مرقس 7:34 - ثريفيث 2020

³⁴ ئِيْسِي ثِيطَّاوِين نّس غَار وجنَّا يسُّوْحرث ينَّا: "إِفَاتَح!" (أَوَاڒ-أَ يخس اَذ يِينِي تْوَارْزْمن.)

مرقس 7:34 ပူးပေါင်းရင်းမြစ်များ

مرقس 1:41

ئِقّس-اَس إِ عِيْسَى، ئِحَاذَا-ث س وفُوْس نّس ينَّا-ٱس: "وَاه نش خْسغ، شك قَا ثْݣنْفِيذ!"

مرقس 15:34

غَار ثْڒَاثَا وعشِّي يڒَاغَا عِيْسَى س جّْهذ ينَّا: "إِيْلِي، إِيْلِي، لْمَا سْبَاقْثَانِي؟" ڒْمَعْنَا ن وَاوَاڒ-أَ: "يَا أَربِّـي، يَا أَربِّـي، مَايمِّي ذَايِي ثْسمْحذ؟"

مرقس 5:41

ئِطّف-اَس ذݣ وفُوْس إِ ثْحنْجِيرْث نِّي ينَّا-ٱس: طَلِيثَا قُوْمِي، يعْنِي آ ثَحنْجِيرْث كَّر.

مرقس 6:41

ئِيْسِي خمْسَا نِّي ن ثْخبَّازِين ذ ثْنَاين نِّي ن يسڒْمَان ييْسِي ثِيطَّاوِين نّس غَار وجنَّا أُوشَا يشكَّر أَربِّـي. يرْزَا اَغْرُوْم نِّي يُوْشَا-اَسن-ث إِ يمحْضَارن نّس اَك ثْنَاين ن يسڒْمَان نِّي حمَا اَثن فرْقن خ يِوْذَان نِّي مَارَّا.

مرقس 7:35

ڒخْدّنِّي إِي ݣنْفَان يمجُّوْنن نّس يضْڒق يڒس نّس، ئِبْذَا يسَّاوَاڒ نِيشَان.

مرقس 8:12

ئِحْرق وُوْڒ نّس اَطَّاس ينَّا-ٱسن: "مَايمِّي يوْذَان ن ڒْوقْث-أَ تتَّارن لْعَلَامَا ثَمقّْرَانْت؟ أَقَا تسْڒَام ڒْحَقّ: ئِوْذَان ن ڒْوقْث-أَ وَار ذَاسن تِيشّ بُو لْعَلَامَا ثَمقّْرَانْت، قَاع."

لوقا 18:42

ئِنْدق-د عِيْسَى ينَّا-ٱس: "تْوَاڒَا، قَا لإِيمَان نّش يسْݣنْفَا-شك!"

لوقا 19:41

وَامِي عْڒَاين اَذ يَاوض غَار ثنْدِينْت ن لْقُدْس، ئِࢲْرِي-ت يبْذَا يتْرُو خَاس.

لوقا 7:14

ئِقَارّب غَار ڒْمحْمڒ يحَاذَا-ث، بدّن يِنِّي ث ييْسِين. ينَّا: "كَّر آي اَحنْجِير."

يوحنا 11:33

عِيْسَى وَامِي ت يࢲْرَا ثتْرُو حتَّا ذ يسْرَائِيلِيْين نِّي إِي كِذس د يُوْسِين ؤُڒَا ذ نِثْنِي تْرُوْن، نتَّا ؤُڒ نّس ئِغْڒب-يث يخيّق ذِي نّفْس نّس.

يوحنا 11:35

عِيْسَى يتْرُو.

يوحنا 11:38

عِيْسَى يزِيدْجز-اَس عَاوذ ذݣ وُوْڒ نّس، يُوْسَا-د غَار يِيفْرِي ن ونْضڒ يُوْفَا خَاس اَزْرُو.

يوحنا 11:41

أُوْشَا نِثْنِي سْبعّْذن اَزْرُو نِّي. ئِيْسِي عِيْسَى ثِيطَّاوِين غَار وجنَّا ينَّا: "تْشكَّرغ-شك آ بَابَا ثسْتَاجْبذ-اَيِي.

يوحنا 11:43

وَامِي ينَّا مَانَايَا، ئِڒَاغَا س جّْهذ ينَّا: "آ لِعَازَر، ٱفّْغ-د سّنِّي!"

يوحنا 17:1

وَامِي يسِّيوڒ عِيْسَى خ مَانَايَا، ئِيْسِي ثِيطَّاوِين نّس غَار وجنَّا ينَّا: "آ بَابَا، ثُوْوض-د ڒْوقْث. سمْغَار مِّيش حمَا اَش يسمْغَار.

ڒخذايم 9:34

ينَّا-ٱس بُطْرُس: "آ عِيْنْيَاس، قَا شك يسْݣنْفَا-شك عِيْسَى لْمَسِيح! كَّر جْمع ثَاسُّوْث نّش." ڒخْدّنِّي يكَّر يبدّ خ يضَارن.

ڒخذايم 9:40

سّنِّي يسُوْفغ-يثن بُطْرُس مَارَّا زِي ثْغُوْرْفَات، يوْضَا خ يفَادّن يبْذَا يتْࢲَادْجَا. ئِخْزَر غَار دَّات نّس ينَّا-ٱس: "يَا طَابِيتَا، كَّر!" أُوْشَا نتَّاث ثرْزم ثِيطَّاوِين نّس، وَامِي ثࢲْرَا بُطْرُس ثكَّر ثقِّيم.

يعيبرانيين 4:15

شُوْف، وَار غَارْنغ بُو يجّن ن ڒفْقِي اَمقّْرَان نتَّا وَار يزمَّر شَا اَذ يحسّ زِي ضُّوْعف نّغ. وَاه، غَارْنغ يجّن ڒفْقِي كِّينْت خَاس مَارَّا ڒمْحَاين؛ نتَّا اَم نشِّين وَلَكِن وَار يݣِّي بُو ڒْمُعْصِيّث.