مرقس 8:15 - ثريفيث 2020

¹⁵ ئِوصَّا-ثن عِيْسَى ينَّا-ٱسن: "شُوْف! حْضَام يخف نْوم زݣ ونْتُوْن ن ڒْحِزب ن يفَرِّيسِيْين ذ ونْتُوْن ن وزدْجِيذ هِيرُوْدُس."

مرقس 8:15 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 14:1

ذِي ڒْوقْث نِّي اَزدْجِيذ هِيرُوْدُس يَارَّا-د ڒخْبَار خ عِيْسَى.

أَسڒْمذ ن سِيذِيثْنغ عِيْسَى لْكِتَاب ن مَتَّى 14:3

قْبڒ إِ مَانَايَا، أَزدْجِيذ هِيرُوْدُس تُوْغَا يطّف يَحْيَى يشدّ-يث يݣِّي-ث ذِي ڒحْبس خ سَّبَاب ن هِيرُوْدِيَا ثَمْغَارْث ن وُوْمَاس فِيلِيپَّـاس.

أَسڒْمذ ن سِيذِيثْنغ عِيْسَى لْكِتَاب ن مَتَّى 14:6

وَامِي يݣَّا وزدْجِيذ هِيرُوْدُس ڒْعِيذ لْمِيلَاد نّس، ثكَّر يدْجِيس ن ثمْغَارْث نّس هِيرُوْدِيَا ثشْضح زَّاث إِ ينوْجِيْون، يعْجب-اَس ڒْحَاڒ إِ وزدْجِيذ هِيرُوْدُس.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:6

ينَّا-ٱسن عِيْسَى: "غَارْوم! حْضَام يخف نْوم زݣ ونْتُوْن ن لْأَحْزَاب ن يفَرِّيسِيْين ذ يصَدُّوْقِيْين."

مرقس 12:13

كَّرن لْحُكَّام نِّي سّكّن غَار عِيْسَى شَان يفَرِّسِيْين ذ شَان يِوْذَان زِي ڒْحِزب ن وزدْجِيذ هِيرُوْدُس، رْزُون اَث طّْفن خ شَا ن وَاوَاڒ نّس.

مرقس 8:14

ئِمحْضَارن تُّوْن اَغْرُوْم وَار ث يْسِين شَا، غَارْسن غِير يجّن ن ثشْنِيفْث وَاهَا ذِي ثْغَرَّابُوْت.

مرقس 8:16

بْذَان سَّاوَاڒن جَارَاسن نَّان قَا نشِّين وَار غَارْنغ ذَانِيتَا بُو وغْرُوْم.

لوقا 12:15

ينَّا-ٱسن: "حْضَام يخف نْوم، بعّْذث خ طّْمَع مِينْزِي ثُوْذَارْث ن بْنَاذم وَار تِيڒِي شَا س وَاطَّاس ن وَاݣْڒَا."

1 تيموتاوس 5:21

أَقَا عڒْمغ-اَش زَّاث إِ أَربِّـي ذ عِيْسَى لْمَسِيح ذ لْمَلَائِكَاث يتْوَاخْضَرن قَا لَابُد اَذ تݣّذ ثِمسْڒَايِين-أَ بْڒَا مَا ٱذ تݣّذ ڒْفَرْز اَك شَان حَدّ بْڒَا مَا ٱذ تݣّذ عَاوذ س وُوْذمَاون.

1 تيموتاوس 6:13

تْوصِّيغ-شك زَّاث إِ أَربِّـي ونِّي يسدَّرن قَاع ثِمسْڒَايِين أُو زَّاث إِ عِيْسَى لْمَسِيح ونِّي يشهْذن شْهَاذث نِّي ثَصبْحَانْت زَّاث إِ لْحَاكم بُوْنْطُوْس بِلَاطُوْس.

2 تيموتاوس 2:14

سْفكَّر ڒْمُوْمِنِين خ ثْمسْڒَاِيِين-أَ. عْڒم-اَسن زَّاث إِ أَربِّـي بَاش وَار تْمنْغِين شَا خ وَاوَاڒن. أَمنْغِي نِّي وَار ذَايس وَالُو، غِير اَذ يسُوْفغ زݣ وبْرِيذ يِنِّي يتسْڒَان.