مرقس 6:6 - ثريفيث 2020

⁶ يتْعجّب ڒَاحقَّاش لإِيمَان نْسن ذ وقْلِيل. سّنِّي يݣُّوْر يسڒْمَاذ زِي دْشَار غَار دْشَار إِي ث يُوْذْسن ذِنِّي.

مرقس 6:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 4:23

ئِݣُّوْر عِيْسَى ذِي لْإِقْلِيم ن لْجَلِيل مَارَّا، ئِسڒْمَاذ ذِي ثمْزِيذَاوِين ن أَيث-إِسْرَائِيل يتْبشَّر-يثن س لْإِنْجِيل ن ڒْمُلْك ن أَربِّـي يسْݣنْفَا مَارَّا ڒهْڒَاشَاث ذ دِّعَان ن دَّات ذݣ يِوْذَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:10

وَامِي يسْڒَا عِيْسَى إِ مَانَاينِّي يتْعجّب اَطَّاس. ينَّا-ٱسن إِ يِنِّي ث يذْفَارن: "أَقَا تسْڒَام ڒْحَقّ: يِنِّي يدْجَان زِي أَيث-إِسْرَائِيل وَار ذَايْسن ؤُفِيغ بُو لْإِيمَان يمْغَر اَطَّاس اَم وَانِيتَا!

أَسڒْمذ ن سِيذِيثْنغ عِيْسَى لْكِتَاب ن مَتَّى 9:35

يُوْيُوْر عِيْسَى ذِي مَارَّا ثِندَّام ذ ڒدْشُوْر، ئِسڒْمَاذ ذِي ثمْزِيذَاوِين ن أَيث-إِسْرَائِيل يتْحدَّاث يتْبشَّار س ڒْمُلْك ن أَربِّـي. ئِسْݣنْفَا مَارَّا ڒهْڒَاشَاث ذ دِّيعَان ن دَّات.

مرقس 1:39

ئِرُوْح يتْحدَّاث ذِي ثمْزِيذَاوِين ن أَيث-إِسْرَائِيل ذِي مَارَّا ثَمُوْرْث ن لْجَلِيل يسُوْفُوْغ جْنُوْن.

مرقس 10:1

ئِكَّر عِيْسَى يفّغ سّنِّي يرُوْح غَار جْوَايه ن يَهُوْذِيَا ذ وجمَّاض-ين ن يغْزَار ن لْأُرْدُن. مُوْنن-د خَاس ذِنِّي ڒْغَاشِي عَاوذ، يبْذَا يسڒْمَاذ-يثن اَمشْنَاو ڒبْدَا.

لوقا 13:22

ئِكَّا عِيْسَى خ يبِيلَاجن ذ ڒدْشُوْرَاث، ئِسڒْمَاذ يݣُّوْر غَار ثنْدِينْت ن لْقُدْس.

لوقا 4:31

ئِرُوْح عِيْسَى غَار وبِيلَاج ن كَفرْنَاحُوم إِݣ يدْجَان ذِي ثْمُوْرْث ن لْجَلِيل، ئِبْذَا يسڒْمَاذ يوْذَان ذِنِّي ذِي نْهَار ن لْعِبَادَا نْسن كُڒ سّبْث.

لوقا 4:44

ئِرُوْح يتْحدَّاث ذِي ثمْزِيذَاوِين نْسن ن يَهُوْذِيَا.

يوحنا 9:30

ينَّا-ٱسن ورْيَاز نِّي: "مَانَايَا ذ ڒْعَجب! ئِسْݣنْفَا ثِيطَّاوِين ينُو، كنِّيو وَار ثسِّينم شَا مَانِيس نتَّا!