مرقس 6:34 - ثريفيث 2020

³⁴ وَامِي د يضْرَا عِيْسَى زِي ثْغَرَّابُوت يُوْفَا ذِنِّي ڒْغَاشِي نِّي، قّْسن-اَس مِينْزِي ݣِّين اَمشْنَاو يحُورِّيْين وَار غَارْسن شَا ؤُو ثن غَا يَروْسن. ئِبْذَا يسڒْمَاذ-اَسن اَطَّاس ن ثْمسْڒَايِين.

مرقس 6:34 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 14:14

وَامِي د يضْرَا عِيْسَى زِي ثْغَرَّابُوْت يُوْفَا قَاع اَنشْت نِّي ن يِوْذَان، قّْسن-اَس يسْݣنْفَا يمهْڒَاش نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 15:32

ئِڒَاغَا-د عِيْسَى إِ يمحْضَارن نّس ينَّا-ٱسن: "نش قّْسن-اَيِي يِوْذَان-أَ. ثڒْتِيَّام زݣ وَامِي اَقَاثن اَكِذِي وَار غَارْسن شَا مِين غَا شّن. وَار خْسغ شَا اَثن سّكّغ نِثْنِي وَار شِّين شَا حمَا وَار تسْخِيفّن خ وبْرِيذ."

أَسڒْمذ ن سِيذِيثْنغ عِيْسَى لْكِتَاب ن مَتَّى 9:36

يࢲرّ عِيْسَى ڒْغَاشِي نِّي قّْسن-اَس مِينْزِي تْوَاعدَّابن تْنهْوَاڒن، ݣِّين اَمشْنَاو يحُوْڒِيْين وَار غَارْسن شَا ؤُو ثن غَا يَروْسن.

مرقس 6:33

ࢲْرِين-ثن اَطَّاس ن يِوْذَان وَامِي ݣُّوْرن. عقْڒن-ثن فّْغن ذغْيَا زِي مَارَّا يبِيلَاجن نِّي تَازّْڒن مَارَّا ذِنِّي خ يضَارن، ئِزْوَارن-اَسن غَار ومْشَان نِّي.

مرقس 6:35

وَامِي يعْذُو ڒْحَاڒ، قَارّْبن غَارس يمحْضَارن نّس نَّان-اَس: "ڒْوقْث ثعْذُو، أَمْشَان-أَ ذ ڒخْڒَا وَاهَا.

مرقس 8:1

ذِي ڒِيَّام نِّي، مُوْنن-د خَاس عَاوذ ڒْغَاشِي اَطَّاس أُو نِثْنِي وَار غَارْسن مِين غَا شّن. ئِڒَاغَا-د عِيْسَى إِ يمحْضَارن نّس ينَّا-ٱسن:

مرقس 8:2

"نش قّْسن-اَيِي يِوْذَان-أَ. ثڒْتِيَّام زݣ وَامِي اَقَاثن اَكِذِي وَار غَارْسن شَا مِين غَا شّن.

لوقا 9:11

وَامِي ڒْغَاشِي سّْنن مَانَايَا ذْفَارن-ث. نتَّا يسْتقْبڒ-يثن يبْذَا يسَّاوَاڒ اَكِذْسن خ ڒْمُلْك ن أَربِّـي يسْݣنْفَا يِنِّي يخْسن اَذ ݣنْفَان.

يعيبرانيين 2:17

خ مَانَايَا تُوْغَا وَا لَابُد أَربِّـي اَذ يَارّ عِيْسَى اَم أَيثْمَاس ذِي مَارَّا بَاش اَذ يِيڒِي ذ ڒفْقِي اَمقّْرَان ذَايس اَرَّحْمث ذَايس تِّقث يخدّم إِ أَربِّـي. أُو عَاوذ ڒفْقِي-يَا اَذ يقدّم لْفِدْيَا حمَا اَذ تْوَاغْفَرنْت ڒْمُعْصِيَاث ن يِوْذَان.

يعيبرانيين 4:15

شُوْف، وَار غَارْنغ بُو يجّن ن ڒفْقِي اَمقّْرَان نتَّا وَار يزمَّر شَا اَذ يحسّ زِي ضُّوْعف نّغ. وَاه، غَارْنغ يجّن ڒفْقِي كِّينْت خَاس مَارَّا ڒمْحَاين؛ نتَّا اَم نشِّين وَلَكِن وَار يݣِّي بُو ڒْمُعْصِيّث.