مرقس 4:5 - ثريفيث 2020

⁵ شَان زَّرِّيعث ثوْضَا-يَاس جَار يِزْرَا وَار ذِنِّي بُو شَاڒ اَطَّاس. ثغْمِي-د ذغْيَا ڒَاحقَّاش وَار ثُوْدْجِيغ شَا ذِي ثْمُوْرْث اَطَّاس.

مرقس 4:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:20

زَّرِّيعث نِّي إِݣ يوْضَان جَار يِزْرَا نتَّاث اَم شَان بْنَاذم إِݣ يتْسْڒَان إِ وَاوَاڒ ن أَربِّـي يقْبڒ-يث س ڒفْرَاحث.

مرقس 4:4

وَامِي يزرّع، ثوْضَا-يَاس شَان زَّرِّيعث خ طَّارْف ن وبْرِيذ، ؤُسِين-د يجْضَاض شِّين-تث.

مرقس 4:6

وَلَكِن وَامِي ثْسُوْمَّر ثْفُوْشْت، ثْنزْڒف ڒخْدّنِّي ثِيسْرَاو ڒَاحقَّاش يࢲوْرَان نّس وَار ؤُوْثِين شَا غَار ڒَادْجغ ن ثْمُوْرْث.

لوقا 8:13

زَّرِّيعث نِّي إِݣ يوْضَان جَار يِزْرَا نتَّاث اَم يِوْذَان إِي تسْڒَان إِ وَاوَاڒ ن أَربِّـي، قبْڒن-ث س ڒفْرَاحث. وَامِي وَار ؤُوْثِين بُو يࢲوْرَان مْلِيح ذغْيَا تْنقْڒَاعن. تَامْنن زَّايس غِير ذݣ يِجّن ن ڒْوقْث وَاهَا، ذِي ڒْوقْث ن ڒمْحَاين ذغْيَا تفّْغن اَبْرِيذ.

لوقا 8:6

شَان زَّرِّيعث ثوْضَا-يَاس جَار يِزْرَا. ثغْمِي-د، ڒخْدّنِّي ثْنزْڒف ثِيسْرَاو ڒَاحقَّاش وَار ثسْوِي بُو وَامَان.