مرقس 7:4 - ثريفيث 2020

⁴ مڒْمِي مَا د ذوّْرن زِي سُّوق، مڒَا وَار سِيرْذن شَا اَتَاف وَار تتّن شَا. أَطّاس ن ڒحْوَايج نّغْنِي إِي ذْفَّارن، ڒمْذن-ثن تطّْفن-ثن أُو صَافِي، أَمشْنَاو اَسِيرذ ن ڒْكِيسَان ذ يغَرَّافن ذ ڒقْشُوْع ن نّحَّاس ذ ثَاسُّوْث.

مرقس 7:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:25

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! كنِّيو ثْسِيرِيذم مْلِيح ڒْكَاس ذ طبْصِي غَار بَارَّا، وَلَكِن غَار ذَاخڒ اَقَا شُّوْرن س ثُوْكَّارْذَا ذ طّْمَع!

أَسڒْمذ ن سِيذِيثْنغ عِيْسَى لْكِتَاب ن مَتَّى 23:26

آي اَفَرِّيسِي اَضَرْغَاڒ، ذ اَمزْوَارُو سِيرذ ڒْكَاس غَار ذَاخڒ حمَا اَذ يِيڒِي يسِيرذ غَار بَارَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 27:24

وَامِي يُوْفَا بِيلَاطُس بلِّي وَار يقْضِي وَالُو اَرْنِين ذِي لْفَوْضَا، ييْسِي اَمَان يسِيرذ يفَاسّن نّس زَّاث إِ ڒْغَاشِي نِّي ينَّا-ٱسن: "أَقَا نش تْبرِّيغ اَزدْجِيف ينُو زݣ يذَامّن ن ورْيَاز-أَ! أَقَاث خ يِيرِي نْوم!"

مرقس 7:8

كنِّيو ثجِّيم ڒُوْصِيّث ن أَربِّـي، ثطّْفم ذِي لْعَادَاث ن يِوْذَان أُو صَافِي."

يوحنا 2:6

ذِنِّي ذِي ثدَّارْث نِّي ستَّا ن يقْنُوْشن ن وَامَان عْلَاحْسَاب مَامّش نُّوْمن تݣّن زَّايْسن يسْرَائِيلِيْين ڒُوْضُو. ئِقْنُوْشن نِّي تْوَاخذْمن س وزْرُو، كُڒ يجّن يكسِّي زِي ثْمَانِين اَڒ مِيَّا أُو عِشْرِين لِيتْرُو ن وَامَان.

يوحنا 3:25

يوْقع لْخِلَاف جَار يمحْضَارن ن يَحْيَى ذ يِجّن ن ؤُئِسْرَائِيلِي خ مَامّش غَا يِيڒي ڒُوْضُو.

يعيبرانيين 9:10

مَانَايَا غِير ذَايس شَان ن لْقَوَانِين ن شَّرِيعَا خ لْمَكْلَا ذ ثْسسِّي ذ ڒُوْضُو. لْقَوَانِين-أَ وَار دْجِين شَا خ وُوْڒَاون ن بْنَاذم، خدّْمن حتَّا ڒْوقْث ن ڒْعَهذ ذ جْذِيذ أُو صَافِي.

ثبرات غار يعقوب 4:8

أَذْسث غَار أَربِّـي، نتَّا اَغَارْوم د يَاذس. آ يِنِّي يخْضَان، سِيرْذث يفَاسّن نْوم. آ يِنِّي كُڒ ڒَعْقڒ مِين ذَاوم يقَّار، سصْفَاث ؤُڒَاون نْوم.

1 يوحنا 1:7

وَلَكِن مڒَا نݣُّوْر ذِي نُّوْر مَامّش يدْجَا نتَّا ذِي نُّوْر، أَتَاف نْتمْعَاشَر اَك وَايَاوْيَا اَتَاف يذَامّن ن مِّيس عِيْسَى سِّيصْفَان-اَنغ زِي مَارَّا ڒْمُعْصِيَاث.