مرقس 5:36 - ثريفيث 2020

³⁶ ئِسْڒَا-يَاسن عِيْسَى إِ مِين قَّارن، ينَّا-ٱس إِ اَرَّايس نِّي ن ثمْزِيذَا: "وَار تݣّْوذ شَا! ئِتْخصَّا اَذ تَامْنذ وَاهَا."

مرقس 5:36 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:20

ينَّا-ٱسن عِيْسَى: "ڒَاحقَّاش لْإِيمَان نْوم ذ ؤُقْلِيل. أَقَا تسْڒَام ڒْحَقّ: مْڒِي ذَايْوم لْإِيمَان غِير اَنشْت يجّن ن ثْحبُّوْشْت ن بُوْݣَرْذَاڒ، أَذ تِينِيم إِ وذْرَار-أَ: نقْڒع-د شك سَّانِيتَا رُوْح غَار ذِيهَا اَتَاف اَذ د ينقْڒع. وَار خَاوم يتقْسِيح وَالُو.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:18

وَامِي تُوْغَا عَاذ يقَّار عِيْسَى مَانَايَا، يُوْسَا-د غَارس يجّن ن اَرَّايس يسجّذ-اَس ينَّا-ٱس: "يدْجِي قَا ڒخُّو إِي ثمُّوْث. يَالَّاه اَكِذِي سرْس خَاس فُوْس نّش حمَا اَذ تدَّر."

مرقس 5:22

يُوْسَا-د غَارس يجّن زِي اَرُّوْيَاس ن ثمْزِيذَا ن أَيث-إِسْرَائِيل قَّارن-اَس يَاݣْرُس. وَامِي يࢲْرَا عِيْسَى يوْضَا-يَاس غَار يضَارن نّس

مرقس 5:34

ينَّا-ٱس: "آ يدْجِي، شم لْإِيمَان نّمْ يسْݣنْفَا-شم. رُوْح ذِي ڒهْنَا، ثݣنْفِيذ زِي ڒهْڒَاش نّم."

مرقس 9:23

ينَّا-ٱس عِيْسَى: "مَايمِّي إِي غَا ثِينِيذ مڒَا زمَّرغ؟ إِيوَا ونِّي يُوْمْنن يزمَّر إِ كُڒْشِي."

لوقا 8:50

ئِسْڒَا-يَاس عِيْسَى ينَّا-ٱس: "وَار تݣّْوذ شَا! أَمن وَاهَا، أَقَا يدْجِيش اَذ تْݣنْفَا."

يوحنا 11:40

ينَّا-ٱس عِيْسَى: "يَاش نِّيغ-اَم، مڒَا ثُوْمْنذ اَذ تࢲرذ لْعَظَمَا ن أَربِّـي؟"