مرقس 6:14 - ثريفيث 2020

¹⁴ أَزدْجِيذ هِيرُوْدُس يَارَّا-د ڒخْبَار خ مِين يتݣّ عِيْسَى مِينْزِي يسم نّس يذْوڒ مَعْرُوْف اَطَّاس. ذِنِّي شَان يِوْذَان قَّارن قَا وَانِيتَا يعْنِي ذ يَحْيَى نِّي، ئِتْوَاسكَّر-د نتَّا زِي ڒْموْث! س مَانَايَا إِي غَارس جّْهذ إِي زِي يتݣّ لْمُعْجِيزَاث-أَ.

مرقس 6:14 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 9:31

وَلَكِن نِثْنِي رُوْحن سُوْفْغن ڒخْبَار نِّي خ عِيْسَى ذِي ثْمُوْرْث نِّي مَارَّا.

مرقس 1:28

ڒخْدّنِّي ينْتَاشَر ڒخْبَار نّس ذِي مْكُڒ اَمْشَان ذِي جْوَايه ن لْجَلِيل.

مرقس 1:45

وَلَكِن نتَّا مِين يݣَّا؟ ئِرُوْح يبْذَا يسَّاوَاڒ اَطَّاس، ئِسُوْفغ ڒخْبَار اَڒ وَامِي يذْوڒ عِيْسَى وَار يزمَّر اَذ يَاذف غَار شَا ن وبِيلَاج بْڒَا مَا ٱذ يسْنُوْفَّر يخف نّس. تُوْغَا لَابُد يتْغِيمَا ذݣ يمُوْشَان يخْوَان، وَلَكِن وَاخَّا اَمنِّي يوْذَان تَاسن-د غَارس ذِنِّي زِي مَارَّا يمُوْشَان.

مرقس 8:28

أَرِّين خَاس نَّان-اَس: "ئِجّن يقَّار شك ذ يَحْيَى، ئِجّن يقَّار شك ذ إِلْيَاس، ئِجّن يقَّار شك زِي لْأَنْبِيَا."

لوقا 13:31

نْهَار نِّي قَارّْبن ڒبْعَاض زِي ڒْحِزب ن يفَرِّيسِيْين غَار عِيْسَى نَّان-اَس: "فّغ سَّانِيتَا اَقَا اَزدْجِيذ هِيرُوْدُس يرزُّو اَش ينغ!"

لوقا 3:1

أَزدْجِيذ قَيْصَر تِيبَارْيُوْس يُوْوض خمسّْطَاشَر سّْنَا زݣ وَامِي يتحْكَام، لْعَام نِّي عَاوذ بِيلَاطُوس لْبَنْطِي نتَّا ذ لْحَاكم خ يَهُوْذِيَا، هِيرُوْدُس نتَّا ذ لْوَالِي خ لْجَلِيل، ؤُمَاس فِيلِيپَّـاس نتَّا ذ لْوَالِي خ إِيْطُوْرْيَا ذ جْوَايه ن تَرْخَانِيتِيس، لَصَان نتَّا ذ لْوَالِي خ أَبِيلِينَا،

لوقا 7:17

ئِفّغ ڒخْبَار-أَ خ عِيْسَى ذِي مَارَّا ثَمُوْرْث ن يَهُوْذِيَا ذ مَارَّا جْوَايه إِي ذَاس د ينّْضن.

لوقا 9:19

أَرِّين خَاس نَّان-اَس: "ئِجّن يقَّار شك ذ يَحْيَى. ئِجّن يقَّار شك ذ إِلْيَاس. ئِجّن يقَّار شك زِي لْأَنْبِيَا يقْذِيمن إِي د يكَّرن زِي ڒْموْث."

1 أيث-سلونيك 1:8

زَّايْوم كنِّيو إِي د يفّغ صُّوْت ن وَاوَاڒ ن سِيذِيثْنغ. مَاشِي يفّغ-د ذِي مَاسِدُوْنْيَا ذ ؤُخَايَا وَاهَا؛ لَّا، يفّغ-د ڒخْبَر-أَ خ لْإِيمَان نْوم زِي أَربِّـي غَار يِوْذَان ذِي مَارَّا يمُوْشَان. خ مَانَايَا وَار ذَانغ يتْخصِّي شَا اَخَاس نسِّيوڒ مِينْزِي يوْذَان تسْڒَان خَاوم.

يعيبرانيين 2:4

ئِشهّذ خَاس ؤُڒَا ذ أَربِّـي س لْعَلَامَاث ذ لْبُرْهَانَاث ذ وَاطَّاس ن لْأَنْوَاع ن لْمُعْجِيزَاث. س لْإِذن نّس عَاوذ يفرق لْقُدْرَاث رُوْحِيَاث ن اَرُّوْح يقدّْسن.