مرقس 5:22 - ثريفيث 2020

²² يُوْسَا-د غَارس يجّن زِي اَرُّوْيَاس ن ثمْزِيذَا ن أَيث-إِسْرَائِيل قَّارن-اَس يَاݣْرُس. وَامِي يࢲْرَا عِيْسَى يوْضَا-يَاس غَار يضَارن نّس

مرقس 5:22 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 2:11

ؤُذْفن ثَدَّارْث نِّي، ؤُفِين اَحنْجِير نِّي اَك يمَّاس مَرْيَم، ؤُضَان خ يفَادّن نْسن سجّْذن-اَس. كّْسن-د ڒكْنُوْز نْسن، يعْنِي دّْهب ذ تْبَخُوْر لْلُبَان ذ يِجّن ن ڒْحَاجث ذ تُوْفُح قَّارن-اَس مُوْرّْ، ؤُشِين-اَس-ثن ذ لْهَدِيَاث.

مرقس 5:33

وَامِي ثسّن ثمْغَارْث نِّي مِين ذَاس يوقْعن ثݣّْوذ ترْجِيجِي، ثُوْسَا-د ثوْضَا غَار يضَارن نّس ثْعَاوذ-ٱس مَارَّا لْحَقِيقَا.

مرقس 5:38

وَامِي ؤُوْضن غَار ثدَّارْث ن اَرَّايس نِّي ن ثمْزِيذَا، ئِتْوَاڒَا عِيْسَى ذِنِّي لْهَرَج ذ يِوْذَان تْرُوْن سْغُوْيِيْون اَطَّاس.

لوقا 13:14

أَرَّايس ن ثمْزِيذَا نِّي وَار ذَاس يعْجِيب بُو ڒْحَاڒ وَامِي عِيْسَى يسْݣنْفَا ثَمْغَارْث نِّي ذِي نْهَار ن سّبْث ن لْعِبَادَا. ئِكَّر نتَّا ينَّا-ٱسن إِ يِوْذَان: "أَربِّـي يُوْشَا ستِّيَّام ن ڒْخذْمث ذِي ستِّيَّام نِّي إِي د غَا تَاسم اَذ تْݣنْفِيم، وَار يدْجِي بُو ذِي نْهَار ن لْعِبَادَا."

لوقا 5:8

سِمْعَان بُطْرُس وَامِي يࢲْرا مَانَايَا يُوْسَا-د يوْضَا غَار يضَارن ن عِيْسَى ينَّا-ٱس: "آ سِيذِي، بعّذ خَافِي نش ذ لْعَاصِي."

لوقا 8:28

وَامِي يُوْفَا عِيْسَى ذِنِّي يبْذَا يسْنكَّر ثْغُوْيّث، ئِوْضَا غَار يضَارن ن عِيْسَى ينْدق-د س يِجّن ن ثْمِيجَّا ثُوْعْڒَا ينَّا-ٱس: "آ عِيْسَى آ مِّيس ن أَربِّـي يُوْعْڒَان، مِين ثخْسذ زَّايِي؟ تتَّارغ زَّايك حمَا وَار ذَايِي تْعدِّيبذ شَا!"

ڒخذايم 13:15

منْبَعْد إِ ثْغُوْرِي زِي لْكُتُب ن شَّرِيعَا ن مُوْسَى ذ لْأَنْبِيَا، سّكّن اَرُّوْيَاس ن ثمْزِيذَا اَوَاڒ نْسن إِ بَرْنَابَا ذ شَاوُل نَّان-اَسن: "آي اَيثْمَا، مڒَا غَارْوم شَان وَاوَاڒ إِي زِي غَا ثْشجّْعم شَّعْب-أَ، إِنِيم-اَسن-ث."

ڒخذايم 18:17

كَّرن مَارَّا إِذْسن طّْفن سَاسْتِين رفْقِي ن ثمْزِيذَا ن أَيث-إِسْرَائِيل ؤُوْثِين-ث زَّاث إِ لْمَحْكَامَا. ݣَالْيُوْن نتَّا وَار ث يشْقِي شَا مَانَاينِّي قَاع.

ڒخذايم 18:8

ڒفْقِي ن ثمْزِيذَا نِّي قَّارن-اَس كْرِيسْپُـوْس، يُوْمن س سِيذِيثْنغ نتَّا ذ مَارَّا ڒحْبَاب نّس. خَربِّي ن يِوْذَان زِي ثنْدِينْت ن كُوْرِينْث وَامِي سْڒِين إِ وَاوَاڒ ن بُوْلُس، ؤُمْنن تْوَاطهَّارن س وَامَان.

لواحي ن يوحنا 22:8

ذ نش يُوْحَنَّا إِي سْڒِيغ، ࢲْرِيغ ثِمسْڒَايِين-أَ. وَامِي سْڒِيغ، ࢲْرِيغ مَانَايَا، هْوِيغ اَذ سجّْذغ غَار يضَارن ن لْمَلَاك نِّي إِي ذَايِي د يسْمظْهَارن ثِمسْڒَايِين-أَ.