مرقس 5:23 - ثريفيث 2020

²³ يحشّم-يث اَطَّاس ينَّا-ٱس قَا يدْجِي ثَمزْيَانْت اَقَّا تْمتَّا. أَرَاح-د سرْس خَاس يفَاسّن نّش حمَا اَذ تْݣنْفَا اَذ تدَّر.

مرقس 5:23 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 8:3

ئِسرْس خَاس عِيْسَى فُوْس نّس يحَاذَا-ث ينَّا-ٱس: "وَاه نش خْسغ، شك قَا ثْݣنْفِيذ." صَافِي ذݣ ومْشَان يݣنْفَا ومهْڒُوْش نِّي زِي جْذَام نّس.

مرقس 16:18

أَذ يْسِين يفِيْغرَان س يفَاسّن نْسن. مڒَا سْوِين مِين ينقّن، أَتَاف وَار ثن يضَرِّي شَا. أَذ سرْسن يفَاسّن نْسن خ يمهْڒَاش اَذ ݣنْفَان."

مرقس 5:24

ئِرُوْح اَكِذس ذْفَارن-ت اَطَّاس ن ڒْغَاشِي تمْزَاحَامن خَاس.

مرقس 6:13

سُوْفْغن اَطَّاس ن جْنُوْن، ذهْنن إِ وَاطَّاس ن يمهْڒَاش س زّشْت سْݣنْفَان-ثن.

مرقس 7:32

ؤُوِين-اَس-د يجّن ن وذهْشُوْر ذ اَزيْنُوْن، تَّارن إِ عِيْسَى اَخَاس يسرْس فُوْس نّس.

مرقس 8:23

ئِطّف اَضَرْغَاڒ نِّي س وفُوْس يسُوْفغ-يث غَار بَارَّا ن وبِيلَاج نِّي. ئِسُّوْسف-اَس خ ثِيطَّاوِين نّس يݣَّا خَاس يفَاسّن نّس ينَّا-ٱس: "مَا تْوَاڒِيذ شَان ڒْحَاجث مَا لَّا؟"

لوقا 13:13

ئِسرْس خَاس يفَاسّن نّس ڒخْدّنِّي ثْبدّ نِيشَان ثبْذَا ثْحمّذ أَريِّي.

لوقا 4:38

سّنِّي عِيْسَى يفّغ-د زِي ثمْزِيذَا نِّي يُوْذف غَار ثدَّارْث ن سِمْعَان. يُوْفَا ذِنِّي ثَذْݣّوَاڒْث ن سِمْعَان قَا ثهْڒش ذَايس ثِمسِّي اَطَّاس، تَّارن زَّايس حمَا اَت يسْݣنْفَا.

لوقا 4:40

وَامِي ثغْڒِي ثْفُوْشْت غَار ثْمدِّيث، ئِوْذَان ؤُوِين غَار عِيْسَى يمهْڒَاش نْسن كُڒ يجّن مَامش يݣَّا ڒهْڒَاش نّس. مْكُڒ يجّن زَّايْسن يسْرُوْسَا خَاس فُوْس نّس يسْݣنْفَا-ث.

لوقا 7:12

وَامِي يقَارّب غَار ثوَّارْث ن وبِيلَاج، يُوْفَا ذِنِّي يْسِين-د يجّن ن ومتِّين اَث نضْڒن. نتَّا إِي غَارس غار يمَّاس وَاحْذس، نتَّاث ذ ثَاجَّاڒْث. أَكِذس ذِنِّي اَطَّاس ن ڒْغَاشِي زݣ وبِيلَاج نِّي.

يوحنا 11:3

سُوْيْثْمَاس نِّي سّكّنْت-يد غَار عِيْسَى نَّانْت-اَس آ سِيذِي، قَا ونِّي خَاك يعِيزّن قَا يهْڒش.

ڒخذايم 28:8

بَابَاس ن پُـوْبْلِيُوْس يتْنزْبَار ذِي ثَاسُّوْث يهْڒش س ثْمسِّي يتَازّڒ-اَس وعدِّيس. ئِرُوْح غَارس بُوْلُس غَار وخَّام نّس يࢲُّوْدْج، ئِسرْس خَاس يفَاسّن نّس يسْݣنْفَا-ث.

ڒخذايم 6:6

سبْعَا-يَا ن صَّحَابَا قدّْمن-ثن غَار اَرُّسُل، ࢲُّوْدْجن خَاسن سرْسن خَاسن يفَاسّن نْسن بَرَكن-ثن.

ڒخذايم 8:17

ثُمَّا بُطْرُس ذ يُوْحَنَّا سرْسن خَافْسن يفَاسّن نْسن أُوْشَا يمُّوْش-اَسن أَرُّوْح يقدّْسن.

ڒخذايم 9:12

تُوْغَا يࢲْرَا ذِي لْوَحِي يجّن ن ورْيَاز قَّارن-اَس أَنَاس اَذ د يَاس اَخَاس يسرْس يفَاسّن نّس بَاش اَذ يذْوڒ يتْوَاڒَا."

ڒخذايم 9:17

ئِرُوْح أَنَاس يُوْذف ثَدَّارْث نِّي يسرْس يفَاسّن نّس خ شَاوُل ينَّا-ٱس: "آي ؤُمَا شَاوُل، نش قَا يسّكّ-اَيي-د سِيذِيثْنغ عِيْسَى، ونِّي إِي ذَاش د يمظْهَارن ذݣ وبْرِيذ نِّي إِي د ثُوْوِيذ. ئِسّكّ-اَيي-د غَارك حمَا اَذ تْذوْڒذ تْوَاڒِيذ اَذ تشَّارذ س أَرُّوْح يقدّْسن."