مرقس 7:26 - ثريفيث 2020

²⁶ ثَمْغَارْث نِّي ذ ثَيُوْنَانِيث، لْأَصل نّس زِي سُوْرْيَا فِنِيقْيَا. ثتَّار زَّايس اَطَّاس حمَا اَذ يسُوْفغ جّنّ نِّي اَعفَّان زݣ يدْجِيس.

مرقس 7:26 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:22

ثُوْسَا-د غَارس يجّن ن ثمْغَارْث زِي أَيث-كَنْعَان ثْزدّغ ذِنِّي. تْرَاغَا ثقَّار-ٱس إِ عِيْسَى: "رْحم-اَيِي آ سِيذِي، آ مِّيس ن أَيث-دَاود! قَا يدْجِي ذَايس يجّن ن جّنّ ذ اَعفَّان يتْعدَّاب-يت اَطَّاس."

أَسڒْمذ ن سِيذِيثْنغ عِيْسَى لْكِتَاب ن مَتَّى 4:24

ئِفّغ ڒخْبَار نّس ذِي سُوْرْيَا اَمن-ثكْمَاڒ. تَّاوْين-د غَارس مَارَّا يِنِّي يهڒْشن تْعدَّابن س لْأَنْوَاع ن ڒهْڒَاشَاث ذ ڒحْڒِيقَاث، مْكُڒ يمَرْيَاحن ذ يمجْنُوْنن ذ ينشْرُوْفن نتَّا يسْݣنْفَا-ثن.

مرقس 7:25

ذِنِّي يجّن ن ثمْغَارث يدْجِيس ذَايس جّنّ ذ اَعفَّان. وَامِي د ثَارَّا ڒخْبَار ذغْيَا ثُوْسَا-د غَار عِيْسَى ثوْضَا-يَاس غَار يضَارن نّس.

مرقس 7:27

ينَّا-ٱس عِيْسَى: "اجّ بَعْدَا يحنْجِيرن اَذ جَّاوْنن. مَاشِي مَعْقُوْل اَذ يتْوَاكّس وغْرُوْم ن يحنْجِيرن اَذ يمنْضَار إِ يقْزِينن."

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

أيث-كولوس 3:11

وَار يتْغِيمِي بُو ويُوْنَانِي نِغ ذ اَئِسْرَائِيلِي، نِغ ذ ونِّي يطهَّارن نِغ ذ ونِّي وَار يطهِّيرن شَا، نِغ ذ اَبَرْبَرِي نِغ ذ اَوحْشِيو، نِغ ذ يسْمغ نِغ ذ ونِّي يدْجَان حُرّ. لَّا، لْمَسِيح نتَّا ذ مَارَّا، أَقَاث ذِي مَارَّا.