مرقس 7:3 - ثريفيث 2020

³ ڒَاحقَّاش يفَرِّيسِيْين ذ مَارَّا أَيث-إِسْرَائِيل مڒَا وَار سِيرْذن شَا يفَاسّن نْسن وَار تتّن شَا، مِينْزِي طّْفن اَطَّاس ذِي لْعَادَاث ن ڒجْذُوْذ نْسن.

مرقس 7:3 ပူးပေါင်းရင်းမြစ်များ

مرقس 7:13

أَمُّو كنِّيو ثْبدّْڒم ڒْمَعْنَا ن وَاوَاڒ ن أَربِّـي حمَا اَذ تݣّم مَامّش ذَاوم يعْجب ڒْحَاڒ س لْعَادَاث نْوم إي ثْڒمْذم. تݣّم اَطَّاس ن ثْمسْڒَايِين اَمشْنَاو ثِيْنَا."

مرقس 7:5

سّقْسَان-ث يفَرِّيسِيْين ذ شَان يمْسڒْمَاذن ن شَّرِيعَا نَّان-اَس: "مَايمِّي يمحْضَارن نّش وَار تݣّن شَا لْعَادَاث ن ڒجْذُوذ نّغ؟ مَايمِّي وَار سِيرِيذن شَا يفَاسّن نْسن قْبڒ مَا ٱذ شّن اَغْرُوْم؟"

لوقا 11:38

أَفَرِّيسِي نِّي يتْعجّب وَامِي يُوْفَا عِيْسَى وَار يسِيرذ شَا يفَاسّن نّس قْبڒ مَا ٱذ يشّ.

يوحنا 2:6

ذِنِّي ذِي ثدَّارْث نِّي ستَّا ن يقْنُوْشن ن وَامَان عْلَاحْسَاب مَامّش نُّوْمن تݣّن زَّايْسن يسْرَائِيلِيْين ڒُوْضُو. ئِقْنُوْشن نِّي تْوَاخذْمن س وزْرُو، كُڒ يجّن يكسِّي زِي ثْمَانِين اَڒ مِيَّا أُو عِشْرِين لِيتْرُو ن وَامَان.

أيث-ݣلاطيا 1:14

تُوْغَا نش تْݣَعَّاذغ مْلِيح ذِي دِّين ن أَيث-إِسْرَائِيل عْڒَاين قَاع حْسن زݣ يقْرِينن ينُو. تُوْغَا نش رزُّوْغ اَطَّاس اَذ ݣّغ لْوَاجِب عْلَاحْسَاب لْعَادَاث ن ڒجْذُوْذ ينُو.

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.

1 بطرس 1:18

أَقَا ثسّْنم كنِّيو س يِجّن ن لْفِدْيَا أَربِّـي يسُّوْفغ-يكنِّيو-د زݣ يِجّن ن ثُوْذَارْث ثخْوَا إِي ذَاوم يمُّوْشن زِي ڒجْذُوْذ نْوم، وَلَكِن لْفِدْيَا-يَا إِي خَاوم يخدْجس مَاشِي ذ شَان ن ڒْحَاجث اَم دّْهب نِغ اَم نُّقَارْث إِݣ يفنَّان.