَاشِي-يَا ينَّا-ٱسن: "صنّْطث غَارِي مَارَّا إِذْوم، فهْمث:

لوقا 13:24

"ݣّث مَامْش غَا ثَاذْفم زِي ثوَّارْث يحْصَارن. أَذَاوم ينِيغ: أَطَّاس ن يِوْذَان اَتَاف اَذ رْزُوْن اَذ اَذْفن وَلَكِن وَار زمَّرن.

لوقا 14:33

أَمنِّي عَاوذ وَار يزمَّر شَا ؤُڒَا ذ يجّن زَّايْوم اَذ يِيڒِي ذ اَمحْضَار ينُو إِلَّا مڒَا يسْمح ذِي مَارَّا مِين غَارس.

لوقا 18:22

عِيْسَى وَامِي يسْڒَا إِ وَاوَاڒ نّس ينَّا-ٱس: "قَا ثقِّيم-اَش يجّن ن ڒْحَاجث وَار ت ثݣِّيذ شَا. رُوْح زنْز مَارَّا مِين غَارك ذ اَݣْڒَا صدّق-يث خ ڒْمُسَاكِين. سّنِّي اَغَارك يِيڒِي ڒْكنْز ذݣ وجنَّا، ڒخْدّنِّي اَرَاح-د شك ذْفَار-اَيِي-د."

لوقا 20:45

ينَّا-ٱسن عِيْسَى إِ يمحْضَارن نّس أُو مَارَّا شَّعْب يتسْڒَا-يَاس:

لوقا 9:23

ثُمَّا ينَّا-ٱسن إِ مَارَّا يوْذَان نِّي: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس، لَابُد كُڒ نْهَار اَذ يكسِّي صَّلِيب نّس مِينْخف غَا يعدّب اَذَايِي يذْفَار.

يوحنا 10:27

ئِحُوْڒِيْين ينُو تسْڒَان غَار صُّوْت ينُو، سّْنغ-ثن نِثْنِي ذفَّارن-اَيي.

يوحنا 19:17

ئِفّغ عِيْسَى يَارْبُو صَّلِيب س يِيخف نّس يرُوْح غَار يِجّن ن ومْشَان قَّارن-اَس <أَمْشَان ن جُمْجُمَا.> س وَاوَاڒ ن يسْرَائِيلِيْين قّارن-اَس <ݣُوْلْݣُوْطَا.>

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

أيث-روما 6:6

نشِّين نسّن بلِّي نّفْس نّغ تُوْغَا ثدْجَا قْبڒ، نتَّاث يعْنِي تْوَاصلّب اَك لْمَسِيح حمَا ٱذ تْبطّڒ نّفْس نّغ يشُّوْرن س ڒْمُعْصِيَاث، بَاش وَار نتْغِيمِي شَا سَّا اَڒ ثْسَاونْت عَاذ ذ يسمْغَان ن ڒْمُعْصِيّث.

أيث-روما 8:17

أُو نشِّين مڒَا اَقَانغ ذ ثَارْوَا ن أَربِّـي، أَتَاف أَ نْوَارث. يعْنِي أَ نْوَارث زِي أَربِّـي، أَ نْوَارث اَك لْمَسِيح. وَلَكِن يخصَّا-يَانغ أَ نْشَرش اَكِذس ذݣ وعدّب نّس حمَا أَ نْشَرش اَكِذس عَاوذ ذِي لْعَظَمَا نّس.

1 أيث-كورينث 15:31

آي أَيثْمَا، تْوَاجَاهغ ڒْموْث كُڒ نْهَار! قَّارغ-اَوم مَانَايَا س لْإِفْتِخَار-أَ إِي غَارِي ذَايْوم عْلَاحْسَاب ثُوْذَارْث-أَ نّغ إِي غَارْنغ ذ يْشْتن اَك سِيذِيثْنغ عِيْسَى لْمَسِيح.

1 أيث-كورينث 8:13

خ مَانَايَا مڒَا لْمَكْلَا ينُو ثْغطّڒ ؤُمَا ذِي ڒْمُعْصِيّث، أَتَاف عمَّارْص اَذ شّغ اَيْسُوْم عَاوذ حمَا وَار غطّْڒغ شَا ؤُمَا.

1 أيث-كورينث 9:19

وَاخَّا نش وَار غَارِي بُو بَاب ينُو، وَلَكِن أَرِّيغ يخف ينُو ذ يسْمغ زَعْمَا إِ مَارَّا بَاش اَذ ربْحغ اَطَّاس ن زِّيَادَا ن يِوْذَان.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-ݣلاطيا 5:24

أُو يِنِّي يدْجَان ن عِيْسَى لْمَسِيح صَافِي صلّْبن طَّبِيعَا نِّي ثَعفَّانْت نْسن اَكذ شّهْوث ذ ڒْخَاضَر ن طَّبِيعَا-يَا.

أيث-ݣلاطيا 6:14

وَلَكِن نش عمَّارْص اَذ فْتَخَارغ إِلَّا زِي صَّلِيب ن سِيذِيثْنغ عِيْسَى لْمَسِيح. زِي صَّلِيب نّس إِي زِي ثتْوَاصلّب دُّنشْت إِ نش، أُو زَّايس عَاوذ نش إِي زِي تْوَاصلّْبغ إِ دُّنشْت.

أيث-فيليـپـي 3:10

رزُّوْغ اَذ سّْنغ لْمَسِيح ذ جّْهذ نّس وَامِي د يكَّر زِي ڒْموْث. أَذ سّْنغ عَاوذ ثَمْعَشَارْث نِّي خْمِي غَا نْشَرش اَكِذس س وعدّب نِّي إِي خَاس يكِّين نتَّا، أَ نذْوڒ اَمشْنَاو نتَّا س ڒْموْث نّس.

أيث-فيليـپـي 3:7

وَلَكِن خ سَّبَاب ن لْمَسِيح مِين ذَايِي ينفّْعن قْبڒ، ڒخُّو حسّْبغ-ث ذ ثَخْصَارْث.

أيث-كولوس 1:24

ڒخُّو نش فَرّْحغ خ مِينْخف تْعدَّابغ عْلَاحْسَاب كنِّيو. لِأَنَّا ذِي دَّات-أَ ينُو كسِّيغ ڒْحَقّ ينُو زِي مِين عَاذ ينقّْصن زݣ وعدّب نِّي ن لْمَسِيح عْلَاحْسَاب دَّات نّس يعْنِي جْمَاعث ن ڒْمُوْمِنِين.

أيث-كولوس 3:5

خ مَانَايَا نْغث مِين يدْجَان ذَايْوم ذِي طَّبِيعَا نْوم ن دُّنشْت-أَ يعْنِي لْفَسَاد ذ مِين يخنْزن ذ شّهْوث ذ ڒْخَاضَر اَعفَّان ذ طْمَاع إِݣ يدْجَان نتَّا اَم لْعِبَادَا ن لْأَصْنَام.

2 أيث-سلونيك 3:11

لِأَنَّا نتْسْڒَا بلِّي ذِنِّي ڒبْعَاض زَّايْوم تْبَاعن فَرْق-شّْغڒ. وَار خدّْمن شَا شّْغُوْڒَاث نْسن، نِثْنِي تَاذْفن ذِي شّْغُوْڒَاث ن مِيدّن وَاهَا.

ثبرات غار تيتوس 2:12

أَرْضَا-يَا يتْربَّا-يَانغ أَ ننْكَر شَّرّْ ذ شّهَاوَاث ن دُّنشْت-أَ، أَ نْعِيش ذِي زْمَان-أَ أَ نحْكَام خ ثْنفْسِيث نّغ اَذَايْنغ يِيڒِي لْمَعْقُوْل ذ لْإِيمَان

يعيبرانيين 13:13

خ مَانَايَا أَ نْرَاح غَار عِيْسَى غَار ڒݣّْوَاج ن يقِيضَان أَ نَارْبُو اَحݣَّار نِّي إِي خف يصْبَر نتَّا.

1 بطرس 4:1

فَا عِيْسَى لْمَسِيح يتْوَاعدّب ذِي دَّات نّس. خ مَانَايَا عَاوذ كنِّيو اَذ تسْجهْذم يخف نْوم س اَرَّاي نِّي نّس. مَايمِّي؟ مڒَا ثتْوَاعدّْبم ذِي دَّات نْوم، صَافِي ثْبعّْذم عَاوذ خ ڒْمُعْصِيّث.

1 بطرس 4:13

لَّا، ئِتخصَّا كنِّيو اَذ تْفَرْحم وَامِي ثْشَرّْشم ذݣ وعدّب ن لْمَسِيح بَاش اَذ تْفَرْحم عَاوذ اَطَّاس خْمِي د غَا ثْمظْهَار لْعَظَمَا نّس.

2 بطرس 1:14

قَا سّْنغ بلِّي ذغْيَا نش اَذ سمْحغ ذِي دَّات ينُو مِينْزِي اَمُّو إِي تُوْغَا ذَايِي يسفْهم مْلِيح زِي قْبڒ سِيذِيثْنغ عِيْسَى لْمَسِيح.

1 يوحنا 3:16

س مِينْزِي إِي غَا نسّن ڒمْحِبّث؟ مِينْزِي سِيذِيثْنغ يصدّق خَانغ يخف نّس. أُو اَمُّو عَاوذ إِي غَا نِيڒِي نوْجذ أَ نْصدّق يخف نّغ خ أَيثْمَاثْنغ.

لواحي ن يوحنا 2:10

وَار تݣّْوذ شَا زِي مَامّش إِي غَا تْوَاعدّْبذ. أَقَا إِبْڒِيس اَذ يسِيذف ڒبْعَاض زَّايْوم غَار ڒحْبس حمَا اَذ تْوَاجَرّْبم. أَذ تْسعْذُوْم ڒمْحَاين ذي عشْرَايَّام. اَرْنِي ذِي لْإيْمَان نّش وَاخَّا اَش نْغن، نش اَذَاش ؤُشغ تَّاج ن ثُوْذَارْث.