مرقس 6:15 - ثريفيث 2020

¹⁵ ئِجّن يقَّار لَّا قَا وَانِيتَا ذ نَّبِي نِّي إِلْيَاس. ئِجّن يقَّار لَّا قَا وَانِيتَا ذ يجّن ن نَّبِي اَمشْنَاو يجّن زِي لْأَنْبِيَا نِّي يقْذِيمن.

مرقس 6:15 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:14

نَّان-اَس: "ئِجّن يقَّار شك ذ يَحْيَى، ئِجّن يقَّار شك ذ إِلْيَاس، ئِجّن يقَّار شك ذ إِرْمِيَا نِغ ذ شَان يِجّن زِي لْأَنْبِيَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 21:11

نَّان ڒْغَاشِي قَا وَانِيتَا ذ نَّبي عِيْسَى زݣ وبِيلَاج ن نَاصِرَا ذِي ثْمُوْرْث ن لْجَلِيل."

مرقس 6:16

أَزدْجِيذ هِيرُوْدُس وَامِي يسْڒَا مَانَايَا، ينَّا قَا وَانِيتَا ذ يَحْيَى نِّي ؤُمِي قسّغ اَزدْجِيف، أَقَا يتْوَاسكَّر-د زِي ڒْموْث!

مرقس 8:28

أَرِّين خَاس نَّان-اَس: "ئِجّن يقَّار شك ذ يَحْيَى، ئِجّن يقَّار شك ذ إِلْيَاس، ئِجّن يقَّار شك زِي لْأَنْبِيَا."

لوقا 1:17

أَذ يُوْيُوْر زَّاث إِ سِيذِي أَربِّـي س يِجّن ن اَرُّوْح يجْهذ اَم ونِّي ن نَّبِي إِلْيَاس. أَذ يسْمصْڒَاح لْوَالِدِين اَك ثَارْوَا نْسن. أَذ يَارّ يِنِّي يعصَّان غَار وبْرِيذ ن يِنِّي يدْجَان نِيشَان حمَا اَذ يسوْجذ شَّعْب إِ سِيذِي أَربِّـي اَذ يڒِين وجْذن."

لوقا 7:16

مَارَّا ݣّْوْذن سمْغَارن أَربِّـي نَّان: "ئِمظْهَار-د جَارَانغ يجّن ن نَّبِي ذ اَمقّْرَان. أَربِّـي يفْقذ شَّعْب نّس!"

لوقا 7:39

أَفَرِّسِي نِّي إِي ث يعَرْضن وَامِي يࢲْرَا مَانَايَا ينَّا ذِي نّفْس نّس: وَانِيتَا مَعْلِيك ذ نَّبِي اَتَاف اَذ يسّن مِين ثعْنَا ثمْغَارْث-أَ إِي ث يتْحَاذَان، نتَّاث ثعْصَا أَربِّـي.

لوقا 9:19

أَرِّين خَاس نَّان-اَس: "ئِجّن يقَّار شك ذ يَحْيَى. ئِجّن يقَّار شك ذ إِلْيَاس. ئِجّن يقَّار شك زِي لْأَنْبِيَا يقْذِيمن إِي د يكَّرن زِي ڒْموْث."

لوقا 9:8

ئِجّن يقَّار لَّا، قَا ذ إِلْيَاس إِي د يمظْهَارن. ئِجّن يقَّار لَّا، قَا يكَّر-د يجّن زِي لْأَنْبِيَا نِّي يقْذِيمن.

يوحنا 1:21

نَّان-اَس: "ئِي مِين ثعْنِيذ، مَا ذ نَّبِي إِلْيَاس؟" ينَّا-ٱسن: "مَاشِي ذ نش." نَّان-اَس: "شك، مَا ذ نَّبِي إِي قَّارن اَذ د يَاس؟" ينَّا-ٱسن: "لَّا."

يوحنا 1:25

نَّان-اَس: "مڒَا شك وَار ثدْجِيذ شَا ذ لْمَسِيح نِغ ذ إِلْيَاس نِغ ذ نَّبِي إِي د غَا يَاسن، مَايمِّي شك تْطهَّارذ إِ يوْذَان س وَامَان؟"

يوحنا 6:14

وَامِي ࢲْرِين لْمُعْجِيزَا نِّي إِي يݣّا، ئِوْذَان نَّان قَا ذ وَانِيتَا ذ نَّبي ذ صَّح تُوْغَا د غَا يَاسن اَذ يِيڒِي ذِي دُّنشْت-أَ.

يوحنا 7:40

سْڒِين ڒبْعَاض ن ڒْغَاشِي إِ وَاوَاڒن ن عِيْسَى نَّان: "ذ وَانِيتَا ذ صَّح ذ نَّبِي إِي قَّارن اَذ د يَاس."

يوحنا 9:17

نَّان-اَس عَاوذ إِ وضَرْغَاڒ نِّي: "مَامّش تْوَاڒِيذ شك ونِّي إِي ش يسْݣنْفَان ثِيطَّاوِين نّش؟" ينَّا-ٱسن: "نتَّا ذ نَّبي."